الحمد لله على السلامة

[سيف الهذلي]

هذه القصيدة بمناسبة شفاء احد اعضاء المنتدى وهو ابن العم (هذلي قديم )



يا بو سعد ياجعل ربي يعافيك = يكسيك ثوب العافية والسلامة

ويهون آلامك بفضله ويشفيك = ويثبتك ويزيح عنك الغمامة

ياغازي َ اللي ينكتب لازم يجيك = حكم القدر نافذ علينا نظامه

اصبر ورب الكون لاشك يجزيك = بالعفو والغفران يوم القيامة

مادمت مؤمن لايجي منك تشكيك = وتقضي َ الشدة حسوف وندامة

جعل السعد والخير مقبل لياليك = وتعود مثل البدر ليلة تمامه

وأنا ليا جاني مع الناس طاريك = أفخر وكني من شيوخ الزعامة

لكن فوقت زيارتك ودي َ أبكيك = وأهل دمعي مثل وبل الغمامة

قدرك على راسي ولاني بناسيك = والطيب طيب ولا تجيه الملامة

وقفاتك تشرف وأقدر مساعيك = وقفة رجل تثبت فعوله كلامه

يسعد بها الصاحب وتزعل معاديك = تكحل بها عين الردى والغشامة

ذخر وفخر والمرجلة من مباديك = وتعلم أهل الفعل معنى الشهامة

اسمك لحاله ياأبيض الوجه يكفيك = يشهد له التاريخ شرقه وشامه

وهذيل تشهد لك وتخبر معاديك = يوم الردي قفى تراعد عظامه


وسلامتكم

الحمد لله على سلامته


والله يبيض وجهك أخوي سيف الهذلي


قصيده رائعة ويستاهل أخونا هذلي قديم كل خير


لما لمسناه منه من طيب التفاعل وحسن الخلق


الله يرده لنا بالسلامه قريباً

إن شاء الله


ويا ليت تبلغه سلامنا ودعواتنا له

الله الله

قصيده راااااااااااائعه جدا

ويستاهل اخونا القدير غازي كل خير

ونسأل الله له تمام الشفاء

وان يعيده لنا سالما معافى

وصح لسانك ياسيف وبيض الله وجهك

صح لسانك ياسيف


وبيض الله وجهك


والف سلامه له

وتقبل مروري

بيض الله وجهك

يا سيفنا


قصيدة جميلة


و أخونا هذلي قديم يستاهل المدح

و كل رجل وافي نتنومس به

و غازي غني عن التعريف ابيض وجه

نسأل الله له الشفاء العاجل

و نحملك السلام

السلام عليكم ورحمة الله وبركاته

بيض الله وجهك أخونا الشاعر سيف هذيل ..
والممدوح يستحق أكثر من ذلك رغم عدم معرفتي بشخصه الكريم ...
نسأل الله العظيم رب العرش العظيم أن يشفيه ويعيده لمجالس ابناء عمومته بخير وصحة وعافية ..

وقصيدة تستحق الثناء مميزة جدا وإن كنت أتمنى لو أنك ابدلت كلمة تسبق فعوله كلامه بدلا عن تثبت فعوله كلامه ...


مجملا بيض الله وجهك عبرت بصدق وهذا يكفي أما نحن فقصرنا كثيرا ...

[سيف الهذلي]

الأخ العزيز هشام الهذلي والاخ العزيز هذلي والفخر لي يشرفني مروركم والله يبارك فيكم


وأشكر سؤالكم عن ابن العم ابو سعد واتمنى ان يقوم بالسلامة في أقرب وقت


الأخ العزيز عز الرفيق يشرفني مرورك وأكيد مثل ماقلت أبو سعد غني عن التعريف تقبل شكري وتقديري

الاخ العزيز ماجد يشرفني مرورك ودمت بخير

[سيف الهذلي]

الأخ العزيز مشعل الهذلي وعليكم السلام ورحمة الله وبركاته

أقدر وجهة نظرك ويسعدني النقد الهادف فيما يخص كلمة تسبق بدلاً من تثبت لو وضعت صار


المعنى أقرب الى المبالغة ولكن في نفس الوقت أبلغ نظرتك سليمة واحترمها وتقبل شكري وتقديري

ويشرفني مرورك .

صح لســآنك ولاهنـــت


قصيدة جميلة والله يشفي من نظمتهـآ فيه


تقبل مروري

بيض الله وجهك
وصح لسانك ياسيف

[سيف الهذلي]

الاخ العزيز شاعر ولي وجهة نظر الله يبارك فيك ويشرفني مرورك

الاخ العزيز جني هذيل الله يبارك فيك ويشرفني مرورك.

صح لسانك ياسيف .........واعذرني عن التأخير

وعسى أبو سعد يقوم بالسلامه إن شاء الله وفاله العافيه

[سيف الهذلي]

الاخ العزيز فتى هذيل الله يبارك فيك ويشرفني مرورك ودمت بخير .

صح لسانك

والله يقومه بالعافية

امين يا رب

قصيدة جميلة ورائعة
صح الله لسانك ياسيف
واخونا هذلي قديم يستهال أكثر ويعلم
الله أننا مقصرين في واجبه نسأل الله له
الشفاء العاجل وأن يرده لنا سالماً غانماً