*+* خدمك الله وغيرك رياجيل مخدومه ،، محمد المسعودي مع الشيخي *+*

ابراهيم




ســلام الله بــرده علـيـكـم يامـعـازيـب
يقولـه شاعـر ماتغـيـب عــن لـزومـه
محمد مثل عيد رمضان يحضر ويغيب
يزعـلـنـا غـيـابـه ويرضـيـنـا قــدومــه




محمد المسعودي




هـلا يامرحبـا مابهـا شـك ولاريــب
وبعد نكرم الضيف ناخذ من علومه
تسولف يابراهيم ماتعلم عن الغيب
خدمك الله وغيرك رياجيل مخدومه



ابراهيم




يدوم الك البقا وانت رجل تبـذل الطيـب
وشاعر لا دعته الصفوف لسان قومه
وياكثـر الضحايـا وياكـثـر المصـاويـب
ومـن لايجهـد النفـس يفنـى قبـل يومـه




محمد المسعودي




ليـا منـي سمعتـك تنـادي كـيـف مااجـيـب
اجي لك قبل ماابدى المنازع والخصومه
على قول المثل كـل رامـي يرمـي الذيـب
لـكــن الـذيــب فـالـحـد نيـبـانـه سـهـومـه



ابراهيم




انـا لاجيـت بادعيـك وارسلـك مناديـب
تذكرت انك ازعلت ناس من الحكومه
وساع الذمه مخربين الأرض تخريـب
محمد من سببهم تضايق من همومـه




محمد المسعودي




وسيعيـن النحـا دخلـوك بداخـل الجـيـب
ووشهو ينفع اللوم لـو اعتـب والومـه
عن دروب السنع جنبوك مع المجانيب
وانـا مرتـاح لـو الدهـر كـلـه نصـومـه



ابراهيم




على ويش العتب مابطرد المرجله عيب
تعاتبنـي لـو إنـي تركـت ابـنـا العمـومـه
اخذنـا درس فالـوقـت والدنـيـا تجـاريـب
ومــن لايـامـن البـحـر مايـقـدر يـعـومـه



محمد المسعودي




على باب الخطا ياقف الرجـال ويصيـب
تحلوا البرد والقاض تجفل عن سمومه
لا تامن ترمحك بالخطا عوج العراقيـب
تـرا سـن الخشونـه بعـد سـن النعـومـه