محاوره بين الشايب والورع من اعداد الشاعر صالح بن رويجح الهذلي قبل اكثر من 35 سنه تقريبا ... - ::{ مجالس قبيلة هذيل }:: موقع يهتم بتراث القبيلة ومفاخرها

11-01-2010, 02:08 PM

هذه محاوره من اعداد الشاعر \ صالح بن رويجح الهذلي

وقد كانت في مدرسة المضيق فالحزم قبل اكثر من 35سنه تقريبا

على شرف حضور مدير التربيه والتعليم بمنطقة مكه المكرمه \ سهل المطرفي الهذلي

وقد قام احد الاهالي بدور الشايب واحد ابناء المنطقه بدور الورع

وكان مشهد تمثيلي ولا اروع . . .

الشايب :

ياورع خلك معي عند الغنم والجمال = حافظ على مرجلتك وحول من دونها

تشرح ضميرك ليا وايقت روس الجبال = وتسد عازتك عن صاحي ومجنونها

الورع :

يابوي شوف المدارس نضمت للعيال = دور لدبشتك غيري ناس يرعونها
لاتحسبن الغنم تحسب لكم راس مال = لو برقت لك سنه سنه تعافونها

الشايب :

ان طعتني لا تعاصيني ياولد الحلال = ويش جابت المدرسه للي يعمدونها
تدرس اثنعشر سنه بأيامها والليال = متى المراجل لشايبكم تجيبونها

الورع :

ماني معاصيك مار أنشد ثقات الرجال = تعطيك خبره عن الاسلام واركونها
العلم يابوي نوره مثل نور الهلال = ونعوضكم فالسنين اللي تحسبونها

الشايب :

انته تريد الغضب وتحب كثر الجدال = عوايد اجدادكم تبا تكبونها
اللي ليا لاح براق الحيا فالخيال = قادت مضاهيرهم من حيث يمسونها

الورع :

يا عود يا عود لا تطرى علوم الخبال = ماتخلصون الصلاه اللي تصلونها
حنا عرفنا اليمين وعارفين الشمال = واضا عرفنا طرايق ماتعرفونها

الشايب :

مادامت انك مخلي دقها والجلال = لا بد شيبانكم يبا يبيعونها
انا موافق معك فقصرها والطوال = والله يدل العرب لرشد ويصونها

الورع :

يا ناس ابويه هداه الله لحسن العمال = خلى الجهاله لناس مايخلونها
يابوي ارتاح فالفيه وحيد الظلال = ابائنا واجب ابنائنا يخدمونها

11-01-2010, 04:53 PM

الله يعطيك العافيه يابن عادي
دائما ماتتحفنا بكل ماهو جميل
من مورثنا ..... يعجز الكلام يوفيك حقك .

11-01-2010, 06:06 PM


	المشاركة الأصلية كتبت بواسطة بن عادي


	هذه محاوره من اعداد الشاعر \ صالح بن رويجح الهذلي وقد كانت في مدرسة المضيق فالحزم قبل اكثر من 35سنه تقريبا على شرف حضور مدير التربيه والتعليم بمنطقة مكه المكرمه \ سهل المطرفي الهذلي وقد قام احد الاهالي بدور الشايب واحد ابناء المنطقه بدور الورع وكان مشهد تمثيلي ولا اروع . . . الشايب : ياورع خلك معي عند الغنم والجمال = حافظ على مرجلتك وحول من دونها تشرح ضميرك ليا وايقت روس الجبال = وتسد عازتك عن صاحي ومجنونها الورع : يابوي شوف المدارس نضمت للعيال = دور لدبشتك غيري ناس يرعونها لاتحسبن الغنم تحسب لكم راس مال = لو برقت لك سنه سنه تعافونها الشايب : ان طعتني لا تعاصيني ياولد الحلال = ويش جابت المدرسه للي يعمدونها تدرس اثنعشر سنه بأيامها والليال = متى المراجل لشايبكم تجيبونها الورع : ماني معاصيك مار أنشد ثقات الرجال = تعطيك خبره عن الاسلام واركونها العلم يابوي نوره مثل نور الهلال = ونعوضكم فالسنين اللي تحسبونها الشايب : انته تريد الغضب وتحب كثر الجدال = عوايد اجدادكم تبا تكبونها اللي ليا لاح براق الحيا فالخيال = قادت مضاهيرهم من حيث يمسونها الورع : يا عود يا عود لا تطرى علوم الخبال = ماتخلصون الصلاه اللي تصلونها حنا عرفنا اليمين وعارفين الشمال = واضا عرفنا طرايق ماتعرفونها الشايب : مادامت انك مخلي دقها والجلال = لا بد شيبانكم يبا يبيعونها انا موافق معك فقصرها والطوال = والله يدل العرب لرشد ويصونها الورع : يا ناس ابويه هداه الله لحسن العمال = خلى الجهاله لناس مايخلونها يابوي ارتاح فالفيه وحيد الظلال = ابائنا واجب ابنائنا يخدمونها

ياسلام عليك يابن عادي

دائما مواضيعك ممتعه

بيض الله وجهك

11-01-2010, 09:12 PM

ما شا الله يا بن عادي

دائما تأتينا بما هو مميز وممتع

صح لسان الشاعر صالح بن رويجح فقد ابدع في هذه المحاوره وليس بمستغرب عليه فهو متمكن في كل من المحاوره والنضم ودكتور للحداء
* اطال الله في عمره *

الشكر كل الشكر لك يا بن عادي

تحياتي لك ولكل ما تقدم

11-01-2010, 09:20 PM

صح الله لسان الشاعر / صالح بن رويجح
وبيض الله وحهه على المحاورة الرائعة والهامة خاصة في أيامهم
ويعطيك ألف عافية أخي ابن عادي
على النقل والطرح الجميل والممتع
لك كل الشكر والتقدير
تحياتي

11-01-2010, 11:10 PM

بيض الله وجه دكتور الحداء صالح بن رويجح المطرفي

بيض الله وجهك يابن عادي

11-01-2010, 11:26 PM

محاورة ولا أروع وقد سمعتها ليلة البارح غضة طرية من أبي خالد الشاعر الكبير صالح بن رويجح المطرفي فلله دره من شاعر مجيد ورقم صعب في الشعر الهذلي المعاصر.

والشكر لك على جهودك العظيمة ويكفيك فخرا أنك راوية لقامتين هذليتين سامقتين في سماء الشعر وهما صالح بن رويجح المطرفي ومسلم بن شعيل المطرفي عليه رحمة الله.

وأعلى تقييم للموضوع ولشخصك الكريم ،،،

11-01-2010, 11:31 PM

تسلم يابن عادي . وصح لسان أبو خالد

11-02-2010, 01:09 AM


	المشاركة الأصلية كتبت بواسطة راعيها


	الله يعطيك العافيه يابن عادي دائما ماتتحفنا بكل ماهو جميل من مورثنا ..... يعجز الكلام يوفيك حقك .

الله يعافيك ياراعيها

ولا غاب المطر مغيبك

شاكر لك جمال المرور

11-02-2010, 09:18 AM

الله على هذه المحاوره الطيبه
وشكراً لك يابن عادي
على الجهد الرائع
ودمت في صحه وسلامه

11-02-2010, 01:32 PM


	المشاركة الأصلية كتبت بواسطة الحـــميا


	ياسلام عليك يابن عادي دائما مواضيعك ممتعه بيض الله وجهك

وجهك ابيض يابو وافي

شرفني مرورك العطر

11-02-2010, 02:03 PM

الله يعطيك العافيه يابن عادي

11-02-2010, 03:01 PM

يعطيك العافيه يابن عادي وماقصرت ياذيب محاوره رائعه جدا .

11-02-2010, 04:02 PM

مبدع من يومه ابو خالد

لله دره ... بالفعل يضل رقم صعب في الشعر الهذلي

صح لسانه و بيض الله وجهك يا بن عادي على النقل الجميل

11-02-2010, 08:31 PM

ياعيني عليك يابن عادي

راويه مبدع

يعجبني انتقائك

محاوره جميله

وفكر واعي

لك مودتىىى