كلاشنكوف

مع أجمل تحية لذائقتكم البديعة وهاماتكم الرفيعة


[poem=font=",5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
[poem=font=",5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا أهتز هجسي أبيات شعري تقافز= على لساني حروفها مع صورها
ولامثل هزها بالضماير ليا أهتز = إلا جذوعٍ هزها أسقط ثمرها
أبيات بسم الله تبدا وتعتز =بصدقها عمن توحى خبرها
علمٍ وتز القلب لاجله بعد فز= فزة مواتر مع تصارخ كفرها
مواترٍ ماحدٍ عليها تجاوز= مع خط رايح جاي يكشح خطرها
من سرعها عنها المراكب تبارز=عن خطها واجب لك الله حذرها
وامن الطرق وفريشراته تغامز= يطرد وراها ولا طرد ماقهرها
وان بلغو قدامها نقطة الفرز=زلت في لحظة مانتهو من خبرها
إلا أنت ياللي راكب لي على بنز=مع عرضها تقطع مخالف قدرها
كنك شبيه الشهب ساعة تناوز=من الفضا للارض تعمي بصرها
تحمل صواب العلم مني مجهّز=جهز الذخاير في خزينة شررها
خزنة كلانشنكوف تجهز وتلز= تِلحم في بطنه نار ينفل جمرها
مبعد في راس الضلع نوزه ليا أنرز=جزه ولو مدقم بصخرها شطرها
عن حاجة الدربيل مذرع ومِركِز= عينك على النيشان يبعد نظرها
مثلة في حضرة طيب وأنته محفّز=لايا رسيلي أبيات تطلق عبرها
قطوفها من كل طيبٍ تعزز= لكل رجالٍ يسره عطرها
ماهو من اللي في غيابك تغامز=ضعاف النفوس المرجفات بحفرها
بافعالها تفرح كساحٍ عواجز= أحقوقها تعجز يديها تحضرها
رجلٍ جهل قدر الرجاجيل ماعز=عن قدره الانثى رفيعٍ قدرها
وصاحب بشوفك لاتنفرز وكوّز= ولاصارحك نفسه تحذر غدرها
ورجلٍ على كل المراجل تفوّز= تلقى نباح الزور حوله جررها
دايم كريم الاصل مبعد وفارز= عن جاحدين الطيب ماحدٍ ذكرها
هذا وباقي العلم يامرسلي تز=عجلٍ على أرض الشوق تكفى وزرها
شوقي توهج وهج فرن المخابز= بالقلب وعروقه من أول جزرها
أشكي سنين أفراق خلٍ توزز = عن ناظري وأبلى في عيني سهرها
أنا قضيت العمر لغز على لغز= ولاغيره أللي ألغاز عمري حزرها
إليا ذكرته حزني خاطري حز= حز السيوف أللي حدادٍ شفرها
علية وجدي وجد شايب تعكّز=ضرير وعيالها طويل سفرها
وإلا كما طفلٍ يتيمٍ معوّز=على سبيل الناس نفسه كسرها
مره يمد الكف يامل ولو خبز=ومره يكف اليد لاحد نهرها
عنه الغني لامد كفة تقزز= ياكثر ما لا نعمة الله شكرها
قز النظر بين الفيافي وركز=تلقاه فيها ديرته ماهجرها
إليا أنتبه لك كَز فيك النظر كَز= وإليا أنتبهته عنك عينه دورها
هذاك من شوقه وحبة تمركز=في الروح خوفي لايعجّل خطرها
تمت وعجل لي دخيلك بموجز= علم يداوي الروح وإلا دمرها
[/poem]
[/poem]

محمد بن عمران