ابشرو بالنصر يامعشر التماسيح

السلاام عليكم

تحيه طيبه وبعد

طبعا لكثرت ماتررد اخيرا من عمليات ارهابيه على مجتمع التماسيح وتفجير اصاب بعضا منا امثال ذيب الفيافي وابو سكسوكه

قررت ان انظم عمليه مسحيه <<<<< باي قااموس هذي

عزيزاتي السحالي جيت اليوم وانا كلي شوق وفرح ودي انظم فيكم احلى وارق واروع ما قيل طبعا البنت من توعى على الدنيا مالها صديقه الا المرايه يوم تقول وه وش هالشيفه المرايه هذي مغبره ويوم مع الاضاءه وتزينها قال والله يمدحون جمالي يقولون كل يوم اصير اصغر واحلى
واذا اشترت علبة مكياج تلقاها من اول اسبوع بالدرام مخلصه من كثر عمليات المسح الجغرافي على شيفتها وفي الاخير ما تطلع تشبه لا اريام ولا نانسي وتقوم تسب منتجات التجميل وانهم متعمدين يخربون شكلها وانهم نصابين
طول يومها ماسكه جوالها على حصه وفطيم و مزنه وشهد وريمه تحكى معهم عن احلامها وامالها انها بتصير دكتوره والا صاحبة تجاره بزنس وومن وتنشد عن اخر انواع الجوالات عشان تشتريه وترزه بيدها واحيان تبيعه ما عرفت وش فيه غير تدق على امها وسواقهم
وكلوه كوم وشنطتها كوم لازم تكون اخر ماركه وكل ما شافت صديقه من خوياتها تنشدها بكم شنطتك وكل مازاد الثمن ركضت اكثر ودها تلبس حذاء تزلج عشان تلحق الموضه قبل تخلص وفي الاخير تكتشف ان صديقتها مشتريه الشنطه ب30 ريال ومعلقه فيها ميداليه فيها اسم كريستيان ديووور او قوتشي او شانيا او بيير كاردان << حركات مكشوفه جدا حاولي تلتزمون بالمصدااقيه شوي
وفي اخر النهار لارجعت منهكة القوى من هجهجتها في السوق ونعالها المنقطع تلاقيها ترتز عند امبي سي 3 تواصل مراهقتها العبيطه اللى كل مالها تزيدها هبال وكل ما قلنا البنت بتكبر لقينا مخها ينقص اكثر لا واذا بتحلي بقناه عدله راحت لتشنل تو لازم تتعلم فن الكاراتيه عشان تربي زوج المستقبل<<<< بالله هذوله كيف تصبر عليهم


ودى القي معاكم يا عزيزاتى السحليات الانيقات نظره سريعه على تسريحة كل وحده منكم

هناك انواع من القصاات مثل سلة الفاكهه وذيل الحصان ودي اقوله بصيغه ثاانيه بس اخلااقنا لاتسمح بذالك وهناك ماهو ادهى وامر
مناديل على شكل كره في داخلها علوك من شهر كل يوم يضاف اليها قطعه جديده ولله الحمد ماعندنا زلازل الا كان طاحت التسريحه وشفنا البواريك اللى تحتها وقصاقيص الشعر والصبغات والقفازين
وفي اخر المشوار تعالوا نمر على غرفتهاقبل نطلع ونقفل هالسيره لان البنات اكيد حيزعلوا وانا مجهز جدران وش كثر عشان اللى تفكر تزعل تدور اكثرها رقه وجاذبيه وتمارس معه مصارعة الثيران


عزيزتى السحليه الراقيه مره ثانيه فكري الف مره قبل تتوجهين الى مدرجات التماسيح للانتقام ورد الصاع صاعين

ولك كل تحياتى الممزوجه باخر عطر نزل في السوق واحلى باقة ورد مكتوب عليها لا تعيدينها مرة ثانيه

وسلسه مكتوب فيها سحالى الزمن الصعب اموت يوم واشوف سحليه تمشي ولا تزحف على بطنها

والسحليه مهما كانت وراحت او جت تظل سحليه وان حاولت تلف او تدور حنا لها بالمرصاد حتى ذبحكم فيه حسنات تلمونا لما نهبل فيكم

واخيرا الى لقاء اخر مع رحله جديده في موضوع اخر من مواضيع اخوكم المقلع

تيك اوف


تهديد: ترون قريبا على شاشتى اخوكم المقلع مسلسل يوميات سحليه محبطه يتحدث عن احزان السحالى ومشاكلهم اتمنى متابعه طيبه والمسلسل راح ينزل في حلقات