الثريا والثرى

[poem=font="arial,5,#000000,bold,normal" bkcolor="" bkimage="" border="none,1," type=1 line=1 align=center use=ex num="0,"]

الثريا من سماها رددتها الألسنه =والثرى لوما وطاته ما ارتوت منه الجذوع
والجبال الشامخه ماتنحني للأزمنه=والحياه لوما حلاها مايزاحمك ألف كوع
جيت راضي بكل واقع لو خيالي يلعنه=وده يميز سماته في مخالفة الخضوع
الزوايا لو هي حاده في قياس الأمكنه= انفراج الزاويه عند الخيال فكل نوع
لاتقيده الخطوط ولا التقنع يسجنه=في ضياق الفكر واسع في حضوره له سطوع
والحقيقه مابعدها من اجابه ممكنه =لو دفنت السر داخل ماورى حدب الظلوع
قلتها فأول حياتي والذهب من معدنه =لا تساهلت النزول ولاتصاعبت الطلوع
كل خيال جواده ماتسيب برسنه=في زمانٍٍ يتعب اليد العضيده بالجزوع
قابلٍ واقع حياتي لو دماه مسرطنه =وأتبع البعد الخيالي لو يزاحمني الجموع
بين ذاك وبين هذا كلمتين مبرهنه=احفظوها من كلامي كان للحكمه سموع
السماة العامره في كل نفسٍ مؤمنه =والجهاله ماتحلت بالوقار وبالخشوع[/poem]