هستره من مقتطفاات هتلر سابقا

ترى المخدرات موب زينه

لاتطلع للشارع ترى يجيك حمار القايله

لاتحفظ جدول الضرب لأن اللي يضرب الناس لازم ينضرب

لاتماشي مضحي وصنيدح وجفين لأنهم يشربون دخان تحت الدرج



هذي الجمل اللي فوق كانت اللبنة الأساسية لتكوين شخصيتي (منت بعاقل ياتوني بلير) حيث ان الوالده كانت تخليني ارددها كل صباح قبل ان اتناول جرعتي المفضله من الحليب لانني كنت في وقت المهاد ومنذو ذلك الحين وانا حافظ هالكلمات عن ظهر قلب مدري بطنه



(( يالربع صرااحه الفصحى ماهي برااكبه علي خلنا نزحف معكم بالعاميه ورحم الله شخص عرف قدر نفسه))

كنت منحوس منذو نعومة اضفاري <<<< افلقني اذا طلع عندك اضافر
لانه في يوم ولاادتي بدا صدام حسين بحربه ضد ايراان ويوم وصل عمري 6 سنوات طلق فدغوش بنت خالتي حصيصة وفي اليوم اللي بلغت فيه خربها ابو عدي وهجم على الكويت وعندما وصل عمري مقتبل شبابي وعنفوان رجولتي مات جدي دليم وبعد ماخلصت من الثانوية دخل اخوي دورة عسكريه في حفر الباطن مدتها ست شهور وصرت طوال هالفترة انا اللي اتقضى للبيت اللي يبونه من البقالات والاسواق وعندما بدأ شنبي بالظهور على شاشة وجهي بدأ في داخلي احساس الشاعريه اكتشفت اني اقدر اكتب قصيده هههههههههههه
يالليل مطولك <<<<<<<< هذي الكلمه قالها نسيبي بعد ماقرا اول بيت
استانست طبعا قلت بس الرجال اعجب بالقصيده وصرت ارسل له على الجوال كل اسبوع قصيده
لين فصلو جواالي طبعا جيتهم زيااره بعد اسبوع ابي اجس النبض طبعا ماراح اقول وش صاار
المهم هذي هي قصة النحس اللي لازمني منذو مبطي وبعد ماحكيت لكم عن النحس احب ان اعرفكم على نفسي علشان نتعرف على بعض عن قرب ونزيل الحاجز اللي بيننا /


@الأسم / هتلر

العمر / مدري بس لي مدة انام عند اهلي حتى انهم طفشوا مني واعلنوا في الجرايد اني من اصحاب الفكر المنحرف علشان يصرفوني ويوم جت المباحث تبي تقبض علي شافوا حبة الخال اللي في جبهتي واطلقوا سراحي .:
@المهنة / ابحث عن لقمة رزق <<<لا تحسبونها اخت امينه رزق

@الطموحات /ان يرجعوون جوالي المفصوول وان تلتفت لي حبيبتي ( زرعه) صح اني غثيث
واشرب دخان وريحتي شينه بس اهم شي الاخلااق <<<<< ياساماجتك ياشيخ



قبل لا انسى احب اقول كلمه ثانيه وهي اني حبيت اقولكم اني منحووس وحبيت تشاركوني
في نحاستي بكلمه ولو جبر خاطر مع اني حاس ان المشرف على هالقسم وده يصفقني
بس مهو من صالحه <<<عينه قويه ابو الشباب خخخخخخخخخخخ


تحيااتي لكم
هتلر