بدع ورد بين نادر النادر وصالح بن ساعد العميري

بدع ورد بين نادر النادر وصالح بن ساعد العميري

البدع نادر النادر

ياسلام الله على صالح ونعم الخوي
في السنين الماضيه والسنين القادمة

راعي الوقفات وقت الطلب ماينزوي
يحتمي وقفات ربعه بوقت اللازمة

مهتدي بالله يمشي على الدرب السوي
وان زعل يشبع طيور الفضاء الحايمة

الله يعلي مقامه ولاهو ينطوي
ذخر ربعه مايفكر في كلمة لايمه

استوى ليل المعاني وليلي مستوي
قلت ابسندلك قصيدة برفعة دايمة

وانتظر ردك ولو راعدك يدوي دوي
والختام وداعة الله وهذي خاتمة


الرد صالح بن ساعد


مرحبا ترحيبتن تطوي البيدا طوي
رحب وافي في قبول الرجال الغانمه

ماعليكم زود وأنته صميدع وحموي
من رجالن فالطلب والمواقف والمه

ياولد...... صاحب ولك عزمن قوي
طيبكم يذكر....... واﻹ العاصمه

المقامات الرفيعه مثل عدن روي
تارد الاحراروأحرار تبقى صايمه

محتري والله جوابك فصبح وفعشوي
وأستند ياصاحبي والخواطر سالمه

الردود تجيك فالحال والناوي نوي
هات ماعندك مادام المعاني قايمه