رديه

هذي رساله وصلتني من شخص غالي على قلبي بعد فترة انقطاع طويله
يقول فيها
ودي ولا ودي ولا أدري وش أقول
إلا أن وجعات الليالي ثقيله

مشيت في الدنيا على كل معقول
وعجزت لا أنجز حاجتن مستحيله

هي بإختصار ألقى رفيقن على طول
ما ينقلت في ظرف يومن وليله

وحبيت أجاريه في القافيه ورديت عليه مع أني متأكد انه موهو صاحب الأبيات
وهذا هو الرد

صحيت من نومي وأنا تقال مهبول
والشوق في قلبي مولع فتيله

واللي هبلني حلم ياليت معقول
كني أنا وإياك من فوق خيله

شفت الرساله قلت ياخير مأمول
عسى الفرح في المقبلات الجميله

ترى الفرح له باب ماهو بمقفول
افرح وعيش العمر وشو بقيله

هذا جواب اللي سألته لك يقول
في مختصر قوله يباله دليله

شهد وأنا مطلق وكلن له ميول
وأنا ميولي مع ميولك بشيله


,,,,,,,,,,,,,,,,,,,,وسلامة الجميع,,,,,,,,,,,,,,,,,,,,,,

السلام عليكم ورحمة الله وبركاته

ماشاء الله عليك أخوي الغالي مطلق .
بأمانة لست مجامل لك ...
وقد ذكرت لي أنك مبتدئ ولكنك أبدعت في الرد والمجاراة ..
ولكن تمنيت لو أنك غيرت في مطلع بيتك الأول ..

وأعجبني قولك :
شفت الرساله قلت ياخير مأمول
عسى الفرح في المقبلات الجميله..

متابع معك ...وكلنا نتعلم وأنا أخوك .

صح لسانك ولاهنت .

اشكرك على اطرائك الحلو

واهتمامك بكتاباتي والله يوفق الجميع اخوي مشعل