مرحوم ( رد على قصيدة نمر السحيمي )

[poem=font="Arial,4,#000000,bold,normal" bkcolor="" bkimage="backgrounds/27.gif" border="none,1," type=1 line=0 align=center use=ex num="0,"]
مرحوم يامكرم ومطعم وكــاسي=مرحــوم ياللي للشـــهامات نبراس
مرحوم ياللي دوم للطيب ساسي=طيب على تقوى ومبني على ساس
مرحوم ياللي كنه الرجـم راسي=مرحــوم ماسيّر مع الصبح نسناس
يانمركهربني من الحــزن ماسي=عقبك ذرفت الدمـع من غير مقياس
لكن هذا الموت صعب المراسي=مكــتوب من ربي بحبر وقــرطاس
كم راح من حاكم وملك وكراسي=وكم راح راعي علم طيّب ونوماس
وكم راح من قــرم وشيخ سياسي=قـفّـت به الـدنيا وعــوّد بالإفـــلاس
العبدعــن مــوته يصيبه نعاســـي=مايصحي إلاعقب ماتضرب الفاس
فـي لحـظـة فيهاأســى وإحتياسي=يصيرمثل البن في جــوف محماس
بعدالشـــقا لابــد حــصد ودياسي=مايــدري إن الـمـوت عجل وكبّاس
يارب يافــــارج لنا كـــل باســي=يامنقذ يونــس بغــبــات غــطّـــاس
رحمتك وأبـعـدنا عـن الإنتكاسي=يامحــي شـــجر عـقـب كـان يبّاس
وصلوا على الهادي لكل الأناسي=محمد المعـصوم عن درب الأدناس[/poem]