أباً عن جد .................

السلام عليكم ورحمة الله وبركاته

صباح الخير على أبناءعمومتي وضيوف مجالس هذيل ..
بداية أعتذر من الجميع لأنني سأتغيب عن المجالس وليس بمزاجي عدة أيام فاذكروني بخير ...

وهذه قصيدة ربما لا ترتقي لمستوى قصيدة هي أقرب للمشاركة معكم أساتذة الشعر الحقيقي بدون إستثناء ..


[poem=font="Arial,5,,bold,normal" bkcolor="" bkimage="" border="none,1," type=2 line=1 align=center use=ex num="0,"]
سرى بارقٍ يم الحجاز وذبحني الوجد=على ديرة ربعي هل الجود تسكنها
بشاير مزون وياعساها بشاير سعد=عسى الله يسقي من سكنها ويمنها
ديار الرجال أهل الكرم صادقين الوعد=ديار الرجال اللي قليل معادنها
هل العز والناموس يومك وقبل وبعد=زحول الرجال اللي رياجيل تزبنها
هذيل وليا جا طاري هذيل وقت الجد=تلين الجبال وخصمها مايلينها
ليا قيل من للمجد قلنا هذيل المجد=ونفخر بها ونعزها ونتحضنها
ورثنا المروة والمراجل أبا عن جد =وحنا هل الجزلات وحنا نثمنها
ليا عِدت الأفعال نحتار ويش نعد=وحنا سهوم الحرب واحنا نسننها
وردنا ووردنا قبل كانت أخذ ورد=وروس العلوم تخبرك عن بواطنها
كما البحر لامن هاج والبحر ماينرد=وخذ من هذيل العلم ياناشد عنها
لنا رايةٍ بيضا ليا مالزمان أشتد=ترى مالها الا العزوة اللي تهيجنها
لنا عز يبقى طول ألايام ماينهد=بما الذهب يكتب وحنا نبرهنها
تبا تتعب الأقلام ويجف عد وعد=يطول الدهر والوقت واحنا ندونها
وحنا دروع الدين لاجات ضد لضد=تموت الرجال لدينها ولمواطنها
وكل القبايل فالمواقيف يد بيد=تحت راية التوحيد والله يمكنها ...[/poem]

ياليت أحد ينسقها إن كانت تستحق .

ومعذرة في القصور ........دائما أقول ماني بشاعر مجرد مشاعر ..