محاوره بين ضيدان و طيره ...... روعه لاتفوتكم

الشاعر المعروف ضيدان بن منصور بن قضعان العجمي اشترى طير وكان اسمه عند صاحبه الأول دهام ثم أطلق عليه ضيدان اسما جديدا هو فواز لغرض شخصي وعندما أراد ان يعشي الطير ناداه بأسمه الجديد فواز فواز .... فالتفت إليه الطير
وقال::




ضيدان أنا أسمي دهام ماهوب فواز = أما أدعني يـا دهـام ولا بلاشــــــي
ماهوب حق تغير أسمي بلا أرماز = وأنا عذاب الخرب لا أقبلت حاشي


.
.
فرد عليه ضيدان::



لعيون بعض الناس سميت فواز = أسم يشابه لاسم صعب المناشـي
اللي غلاه بثومة القلب حــزاز = تقبل له طعوني وتقفي عطاشي


.
فرد الطير ::



ما أرضى تسميني عليها ولا جاز = تغيير الإسم إلا بذبـح الكباشــي
إذبح تميمه وأقلب الإسـم فــــواز = إذا ذبحت الكبش ما صار ماشي .



فرد ضيدان ::




قلت فواز تكفى فكني بالتلعــــواز = الحل عندي وأسمع العلم كاشـي
لازم تشوف اللي لها القلب ينحاز = عقبٍ تجي فـواز ولا شلاشـــي

.
.
فرد الطير ::



يالله مشينا والعمر يبغـي إنجـاز = يا ما نجز بالهـدي ولا عراشـــــــي
قم جهز اللـي ذاخرينـه وممتــاز = وعلي الطلاق إن عزبته من معاشي

.
.
وعندما وصلا إلى التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير ::



أنا أشهد إني يابن قضعـان فـــــواز = واني بعد فـواز جانـي خراشــــــي
يا حظ قلبك يوم فـي حبهـا حـــــــاز = كحيلة مـا عاشـرة كـل لاشــــــــي
يا ليتني رجلٍ لو أمشـي بمعكـــــاز = وأنخاك وأنخى مبعديـن المعاشــي
وأنهض لطيف الروح وأجلا لشيراز = وأقضي بقايا العمر ما أحتر جاشي
في شرع أبن حنبل بتأكيد ابن بـــــاز = معروف راعي الحب قلبه هشاشـي
وأنا لوصل ملـوع الشيـخ معتــــــاز = أعوز من فراق السبـوق الرواشـي
أبـا أتمنـى والتمنـي بـه الغــــــــــاز = يا ليـت جنحانـي لخلـك فراشـــــي
أو ليتني بيجر على الورك هــــزاز = وألا قلـم بيـن الجسـد والقماشــــي

[grade="00008B FF6347 008000 4B0082"]اخوي ابو خالد

محاوره رائعه

يعطيك العافيه

وتسلم يمينك [/grade]

محاورة جدآ رائعة

واللة يعطيك العافية