محاوره ذات طابع غير بالنسبة لكثافة النقض الفتل وقوّة التحدي والمعنى فيها !!!!

السلام عليكم ورحمة اللهوبركاته

الشاعر / عبيدالله العرابي في مواجهه
مع شاعر الكويت الكبير و المعروف / سالم بن سعد العجمي
أترككم مع محاوره في نظري عالية المبنى والمعنى
مع فارق السن والخبره بين الشاعرين الا انها كانت عليه في مستواها
وقد أشاد بها الكثير ممن تابعوها .

ولكم أنتم الحكم




سالم العجمي

يالعرابى شد حيلك شد والدعوى طويله
00000000وانت ماهر بالسباحه والبحر تسعين غبـه

رمح ابن غانم بتر له راس ويدور بديله
00000000وابن غانم مايهمه شى وانتـه لاتسبـه


عبيد الله العرابي

حاضر بحاضر وعان السرج في ظهر الاصيله
00000000خابر إن المـوت واحـد تكرهـه ولاّ تحبـه

رمح بن غانم بتر لـه راس مانعـرف دليلـه
00000000وآنت يالعجمي تبي تبني على اللي راح قبـه

سالم العجمي

ابشر ان النار يارجال فـى خشـم الفتيلـه
00000000يالعرابى ماش حاصل لك مع الايـام حبـه

العيون اللى تهل ادموعهـا فـى كـل ليلـه
00000000انكشف فى جمجمتها السوس وانا اعرف طبه

عبيدالله العرابي

يوم هي لمدامغ الروس أقفت البنت الجميله
00000000ماحماها ياوسيع المعرفـه بـابٍ وظبـه

العيون اللي تهل دموعهـا ماهـي قليلـه
00000000راح عمرك وإنطفى جمرك ويادوبك تشبه

سالم العجمي

ياحليل اللى نسى ميقاف ربعه ياحليله
00000000فالزمان الاولى يوم الولد وقته لعبـه

مالكم مصلوح فى سكة قطار يلف ذيله
00000000القطار اللى مع الايام هزهزكم مطبه

عبيدالله العرابي

مانسينا شيء مير الهيل ماهـو جنزبيلـه
00000000وآنت ماصبيت لك فنجال غير اللي نصبه

القطار أنتم مع الايـام طوّرتـوا مديلـه
00000000كنت قبل اللي حصل في كل سكه تنتصبّه

سالم العجمي

وضعكم يصحابنا يصحابنا جى فيه ميلـه
00000000وان لقينا الميل فالاصحاب مانقدر نكبـه

النصيحه عادت المسلم وهى تنسب فضيله
00000000يالله انك تنصر اللى عارفن دينـه وربـه

عبيدالله العرابي

وفّ كيلك لكن الحب المسوّس لاتكيله
00000000من غَلَب بسلاح غيره تالى أيامه غِلِبه

النصيحه طيبه لكن مافي يدك حيلـه
00000000الجمل ورّث لميراده ولو هو طال غِبه

سالم العجمي

العميل اللى تعذرب سلعته وانته عميلـه
00000000لبسك جوخه ولا منك بردت اعطاك جبه

الفصيله واحده لو قلت من نفس الفصيله
00000000والجبل عان الهبايب يابيض الشارب تهبه

عبيدالله العرابي

أحد ضيّف له نفر واحد وأحد ضيّف قبيله
00000000أطو مشلحك المقصّب وادرقه والريع ذبه

الفصيله وحده لكـن كـلٍ لـه حصيلـه
00000000والليالي ماتجيـب العلـم للـي ماتنبـه

سالم العجمي

انت تدرجها كذا ولا كذا تبغـى وسيلـه
00000000اربعين مسرحـه والكـوع ماتقـدر تحبـه

اتفكر فالعرابى يوم ينفض مـن شليلـه
00000000اثره اللى من صواديف الزمن عقله مسبه

عبيدالله العرابي

ماخبرنا الوادي الممطور سال بغيـر سيلـه
00000000مـن جبالـه لاشعابـه لامسيلـه لامصبـه

آنت عينك فى المزون وكل بـرّاقٍ تخيلـه
00000000سقف بيتك من جريد وسقف بيت الناس صبه

محاوره جميله وقمه في الابداع
واعجبت في (تسييس القصيده)
ابدع فيهاعبيد الله العرابي
تشكر على النقل

حضورك هو قمة الابداع
مشكور اخي على هذا التعليق وهذا الرد

الف الف شكر يالزاجل

محاوره قويه من شعراء كبار

نقل موفق يالغالي

والى الامام

تسلم الزاجل على نقلك لهذه المحاوره وبيض الله وجهك

صح لسان الشاعرين / سالم العجمي و عبيدالله العرابي

محاوره قويه وذات معنى بين الشاعرين الكبيرين

عبيدالله العرابي

أحد ضيّف له نفر واحد وأحد ضيّف قبيله

00000000أطو مشلحك المقصّب وادرقه والريع ذبه


تقبل مروري وصادق الود

ودمت على ود وموده,,,,