سلطه بلا سلاطين

[poem=font="traditional arabic,6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يندى الجبين و تقشعر له الابدان=الموقف اللي ما تبرر حاجته
ناس تحت حكم المذله والهوان=يلعبها راس الجحيم ولابته
تونس تقول احنا على مر الازمان=نسلب من الريس ومن جماعته
ياما عمل فينا على مرئ الاعيان=وسوى وسوى والغدر قناعته
ويوم ان تونس وصلته ساس واغصان=هرب ولقيوا في البنوك وداعته
ومصر العظيمه شعبها صاح بلشان=وحسني مهو راضي يغادر ساحته
مير انهم قالوا ترى الوعد ميدان=ميدان تحرير الشعب من طاعته
خرج وقال ابا اتنحى يالاخوان=لكنهم ما ســـــيبوه بحالته
واهل اليمن ثاروا تقل فوح بركان=تبغى علي صالح يشيل بضاعته
لكن ابو صالح تلزم بالكيان=لين افجروه وفجروا سيارته
ونجى بإعجوبه وقال الحق بان=الشعب هذا راح ازود حرارته
ومعمر المرجوج ظالم وفرحان=ملك ملوك العالم ببيجامته
ما سرته عمالته للامريكان=جته الرياح العاتيه واشتالته
وفي سوريا نشهد عداوه وطغيان=شي يشيب من كثر وقاحته
بشار قال أنا إله الثقلان=وكلن يجي يمي معه سجادته
واللي مايسمع كلمتي بات فلسان=والله لاقطع راسه وسبباته
حكام ماتحكم على شرع وأديان=الكل يحرس سرقته وانهابته
ياويلهم من يوم مافيه فرقان=وأهل الردى تجزى بشي حازته
خسران ياللي تظلم الناس خسران=الظلم والله خاسره تجارته
هم وعنى في دنية كلها الوان=وحساب في يوم الوعيد وساعته[/poem]

... الشاعر / شـــــــــــايع الهــــــــــذلي ...