ادخــل وضــع مشاركتـكـ ونقــدكــ الهــادفـ

[poem=font="Arial,5,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]
هذلي والفخر لي
هلا يامرحبا ترحيبتن تسوا لها مليون = عدد ما لاح براق الحيا في عالي مزونه
الا يا حبني للي يبا يمشي على قانون = يسير مع الطريق المستوي ماشي على هونه

ابو سلطان المطيري
يدوم ابك القا يالشاعر الي مشيته بالهون=يداري خطوته في طرقته ويفتح عيونه
الا ياراعي القانون نبغاها على المضمون=وفينا من يضن اعلمك ماخابت ظنونه
هذلي والفخر لي
انا اشوف الزمن من دون ياشيخ العرب في دون =بعد ما غرد البلبل على الاغصان بلحونه
انا ادري وانت تدري والقبايل كلهم يدرون =يبا بكره يموت العود والعربان يبكونه

ابوسلطان المطيري
ترى البلبل من همومه يغرد والعرب يوحون=يحسبونه من الفرحه يغنيها يحسبونه
ليا منه توفى بعدها ورثه ترى مصيون=يبي اسمه عياله تالي الدنيا يشيلونه
هذلي والفخر لي
بعد حل الدهر في ذمتي ماتنصف الماعون =بعد كان الحيا والعشب فالديره تشوفونه
انا ابا اضحك على اللي ياكل اللحمه بدون سنون=الا ياليت خلاها على جبنه وزيتونه

ابو سلطان المطيري
وعمرك صار في حكم اليال المظلمه مرهون=ولا ياحي وقت كنتم البارق تخيلونه
ومنهو عاش ليله واحده ياصاحبي مغبون=تبى تصير اليال المقبله ياصاح مغبونه

هذلي والفخر لي
نخيل البرق وانته يالمطيري مامعاك عيون =يقع علمن مع العربان يالاصحاب توحونه
عساكم بس في نور القمر ياصاحبي تسرون =ولن ضيعتوا الدرب الحقيقي ماتصيدنه

ابوسلطان المطيري
اخاف انك تبي تسري معه وتروح مالك لون=يجيك الذيب سرحاني يحدد فوقك سنونه


ثــــم يغـــير الشاعر رايد الهذلي

رايد الهذلي
اليله الملعبه ما هي على ما ش =ماتطفي النار دام النار حـيه
قم ياالمطيـري يجيكـ العلم باالكـاش = واليوم عيد ونبا عيد الضحيه

ابوسلطان المطيري

اليله الملعبه للقوم مطراش=تبي تعلمك يازبن الونيه
قمنا و بالعز راسي ياولد عاش=منهو يبي اليوم يرضي العامريه


رايد الهذلي

الي بنا قصر والي يبني عشاش =والعلم بين وخل العنجهيه

يانازل السوق لا تنزله غشاش =العلم واضح من عصور اوليه

ابو سلطان المطيري

الطايره قد طرحها رجل منقاش = والسالفه عندنا فيها بقيه
السوق ماننزله ياكود بالكاش=نصرف جنيه الذهب ولا حليه


رايد الهذلي


يلي تشيل الحطب وتقول رشاش = الحرب حربي عليك ولا عليه
احسب حسابكـ ترا مافيه منحاش = وريالنا في جنيه الصيرفيه


ابوسلطان المطيري

ترى حطبنا يالو للنار يناش=اكويك به كية من بعد كيه
ترى الهرب ياولد مايبرد الجاش=الفوز يبرده وابشرك ليه



رايد الهذلي

انــته تسـولف وانا ماقلت لك لاش =لكن خل السوالف لضحـويه
انـــته تسولف وانا راميك بكلاش = صوب الهدف رميتي جاتك قويه

ابوسلطان المطيري

اهرج واسولف وراسي بالشعر شاش=هرج السعه زين وبه لك اولويه
رشاشه ان ما لقى احباش واوباش=ياخوفي بصاحبه يعلن دويه

رايد الهذلي

انــته علامك ضعفت وصابك رماش=احسب حساب الرجل واحسب مجيه

روحت ياصاحبي في جوف الانعاش =راحت حياتك وجات الك المنيـه




ثم تنتقل المحاوره الى رباعيه جمعت كلاً من رايد الهذلي وهذلي والفخرلي
وابوسلطان المطيري وحمدان الديحاني
رايد الهذلي

مرحـــبا والعلم الاول جاء بداله علم ثاني = بالوفاء والطيب والي شاعرن محداً يذمه

هذلي والفخر لي
يامطير السالفه يسمع بها قاصي وداني =من تكلف بالمهمه ما يحسب للمهمه



حمدان الديحاني
البقا ياللي ترحب واخذ كلمة من لساني = احد ينظر له ورا الأبعاد واحد يشوف كمّه


ابوسلطان المطيري
جاك علم واسمع اسمع ياصحيبي بالاذاني=لاتحزمنا سواتك مانلد العين يمه


رايد الهذلي
انت توك ياالمطيـري والزمن باقي زماني =ماتغير من زمان العام من قمه للقمه

هذلي والفخر لي
لا تلد العين يمي وانت في هاك المكاني =شلت لك بندق وفيها ياعميل الخير زمه


حمدان الديحاني
يا هذيل الوقت هذا لو نشوفه قلّّباني = لو تعيشونه اضن انكم تجيبون المطمّه

ابو سلطان المطيري
موقعي وسط الميادن ماتجي ابدا وزاني=وانت مفهومك نخصه ياعميلي مانعمه


رايد الهذلي

يامطير العلم واضح والعشر ماهي ثماني=ادرس ادرس ياالمطيري وارتوي من غزر جمه


هذلي ولفخر لي

ياولد عيد الضحيه غير عن عيد ارمضاني =وانت تخط الدرب بعض احيان واحيانا تخمه


حمدان الديحاني

فوق جربا تحت صفرا والضعيف امع السماني &&& كلهم في حثل منهو مايحب اوليد عمه

ابو سلطان المطيري

ابك انا يم الجزيله ياولد يحرث حصاني=وانت سم الي تبا واظن حالك تتسمه


رايد الهذلي

فوق قمه تحت عود جيت ياراع المعاني =المطيري ياعرب يشتال حمل ولا يهمه
هذلي والفخر لي

ياحصان الفقر ياللي لازمينك بالعناني = والله انا كاتمينك والهوا صعبن تشمه[/poem]

الله الله

والله استمتعت بتلك الليله اللي جمعتنا انا وانت يا رايد وأبو بسام



بشعار مطير

اما نقدي فالأسف لست شاعرا

السلام عليكم ورحمة الله وبركاته

أخوي رايد ..
موضوع النقد في شعر المحاورة صعب هناك معاني وهناك مواقف .
ولكن المحاورة الأولى تمنيت أن تطول ..
ولا عليكم زود أنت وهذلي والفخر لي ..
وخصومكم شعار ....

انا اشوف الزمن من دون ياشيخ العرب في دونبعـد مـا غـرد البلـبـل عـلـى الاغـصـان بلحـونـه
انـا ادري وانـت تـدري والقبايـل كلـهـم يــدرونيـبـا بـكـره يـمـوت الـعــود والـعـربـان يبـكـونـه



بيض الله وجيهكم جميع .

السلام عليكم ورحمة الله وبركاته

بيض الله وجيهكم جميعا
وعلى القوة

محاورة هادي الهذلي مع حمدان الديحاني

حمدان

سلام ردّيةٍ من روس ربعي مطير = وانا احمر العين - والدنيا على حالها
يا هادي اقرب من النيران وانته خبير = ايسار وايمين - والدنيا على حالها

هادي

يا مرحبا والرحى من فوقكم تستدير **اخذ الخبر زين _ والدنيا على حالها
النار شبيتها فيكم تراني خطير ** في ظرف يومين _ والدنيا على حالها

حمدان

انتم حبوب الرحى تطحن صغير وكبير &&& جاك الخبر شين - والدنيا على حالهاااااا
نارك طفت ياولد والنار ناري تنير &&&&& من قبل عامين - والدنيا على حالهاااااااا

هادي

شايفك حولت يا حمدان جوف الغدير ** غطست مترين _ والدنيا على حالها
لانته بريس ولانته يالمطيري مدير ** رح سدد الدين _ والدنيا على حالها

حمدان

اثرك مدوج ونايم لك ونين و شخير = جاك الخبر وين - والدنيا على حالهاااا

ليش ما ضفتها؟

ترى هادي الهذلي شاعر لا يشق له غبار

واكبر دليل هذه المحاوره

لكن مشكلته لا يحب الظهور

الله الله عليكم والله إنكم كلكم شعار كفو
والنعم فيكم .
بيض الله وجيهكم جميعاً :
أبو بسام
رايد الحتيرشي
هادي الهذلي
كلكم والنعم فيكم وبيض الله وجيهكم
محاورات تبيض الوجه عساكم دوم على القوة .

والنعم والله وكلكم شعار متمكنين اما الأخ هادي السعيدي الهذلي
لماذا لا يريد الظهور على الساحه ؟
هل ... لصغر سنه ام لتكملت دراسته ام لأسباب اخرى نرجو التوضيح مع الشكر

الحقيقة لست بناقد

ولكن محاورات دسمة وشعراء متمكنين قوة وجزالة ومعاني ، الله يعطيهم العافية

وهم أحسن أضعاف أضعاف من بعض الشباب الموجود في الساحة هالأيام

مشكور يارائد على نقلها والله يقويهم

..

محاورات قوية

اسجل إعجابي بجميــع شعرائها

عجبني بيتين أبو بــسام ::::::

انا اشوف الزمن من دون ياشيخ العرب في دون &&& بعـد مـا غـرد البلـبـل عـلـى الاغـصـان بلحـونـه
انـا ادري وانـت تـدري والقبايـل كلـهـم يــدرون&&& يـبـا بـكـره يـمـوت الـعــود والـعـربـان يبـكـونـه



وهادي الــهــذلي

ماشاء الله عليه بصراحة أشوفة الأقوى
لكن ما درينا انك شاعر يا هادي
والا كان تفاهمنا معك ...........!!!!


بيض الله وجهك يالحتيرشي

والنقد أتركة للنقاد .......

تحياتي واعجابي

رائد الحتيرشي
صح لسانك وبيض الله وجهك

أبو بسام
صح لسانك وبيض الله وجهك


هادي الهذلي
صح لسانك وبيض الله وجهك
والله يوفقك وأنا أخوك
ما شاء الله عليك

العفو العفو انا احمد الله في تلك الليله انها تسهلت معي والله يكتب اللي فيه الخير

الله يبيض وجيهكم والصراحه استمتعنا في ذيك اليله مع شعراء هذيل الله يوفقهم

واشكر كل من مر على الموضوع