قصيدة للملك فهد بن عبدالعزيز رحمه الله والرد عليها .... - ::{ مجالس قبيلة هذيل }:: موقع يهتم بتراث القبيلة ومفاخرها

12-31-2007, 01:46 PM

أولا القصيدة منقوله

قصيدة الملك فهد رحمه الله تعالى
عندما كان مريضا في لندن في شهر شوال من عام 1385هجري
حيث بعثها الى المرحوم الامير فهد بن سعد يشكو فيها
قساوة المرض حيث قال :

يا بو سعد صارت على أخوك غارات

شهرين اقاسي من شديدالغرابيل

سوالمرض يحمل على اخوك حملات

مافي يدي حيله ولا في يدي حيل

والله فزع من فوق سبع السماوات

وأنا أحمد الله يوم صارت تساهيل

ماينفع الخايف والايام عجلات

الخوف ماينفع ولا القول والقيل

حنا هل العوجا ولابه مراوات

شرب المصايب مثل شرب الفناجيل

لاشك أنا مشغول في كل الاوقات

على الذي حنـــــــــا بظله رجاجيل

ماني على نفسي كثيرالحسافات

لا سلم راسه روسنا رفاع با لحيل

حامي حمانا بالليالي المخيفات

لو صار بالــــــعالم كثير الزلايل

فخر العروبه بالعدل والمساواه

هذاك هو فيصل ولا فيه تشكيل

يشهد له اللي شاهدوا منه ليات

ويشهد له التاريخ جيل بعد جيل

وهذا رد على قصيدة الملك فهد بن عبدالعزيز رحمه الله
وأجابه الامير \ فهد بن سعد رحمه الله بهذه القصيده :

يامرحبـا بكتـاب زبـن المـخـلات

اهـلا هلابـه عـد وبـل الهماليـل

حمـدت مـن زال الكـدر بالمسـرات

فكاك مـن صكـت عليـه المحابيـل

فـزع لـك اللـي عالـم بالخفـيـات

مبري جروح ايوب غيـث المراميـل

لعل مايزعج علـى فقـدك اصـوات

ولعلهـا لـك يابـو فيصـل تماهيـل

الله يجيرك مـن صواديـف الافـات

عسـاك تسلـم ياعشيـر المشاكـيـل

ماانت برخيـص ياربيـع القرابـات

لو هي بالايدي كان دونـك حلاحيـل

ترا لنا بـك يافتـى الجـود هقـوات

في وقتنا الحاضـر وباللـي مقابيـل

يفـداك ربـع قصـروا بالمهـمـات

اللي علـى القـالات ماتنطـح الشيـل

بعض العرب حي ومن عرض الاموات

مايرتجـي نفعـه بحـل المشاكـيـل

وفيصـل ذرانـا بالسنيـن المخيفـات

هو درعنا الضافي الى ضدنـا الميـل

اللـي نقـل عنـا حمـول ثقـيـلات

راس الحصيـل ان كملـن الحصيـل

رحمهم الله تعالى وأسكنهم فسيح جناته وجعل الجنة مثواهم إنه سميع قريب مجيب

12-31-2007, 09:24 PM


	حنا هل العوجا ولابه مراوات شرب المصايب مثل شرب الفناجيل

أشتهر هذا البيت شهره كبيرررررررره

رحمهم الله رحمة واسعه

مشكووور ياأبو يزيد

12-31-2007, 11:14 PM

[poem=font="Arial,5,,normal,normal" bkcolor="" bkimage="" border="solid,1," type=1 line=0 align=center use=ex num="0,"]
حنا هل العوجا ولابه مراوات=شر ب المصائب مثل شرب الفناجين[/poem]

رحم الله ابا فيصل رحمة واسعة .هذا البيت مشتهر بين الناس شهرة كبيرة
والعوجا للمعلومية هي دعوة الشيخ /محمد بن عبد الوهاب رحمه الله سماها العوام وأهل البدع بالعوجاء لأنها أتت على غير ما يريدون فكان أن أنتصر لها آل سعود الغر الميامين حتى أظهرها الله وانتصر لدينه فكانوا ال سعود حينما يعتزون ان يقولوا (حنا هل العوجا)

12-31-2007, 11:18 PM

[poem=font="Arial,5,,normal,normal" bkcolor="" bkimage="" border="solid,1," type=1 line=0 align=center use=ex num="0,"]
حنا هل العوجا ولابه مراوات=شر ب المصائب مثل شرب الفناجين[/poem]

رحم الله ابا فيصل رحمة واسعة .هذا البيت مشتهر بين الناس شهرة كبيرة
والعوجا للمعلومية هي دعوة الشيخ /محمد بن عبد الوهاب رحمه الله سماها العوام وأهل البدع بالعوجاء لأنها أتت على غير ما يريدون فكان أن أنتصر لها آل سعود الغر الميامين حتى أظهرها الله وانتصر لدينه فكانوا ال سعود حينما يعتزون ان يقولوا (حنا هل العوجا)