محاوره بين /عبيدالله المجيريشي و سامي السويهري

[poem=font="Arial,4,#00008b,normal,normal" bkcolor="" bkimage="" border="none,1," type=1 line=0 align=center use=ex num="0,"]
هذه محاورة بين الشاعرين سامي السويهري وعبيد الله المجيريشي

سامي السويهري

ياسلامي على أهل الدار واثني سلام =عند قوم الوفاء والطيب من طيبها

ياعبيد المسمى قوم والدرب شام =واحسب حساب رجلك قبل تمشيبها

عبيد الله المجيريشي

مرحبا عد من صلى صلاة القيام =الأجاويد ما تصعب مطاليبها

ويش شياً يجي للدين ذروة سنام = عيت الناس لا تصفى مشاريبها

سامي السويهري

شفت ليه بروق تلوح جوف الغمام =والديار البعيدة عاوي(ن)ذيبها

الجهاد الجهاد اليوم قصد ومرام =واصبر اشوي لين يزين ترتيبها

عبيد الله المجيريشي

كل ما لاح برق وكل ما طير حام =الأبل صابرة عوجاً عراقيبها

يابدو يابدو ياساكنين الخيام = الهوى هز خيمتكم واطانيبها

سامي السويهري

والله اني على الطرقه جويد الحزام =والبعارين موثقت(ن) مصاليبها

يابدو يابدو ياللي على كل عام = دار تصبح بها وديار تمسي بها

عبيد الله المجيريشي

مشغل الطيبين إلا عيال الحرام = مستراحت وما حنت مشاعيبها

والعرب نايمه وعيالها ما تنام= ليش كل العرب تترك مراقيبها

&&&&&&&&&&&&&&
انتهت المحاوره,,,,,,,[/poem]

صح لسان الشاعرين

ويعطيك الف عافيه على الموضوع

محاوره جميله جداً

بيض الله وجهك والشاعر المجيريشي .

تحياتي .

جني هذيل و مطرفي الدلم
مشكورين على هذا المرور الكريم من شخصكم الكريم
واتمني تواصلكم الدائم ولكم مني جزيل الشكر والعرفان