مجموعة من نوادر رجز عمر الخالدي

[عطر القصيد]

عمر الخالدي من أفضل شعراء هذيل سواء ًفي الرجز أو المحاورة
من دون قصور في جميع شعراء هذيل الأحياء منهم والأموات لكن
عمر الخالدي شعبيته طاغية وبشكل ملفت وجماهيره من غير قبيلة هذيل أكثر من جماهيره من قبيلة هذيل بمراحل ومن روائع وشوارد
رجزه اخترت هذه المشاركة

|||||||||||||||||||||||||||||||||||||||||||||||||| |||
يامرحبا كلا ً على منزاله
ولا ينزل واحدا ً بداله
يعفيه من شره وزايد باسه

اللي تحمل له جبل واشتاله
واللي يصيح في الخلا لحاله
يحد في أمواسه ويحلق راسه
|||||||||||||||||||||||||

يامرحبا والرمي عنكم يسرة
وان جيت أميّل جات عنكم قصرة
لكن أبحدا في يسار الحبة

في الموجز الأول جوايز عشرة
مير اسمعوا تفصيلها في النشرة
ماهم من أهل السيف والمرزبة
|||||||||||||||||||||||||||||

يامرحبا بك يامشمر شمر
واصبر شهر لين النخيل يتمر
واجمع من البرحي وتمر خلاص

الأولة مرت بدون مذمر
والثانية يمكن تجيك مدمر
يرقص لها من عندكم رقاص
|||||||||||||||||||||||||||

يامرحبا يبقى وراها باقي
العاشقة تضحك لها العشاقي
تعشق ولدها والولد يعشقها

بعض العرب يسعى لقطع الساقي
لكن ما يقدر ولا يطاقي
ما يسبق الغارة ولا يلحقها
|||||||||||||||||||||||||||

يامرحبا والمخطية ماتقبل
لو حطت الحنا في روس النمّل
ترجع بحناها لمن حناها

سود الليالي بالسراير حمّل
منها وفيها عملة ً ماتعمل
شي ً سمعناها وشي شفناها
||||||||||||||||||||||||||

يامرحبا ترحيب نوره بادي
بربعنا قوم الجبل والوادي
اللي مع الواجب معارضة

حبل المطية للعرب ينقادي
لكن قاصرههم طمع وعنادي
وقلوبهم بالغش فايضة
|||||||||||||||||||||||

يامرحبا والشمس من مشرقها
والسارق المحتال ما يسرقها
حكم القضا يقطع يمين السارق

ربعي هذيل البحر ما يغرقها
وان شبت النيران ما تحرقها
لكن عن ذيك السوالف فارق

|||||||||||||||||||||||||||||||