أ ........ حــــبك !!

*
*[mark=000000]

السلام عليكم ورحمة الله وبركاته[/mark]

عبدالله البكر/ أ ........ حــــبك !!




[poem=font="Arial,5,,bold,normal" bkcolor="" bkimage="" border="solid,1," type=2 line=0 align=center use=ex num="0,"]


على غفلة وانا آراقب مدى وادي الظـلام بصمـت=تسلل بالخفـى ظـل الخيانـة مـن ورى ظهـري

وأنا في كل عزي فـوق صخـرة قصتـي ماقمـت=دريـت أنـه وراي ولابغيتـه لا قــرب يــدري

لعلـي أكسـره بـأول كلامـي لامـن إتكلـمـت=وأنا أخاطب ضميره وآتشكى مـن وجـع كسـري

عمدت أكتب ( أحبك ) عـالتراب بلا ( ألف ) مادمت=أعرف إن ( الألف ) تعني ( أنا ) وتطيح من قـدري

بديت أهمس بإذن جوفي نسيـم يصيبنـي لاهمـت=تناهيد ٍ بـدت تحبـي ألـم ليـن أصبحـت تجـري

على كبـر الخيانـة والتناسـي والكـذب قاومـت=ثمـان شهـور لا طـب ٍ يعيـن ولا دوا يـبـري

أجـل أتـرك مكانـي للغيـاب وهقوتـي أجرمـت=وأجي وألقى الجريمة من يدين أجناب في صـدري

وانا ياويل حالـي قبـل أغـادر دنيتـك صممـت=أعـود بـلا عتـاب ولا مـلام وخافـق ٍٍ عـذري

من اول ما عرفت إن البحر دمعة قهر بـه عمـت=إلين أصبحت في جوف الورق غرقان في سطـري

أتمتـم بالكـلام اللـي كتبتـه وأمسحـه لانمـت=أخاف أحلـم وأكمـل ماكتبـت وينفضـح سـري

ويدرون الملا عن ماحبستـه بالحشـى وأقسمـت=أخبيـه لذبـول آخـر ورود الحـب فـي حجـري

ومر الوقت وإحساسي مابين آلمـت / مـا آلمـت=وظهـري يرقبـه عيـن ٍ تلـد تشـوف مايجـري

وفجأة .. خالط الموقف شهيق المذنب اللـي لمـت=ونبضاته بـدت تزعـج حشـاي وتقتـرب حـدري

مسك كتفي وهو يهمس ( تراني في غيابك صمت )=وحضني وأنفتح دفتر دمـوع ٍ مـن شهـر مقـري

نزعت إيده ونفضت اللي بلبسي من غبـار وقمـت=وخليت الذي يبكي ورى ظهـري .. ورى ظهـري [/poem]

[S]
تــــحـــيـــاتـــي
*
*[/S]

قصيدة راقت لي كثيرا، أشكرك كثيرا عليها.

قصيدة جداً رائعة وجميلة الله يعطيك العافية مسكـ....

تحياتي...

*
*

[mark=000000]الفارس حزين الطلعه[/mark]

[S]شاكره لك مرورك[/S]

احترامي لك

*
*

*
*

[mark=000000]هذلي متطور[/mark]
[S]
شاكره لك مرورك[/S]

احترامي لك

*
*

وعليكم السلام ورحمة الله وبركاته

عـلـى كـبـر الخيـانـة والتنـاسـي والـكـذب قـاومــت
ثـمــان شـهــور لا طـــب ٍ يـعـيـن ولا دوا يــبــري
.................
أتمـتـم بـالـكـلام الـلــي كتـبـتـه وأمـسـحـه لانـمــت
أخــاف أحـلـم وأكـمـل ماكتـبـت وينـفـضـح ســـري

الأستاذة والأخت مسك ..
إختيار قمة وذوق ليس مستغرب ...

كل التحايا ...ولا أنسى أن اشيد بالشاعر البكر ....وبقصيدته .

*
*


[mark=000000]مشعل الهذلي[/mark]

[s]شاكره لك مرورك[/s]

احترامي لك

*
*

السلام عليكم ورحمة الله وبركاته

الله لايهينك يامســكـ

قصيدة رائعــه جدا وذوق كالعادة مميز

ذكرنتيني ببيــت يقول:

أنا أحبــ بدون كـــــــاف.........كـــافي أنتي....ياحياتي

*
*


[mark=000000]عماد العبيدي[/mark]

[s]شاكره لك مرورك[/s]

احترامي لك

*
*