الذلول/مطيفة الهذيلية

مطيفة هي ذلول الشيخ /سرور بن طلمس بن قاعد بن حدري الهذيلي (راع الحجبا) صخرها الملك عبد العزيز وسلب حلاله وسجنه بسبب كثرة مشاكله في نجد مع اخصامه بعد استتباب الامن وكان الشيخ / هلال بن ابراهيم بن عبا الهذيلي حاضر
صخر حلال سرور وكان يريد الذلول مطيفة فوسط من عتيبة ويقال انه سيف الحكرة خاله من المراشدة ان يشتري مطيفة بأي ثمن فاشتراها واخذها هلال بن ابراهيم بعد مادفع ثمنها ورجعها لسرور ولكن طلمس رفض لزعله على سرور وكثرة مشاكله وسيمت من هلال بمبالغ بجمل شهير اسمه عوجان جمل الشيخ/ بنية بن دباي الهذيلي ورفض مع العلم انه زيد ابل على الجمل للاغراء وذهب بها الى نجد وكان عاشق ردمى الحبردية وهي بنت مشهورة بالجمال فطلب منه مطيفة مهر فرفض وكان شاعر عذب وشعره غريب في البلاغة ومن اشعاره في مطيفة
يا سابقي كم من رديفِ نطلتيه = بشير يذكر عن يذكر عقب نطلك مشاوي
حتى الذيابي يامطيفه حذفتيه = ماكنه الا عن ديارة نحاوي
وسرور شوق اللي جديله يحنيه = علق بدار غزيلات المطاوي
خبي خبيب اللي قمز قديم راميه = امس الضحى من يم عبلة ملاوي
انا احمد الله يوم قلبي زرعتيه = وهوه منول مثل وادِ سناوي
وهي اطول من ذلك لكن هذا ماحفظ منها
قصيدته الاخرى
يامطيفة شاعوا بك العربان = علوهم والحداريه
ما سيق مثلك مع البدوان = لعل يمناك ماقيه
اطي وطيتي على عوجان = والا على كل ريميه
عساك تاطين فوق اردان = وخدود ردما الحبرديه
يا سابق مجري الذلان = سرور مقدم هل الهيه
لا روحت ترفع الشلان = خلت هل الجيش رجليه
دورت علوى مع المطران = وشبيرمة والشبيكيه
ودورت في ديرة السبعان = واليوم ما عاد لي نيه