العيـــــــــــــــــــــ ــــــب

يكون لتفاعل المجتمع مع الحياة تفاعلات تثير المشاعر بمثل هذه القصيده

الضايعه تبدأ مـن القيـل والقـال لو كان ماللخلق عنـدك مطاليـب
دنياك لو تغري مقامـك بالاقبـال عن وجهها جود لكفـك مقاضيـب
اقضب عنان العقل عن كل مختال ولاتوقف ماقف الشـك والريـب
كم هرجة يفرط بها حرص عـذال تظهر فوات الحرص عند الأجانيب
ويركب ظهرها كل مبغض وختا ل ويسوقها سوق العرب للمناجيـب
الناس دون احساس ماترحم الزال الا عليـه يوثـقـون التعاجـيـب
مشاكل ايامك عريضات وطـوال تفرق بها خبث النوايا من الطيـب
هذا وحظي طول الايام مـا مـال راسي رفيع عند سئـال ومجيـب
حنيفي بالفعل من حومـة ابطـال حقي من التاريخ بيض المكاتيـب
من فضل رب بالخفا يعلم الحـال نارد على عسر الموارد ليا هيـب
ياللي تحسب العز في كثرة المـال فقد الجماله وتجمـل هـو العيـب
العود لو هو ميـت جالـه ظـلال جاله ظلال عن سمـوم اللواهيـب
المال مثل الفي في كل الاحـوال حظ من اللي يعلم السـر والغيـب
من لايموت الحظ به مات ماطـلول اغنم يـوم السعـد بالمواجيـب
الدين عز ورايته طيـب الاعمـال وفزعة خفا على النقا للأصاحيـب
وثق كلامك فالمواقـف بالافعـا ل ولاتطاول من على حق ومصيـب
اصبر على الميلات والرب حلال الصبر مفتاح لصـاف المشاريـب
الصبر مفتاح الفرج مابه اشكـال يرقا به الرجال روس المراقيـب
هذا وانا بوصيـك بمبـادر الفال الفال يارجـال مايلطمـه ذيـب







شعر الامير عبد العزيز بن سعود بن محمد ال سعود