احبـك والوصـل فـي مجتمعنـا زلـة(ن) تنعـاب

مدخــل :

ودي أعرف وش اللي خلاني أحبك ؟
ودي أفهم ليش عقلي منشغل فيك رغم بعدك ؟
ليه أحلامي تذكرني بقربك ؟
ليه كل ماامشي دروب ترجعني لدربك ؟
في النهايه والأخير لازم تعرف اني أنا
~ مــوت أحبك ~


حبيبـي والعلاقـة بيننـا تـدعـو للاستـغـراب
احبـك والمسافـات الطويـلـة بيّـحـت ســدي
احبـك والوصـل فـي مجتمعنـا زلـة(ن) تنعـاب
وعـادات القبايـل حكمـهـا مـاهـوب يـنـردي
صحيح ان روحنا وحـده ولكـن نعتبـر اجنـاب!
وجـدك بالقسـا فـي هالمواقـف يشبـه لجـدي
وقلبك شاري(ن) قربي .. ودوني وقفـوا احـزاب
تبيني يوم ابي وصلـك .. ولكـن عاجـزة يـدي!
ويـدك عاجـزة ايضـا .. ولاتقـدر تـدق البـاب
ولاهي قـادرة تمسـح دمـوع(ن) سالـت بخـدي
أكابر يوم اشوفك واحتفـي بـك ياهـلا مرحـاااب
واقول اصبر فديتـك مالنـا غيـر الصبـر بـدّي
ولاني ناويـة قلبـك بلـوم وشرهـة(ن) وعتـاب
احـاول آتصبّـر واحبـس همومـي ولا أبــدّي
وانا اللي فاهمة وضعك.. وانا اللي عارفة الاسبـاب
وانا اللي بالمصايـب مـا فٍـهالدنيـا احـد قـدي
وانـا مانـي أنانيـة .. ولـو قلبـي بحبـك ذاب
وانا ادري حظي الاقشر وقف من دونـك وضـدي
ولان التضحيـة بالحـب ماهـي دردشـة والعـاب
نويـت اضحـي بحبـي لاجـل سعـادة مــودّي
رجيتـك تبتعـد عنـي وقلـت ارحـل ولا ترتـاب
خلاص اليوم ترسيم الحدود .. وذاااك هـو حـدي!
وابيّن قوة العاشـق واشيـل السـاس والأطنـاب
واقول من الهوا جزنا.. مع انه صـدق مـاودي!؟
ورحت بعيد عن عيني وزولك عن عيونـي غـاب
وانا عقبك ما غير ابكـي والـوم الحـظ المصـدي
صبرت وضاعت الحيلة.. خيالـك ساكـن الاهـداب
وطيفـك كنـه موصًّـى يمـر القلـب ويـعـدي!
زبنت النت مـن بعـدك.. دخلـت بمنتـدى ....؟!
عساني انشغـل عنـك وازيـد بقسوتـي وصـدي
وصرت اكتب لهـم عنـك قصايـد كلهـا اعجـاب
وهم ماقصـروا فينـي عجبهـم شعـري وعـدي
وكم قالوا لي ابدعتي.. وكم صفـوا لـي الالقـاب
ومع ذلك عجـزت اسلـى وجرحـي دوم يشتـدي
وانا والمنتدى صـارت علاقتنـا كمـا الاصحـاب
احسه يفرح لفرحـي.. وفـي همـي لـي يهـدي
وفي لحظة ضعفت وجابنـي لـك شوقـي الغـلاب
سبب بعض الهجوس اللـي تجيـب الهـم وتـودي
وشلت بداخلي روح(ن) تبيك وخافـق(ن) منصـاب
لقيتـك جاينـي والـحـال متغـيّـر و مـتـردي؟
علامك هيكل(ن) محني؟؟؟ علامه عارضك قد شاب؟؟
سألتـك وانتظـر منـك جـواب(ن) كافـي وردي
بعادي هو سبب همـك؟؟ جعـل يفدونـك الاحبـاب
تعـال وشرهتـك عنـدي وبـاب البعـد ينسـدي
تعال وخل احاسيـس الغـلا فـي خافقـي تنسـاب
ترا ما اقدر على بعدك .. انا احاكيـك مـن جـدي
خلاص اليوم ماني حاسبة لاحـدن سـواك حسـاب
ماعاد ابعد عـن عيونـك ولـو هالكـون ينهـدي
خلاص اليوم.. لاحيرة.. ولا لوعة.. ولا استغـراب
انا اتحدى البشر لاجلـك ولاجلـي انـت متحـدّي






مــخرج

لحظة وداعك عفت أنا الكون كله ..!!
ايه أعترف ماني على الكذب مجبور ..!!

دمع الغلا والحب ماهو مذله ..!!
وحكم الهوى يا صاحبي يقتل الشور ..!!

أبكت عيوني هالحياة الممله ..!!
حتى عماها الدمع وأصبحت مدثور ..!!

لااحد(ن) يلوم القلب في فقد الأحباب ..
ولا احد(ن) يلوم اللي عيونه مغاريق ..
والمستريح اللي من الحبّ قد تاب ..
لافارق احباب(ن) ولاعايـش الضـيـق ..
قالوا قديم : ان الهوى حيـل غلاّب ..
وانا اشهد انـّه ضربة(ن) بالمعاليــق ..

من اختيارتي اتمنى ان ينال رضاكم

أختيارات جميلة وفقك الله

تقبل مروري

اختي الشامخه

اختيارات رائعه وطرح اروع
يعطيك الف عافيه على الموضوع وسلمت يمينك

واقووووول من الهوى جزنا مع انه صدق ما ودي



اختي الشامخة الف شكرر

ذوقك رفيع في اختياراتك الرائعه


الف شكرر

	المشاركة الأصلية كتبت بواسطة فواز الهذلي

	واقووووول من الهوى جزنا مع انه صدق ما ودي اختي الشامخة الف شكرر ذوقك رفيع في اختياراتك الرائعه الف شكرر

شكرا لاطرائك وسعيده بمرورك