الحقايق ماتجينا من القيفان

[عطر القصيد]

سلامي على اللي وجّه لنفسه النيشان

وثوّر من البارود عجّه ودخانه

وسبّب براكين وزلازل وساق احصان

على نصف صفحة بالسواليف مليانة

أجل كيف لامنه وصل ساحة الميدان

سرى زاد لأصغر ذيب مافاده لسانه

يجابه ورمحه بالصدا ضحّك الفرسان

يظن المعارك ضحك ونفوس طربانة

ترى الشعر له ذوق وطرات ونغم وأشجان

ليا مر فالقلب الشقي ودّع أحزانه

سوات السحر تطرب له النفس والوجدان

مهو تسلية وتحرّفه عكس عنوانه

وأنا ماكتبت الشعر من شان مدح فلان

ولا أرجي المجامل يوم تمدح لي فلانة

أظن الشعر مازاد من قيمة الانسان

وكذاب من هو يدّعي الزود بألحانه

وعمر الحقايق ماتجينا من القيفان

كلام ٍ بلا جمرك طغى فيه بهتانه

اله البشر علام غيب البشر والجان

خبير ٍ بقول الزور لو كثرت ألوانه

وأنا جيت أدينك قبل تمثل على الديان

اله العباد وخالق الكون سبحانه

شديد العقاب وغافر الذنب مهما كان

ومن هو دعاه يجيه رزقه لبيبانه

ولافيه فارق غير في الخير والايمان

وباقي الفروض وكل علم له أركانه

وخير العمل طرد الوساوس من الشيطان

ألا واعذاب اللي معنيه شيطانه

على الوهم مبحر لاسفينة ولا ربان

ياشين الظنون اللي تجي مالها خانة

لسانك حصانك لو تصونه تبى تنصان

ولاني مكمل دوك زوده ونقصانه

...........................................
م ن ق و ل