الصداقه

كثيرا ما نخسر صديق بسبب تعجلنا في الحكم على المواقف أو تحفظنا على نظرتنا للموقف الذي حصل

حاولت أن أعالج الأمر بطريقتي

وأضع النتائج بين أيديكم وأتمنى أن ترقى القصيده لذائقتكم وأني وفقت فيما قلت


[poem=font="Arabic Transparent,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
سلام يا بيض النوايا في بياض صدورها = اللي على درب الأوادم بينات شبورها
اليوم والنيه وفاء وأنا على النيه مشيت = نية وفاء يا ناشديني واسمعوا دكتورها
الطيب ميزان الصداقه والصداقه شي زين = والصاحب الوافي ضمان من السنين وبورها
صاحبك لا ضاقت بك الدنيا وشانت حالها = فكاك عقدات الأمور اللي تهول أمورها
لا تخسره وإذا خسرته وش كسبت من الزمان = ترى الصداقه مكسب الدنيا وشمعة نورها
فان جات من صاحبك غلطه سامحه و اللي يكون = وش حملها غلطه صغيره من يعد قصورها
لا تصير مثل اللي يحسب للعرب زلاتها = ومناحل قلوب الرجال وناشبٍ بنحورها
الصاحب اللي ما يداري غلطتي لا من خطيت = لا خير في نفسه ولا في صحبته وقشورها
ما دام من صاحبك طيب ويلحقه نخوه وطيب = فان جات غلطه كيف تمحي طيبته وأجورها
قلب دفاتر صحبتك وياه واعرف كم عطا = أكيد تلقى له مواقف طيبه بسطورها
وإن شفت والله خاطرك قد طاب وانك ما تبيه = رح له وقله قدم أسباب الخطاء وعذورها
يمكن ظلمته والظليمه خص للصاحب حرام = مصيبة الدنيا وبهتان السنين وزورها
خلك على وضح النقا وإذا استحيت من الكلام = بده ترى حقايق الأفعال جوف صدورها
الناقصه ترجع على اللي جابها لنه نقيص = والطيبه بيّن على وجه السنافي دورها
ومو عيب بأنك تعترف غلطان لا منك خطيت = العيب يا خوي التبجح بالخطاء وظهورها
هذا كلامي والنوايا البيض هذا عرفها = عندي وعند أهل الجزيره بدوها وحضورها[/poem]


وسلامتكم