من اروع القصائد التي قراتها في النت

وضح القصايد ..

وضح القصايد.! لامتى وانتن رقاد..؟
شاب السكوت .. وخّوة الصمت صلفه
لعـلّ مايقـدح علـى كفّـي زنــاد
لاسقيتكـن بعـد الضمـا ذلّ وطفـه
لاوالله الا توّ مابانت ( سعـاد ) . !!
وتو الهوى مـاوّرد (زهيـر) حتفـه
قالت من انت..؟ وقلت يابنت الاجواد
انا القويّ اللـي قتـل فيـك ضعفـه
وانا السهير اللـي تعـداك .. نشّـاد
يطرد نهار ويلهـث الصبـح خلفـه
نجمه يغيب وضيعتـه فيـك تـزداد
ولااشعل سراجه يصرخ الليل.! طفّـه
سجين هم ولابـس.. ثيـاب جـلاد
نصفه ذبيح .. وذابح الموت نصفـه
تلميذ مهمل يشرح الدرس ل استاد ..
بليد . ! واذكى مـن تلاميـذ صفـه
وانا الموقع جرحي ادناه .. من غـاد
الشاعر اللي طّـوع الشعـر حرفـه
اصعب حروفي لاركب راسـه عنـاد
يلّذ لـي لاعسعـس الليـل عسفـه
اعزف لموتـه اغنية..عيـد ميـلاد
واسمع صدى صوت النغم قبل عزفـه
بالصدر طفل يسحـب خطـاه بركـاد
وبالعجز ريح يرعب الكـون عصفـه
لي صدفة احلى مـن الفيـن ميعـاد
ولي موعد احلى من الفيـن صدفـه
وبالناس لي انصاف واقران واضـداد
وكـل يفسرنـي علـى قـد عرفـه
وبي جرح ماله غير نزفه له ضمـاد
وشلون اطيب..؟؟ ولابعد كّف نزفـه
واللي بعث هود ل(ارم ذات الاعمـاد
انا بزمن يشبه زمـن عـاد وصفـه
أصدق من الدمعه على خّـد.. بغـداد
واكذب من اللي شافها وغض طرفـه
غربه. وهم. حيره. ألم. هم. واجهاد
طالـت وضاقـت نسـأل الله لطفـه
ويابنت انا.. طارق مثل طارق زيـاد
لولا الذي قضبّنـي الجمـر كفّـه.!!
والله يلولا. خاطـر عيـون الاوغـاد
ل اقطف لك اللـي ماتمنيـت قطفـه


.
.

(دندنة)

البارحـه وانـا مـع اصحابـي الـجـن
قابلـت بالصدفـه قريـنـي مـعـدي !
مرسول سلمى بنت خالة 00( زلوجـن )
جنـيّـة ٍ لا شفتـهـا بــاح ســـدي
لمحة سنا مارج0لهـب ضـو ! منجـن !
تـزلّ ,, وتعـدي ... و ازلّ و تهـدي !
نفس الصفات 00 ونفس تقريبـا السـن
لكنها ما هـي علـى مـزح 00 جـدي!
تلعب علـى مرجيحـة غوايـة الظـن !
وصلـت معي00حتـى تعديـت حــدي
لادندنـت لــي "دنـدنـة" : دن دن دن
دندنت انا مـن دندنـة : دن دنـدي !! !
دن دن ددن دن دن ددن دن دنــــدن !
دنــدن ددن دن. دن ددن دن دنــدي !!
قالت : من انت ؟ وقلت بلسانها : من ؟؟؟
انا ؟ انا ! انـا ! انـا ! ميـن ؟ ردي !!
انا الزعيم بمعشـر الانـس والجـن !::
انـا ولا غيـري علـى الأرض قــدي !
انـا الكبيـر بعالـم الشعـر والـفـن !
انـا الوحيـد اللـي بـالأنـداد نــدي !
انا الرضيع اللي نبـت لـه ميـة سـن !
وانـا المخـرّف00 والحـلاوه بـيـدي !
انا الحزين اللي يقولـون لـه 00 غـن ّ
وانا السعيد اللي مـلا الدمـع خـدي ! !
وانا الذي لا يمكـن 00وصـار ممكـن !
ودي 00 ولا ودي ! اعـرفــه وودي !
خالد ! ولو تدرين 00 خالد ولد مـن ؟؟!!
مطلق ! وسالم ! راعي الجود ! جـدي !!
سعر التراب من الذهـب عنـدي أثمـن !
لا شفـت ثـوب اللـي يلمّـه مصـدي !
ولو ان سلمى عندها احسـاس وتحـن ّ !
ما تكسر بخاطـر جهـل ! طيـب ردي !
اوووووواه .. يا ... ، كيف اعتذر عن ...
طهر الحـروف الطايشـات بمـردي .!!!


(محسن حويضان)

طال السكوت وعسعس الليل حيران
تـاه النجـوم وضيعنـه بطوولـه
مل وسرى لمعانـق النورعجـلان
شق الظلام ولالقا الصبـح حولـه
ويا محسن الي مرتوي عقل وجنان
من شعر راسه لين أصابع رجولـه
لله درك ياسـلايـل حـويـضـان
وين المقال الي يطولـك وانوولـه
قدرك يسكت راقي الانـس والجـان
ومرقابك اصعب من طلوعه نزولـه
حتى ونا الي حابس الشعر بجنـان
واروض الي ماتـرووض خيولـه
ياما قطفته ورد من روس الاغصان
وياما لمست بطعـم كفـي ذبولـه
حتى لمحت الشوك بكفوف عميـان
ورحت انبش التاريخ عن جرح دوله
تلعبي افكـاري علـى كـف ربـان
مـدري جهـل ولابـراءة طفولـه
الحاصل اني جيتك اليـوم بلشـان
ب/شلون اقول الي بنفسـك تقولـه
والعاقل الي يركب لسانـه حصـان
اما صـدق ولا خثـع فيـه قولـه
هذا الزمن ماهو مثل كـل الازمـان
يدور فينا عكـس منطـق فصولـه
الشي وضده راحو بصـورة اقـران
والمذهل انـا مـا نحـس بذهولـه
صار الردى يرجح ورى كل ميـزان
والطيب وزنه مايجي ربـع تولـه
الناس صارت لاقرب الناس عدوان
والمشتكي منهـم عليـه اشتكولـه
................................
............................
يامال شق الجيب لاصار له شـان
وخلاك رمزٍ مـن رمـوز البطولـه
يتبعـك مقفـي ويتذكـرك نسيـان
ويقبلك رافض لين ترفـض قبولـه
يخضع لك أصعب ماتمنيت منهـان
وتـذل حلـم كـان حلمـك تنولـه
حظه عليه يعض كفـه بالاسنـان
والـدرب مـر ولاتهيـت ذلـولـه
أيام يمشيبـي علـى كـل عنـوان
عجزت اميز عدلهـا مـن ميولـه
احيان تضحكني وتضحكبي احيـان
واحيان مدري ضحكها ويش هولـه
متشابهات وبينهـا الفـرق شتـان
تقبل/ وتقفي/ صاحيـه/ ومهبولـه
اشعر بشيٍ ماشعـر فيـه انسـان
والله ندري كيـف بالشعـر اقولـه
اشوف نور الصبح والصبح مابـان
وابكي وداعه قبل لحظـة وصولـه


(سيداتي)


سيداتي .. انساتي ... سادتـي
الاحبـاء . الاعـزاء . الكـرام
من يفسر لي خيوط وسادتي .!!!
ومن يغمض لي عيوني لين انام
بشروا صـدر السمـا بقلادتـي
وبلغـوا عنـي لخلانـي سـلام
سيدي مـن يعتـرف بسيادتـي
ينحني لي وانحني لـه باحتـرام
عادته يدمـح خطـاي وعادتـي
لاذكرته .. فاحت اسراب الحمام
وامي قالت لـي بيـوم ولادتـي
لاتموت وباقي بصدرك كـلام ..!
غادتي . ! ياغادتي . . ياغادتي
والله ان اللي .. تسوينه حـرام
صبي لسكر حـلاك .. زيادتـي
ياحلو طعم الرضا بعد الخصـام


( الغريبة )

الــبـــحـــر : مــجـــنـــون ...! واللهجــــــــه : فــظــيــعـــه..

..... والموسيقـى عاليـه .. والقـاف " لــول "

الـحـروف حـتــوف والـنـبـره سـريـعـه
........و( الغريبه) خلف .. " تسجيـل الدخـول "

يالغريـبـه ... غـربـة الـشـاعـر شنـيـعـه
......... لاغـدى يقـدر يـطـول ولا يـنـول.!

النـفـوس اثـقـل مـــن الارض الوسـيـعـه
......... والعقـول افـرغ مـن جلـود الطـبـول

( الحـداثـه) : شـوهـت وجـــه الطبـيـعـه
....... و( الأ صوليـه ) علـى غيـر الأصــول
و
( الثـقـافـه ) : مـارســت دور الـخـديـعـه
......... والشعـوب تـدووور بانصـاف الحلـول
و
( الصحـافـه) : تـشـري الجـهـل وتبـيـعـه
.............. و( الكراسي) حايره بيـن الفحـول :

الــردى مـاهــو جـــزا "رد" الصنـيـعـه
........... لكـن .. ! شلـون ابفهّـم هالخبـول؟

حملـونـي فـــوق مـــالا استطـيـعـه !!!
....... لين صـرت لأضعـف كتوفـي حمـول !

ويـش اقـول .. ؟ و باقـي الاشـيـا خليـعـه. !
...... بين ذولاك .. و هـذولاااااك ... وهـذول !

صدقينـي .. كـل شاعـر لــه هزيـعـه .. !!
.......... بس انـا . رغـم انتصاراتـي خجـول

كــل ماطـاحـت مــن عيـونـي مـذيـعـه.
...... قلت : وين القا مثـل هـاك .. البتـول ؟؟!
قـــــالـــــت امـــــــــــي :
لاعــصـــاك الــوقـــت طـيــعــه .
..... قـــلـــت : وان مـــاطـــاع .!؟
قـــالــــت : وش تـــقــــووول .؟؟
بـالـك . ! الـسـرّ الـلـي بـصـدرك تذيـعـه
.........لـو تناهـشـك النـواظـر بالفـضـول

كـل واحـد مــن عيـالـي لــه طبيـعـه. !
....... وانت من صغرك .. على .. كبرك . عجول

والله الـلــي نّـــزل احـكــام الشـريـعـه
.......... لو تقـول اللـي تقـول ... او ماتقـول

لا تـنـكّـر.. كـــل مـتـبـوع لتـبـيـعـه
........ مايفـوز اللـي تبـع غيـر ( الـرسـول)
صلى الله عليه وسلم