الله يخارجنا من السبع العجاف - ::{ مجالس قبيلة هذيل }:: موقع يهتم بتراث القبيلة ومفاخرها

04-05-2009, 12:49 AM

السلام عليكم ورحمة الله وبركاته

عـبــداللـه الـمـيــزانــي

الهآجري واقف على البيبان ويدق الجرس
ماكنه الا في الليال التاليه جندي حـرس
يمارس اللكمآت والصكآت ويجر المرس
أقولها واللي عقد رؤوس الحبال يحلهـا

سلطان فيه خلاف وش هذا الخلاف
القاف له سرت وصـار خلافهـا
لاكن ويقرّ الضلع بـثيابٍ.. نظاف
لا تهـدم الجمـه علـى ورافهـا

سـلـطان الهـآجــري

أنت ثلاث شهور تذكر ماتشـاف
لا تقـرب الكعبـه ولا تطافهـا
الهآجري ماهو بـصياد الضعاف
مآيطرق السكين فـوق أكتافهـا

عـبــداللـه الـمـيــزانــي

صدقني أني غير وجه الله ما اخاف
واللي تطرفهـا لقيـت اطرافهـا
تقولها ونقولها في أخرف مطـاف
مكة نشرفهـا بـحكـم أشرافهـا

سـلـطان الهـآجــري

أنت أعترف وأنا بـأصدق الأعتراف
وأنـت بعيـر ثقالـهـا وخفافـهـا
كبدي تعاف وكبد غيري مـا تعـاف
إن سلفتـك الـنـآس رد اسلافـهـا

عـبــداللـه الـمـيــزانــي

الله يخارجنا من السبع العجاف
الرجل ماتثبت على ميقافهـا
أما تقدم قِدم ولا ارجع خلاف
لا ترجع الحذفه على حذّافهـا

سـلـطان الهـآجــري

أخاف رجلك صايرٍ .. فيها اختـلاف
من يوم هفـت بـك مـع مهيافهـا
بعض القلوب إليآ حصل فيها ارتجاف
أزرى المداوي .. لا يعرف اوصافها

عـبــداللـه الـمـيــزانــي

سؤال جاوب وش معنى الإعتكـآف
قدام يسرف في الخشـوم رعافهـا
لو صرت طيارهـحريب الإختطاف
جابتكـم الأيـام فـي مخطافـهـا

سـلـطان الهـآجــري

ماباقِ .. الا انك تسمي العين كاف
أحرفتـك الدنيـا مـع محرافهـا
أنت وراك تضيف جمله ماتضاف
مايذبـح الكفـار غيـر إسرافهـا

عـبــداللـه الـمـيــزانــي

مافيه داعي للكتاب بلا غـلاف
خربت نجدتها .. وجاك إسعافها
لاعب لاكنك ماملكت الإحتراف
ياشرهة العملة .. على صرافها

سـلـطان الهـآجــري

النص عند الإنجليزي هآف .. هآف
أفطـن لهـا يانصهـا ياهافـهـا
ليلً بدى نجمه وليلٍ طاف .طـاف
مازالت الضيفـان فـي مضيافهـا

عـبــداللـه الـمـيــزانــي

مايشكي الصومال غير من الجفاف
يامن تعـد أرباعهـا وأنصافهـا

,,,,,,,,,,,,,,,,,,,,,,,,,,,,,,,,,,,,,,,

التفوق مما لاشك لصالح( سوار الذهب )

عبداله الميزاني

محاوره قمه مهداه

لجميع الأعضاء عامه

ولأبو المثلم

وفهد المطرفي خاصه

وياليت تساعدوني حيران عزالله فالمعنى

04-05-2009, 11:47 AM

محاورة قوية وبدايتها على موال لكن الهاجري اعتذر عن الموال .

يعطيك ألف عافيه .

تحياتي .

04-05-2009, 12:43 PM

مشكووووووووور يابن عادي

نقل مميز طال عمرك

04-05-2009, 02:12 PM


	المشاركة الأصلية كتبت بواسطة مطرفي الدلم


	محاورة قوية وبدايتها على موال لكن الهاجري اعتذر عن الموال . يعطيك ألف عافيه . تحياتي .

واضح اخي مطرفي الدلم

ان الهاجري لم يلعب الموال فعلا

شرفني مرورك ياذوق

04-05-2009, 08:12 PM

محاور قوية جداً
وسوار الذهب أثبت جدارته فعلا
ويعجبني بهدوءه

مشكور يابن عادي على النقل المميز

04-05-2009, 10:36 PM


	المشاركة الأصلية كتبت بواسطة هذلي والفخر لي


	مشكووووووووور يابن عادي نقل مميز طال عمرك

العفو ياذوق

المميز حضورك

04-05-2009, 11:48 PM

سلطان فيه خلاف وش هذا الخلاف
القافله سرت وصـار خلافهـا
،
أنت ثلاث شهور تذكر ماتشـاف
لا تقـرب الكعبـه ولا تطافهـا

والله محاورة رائعة جدا

المعنى ؟!!!

سياسي ؟ يمكن

بس سلطان والله بيوته ماهي سهلة أبد

لاهنت والله يا بن عادي

ما تجيب الا السمين

ألف شكر يالغالي

04-06-2009, 10:15 AM

عبد الله الميزاني

هذا الشاعر عجيب

اسطورة شعر في نظري

بن عادي

كل الشكر على هذا النقل المميز

بارك الله فيك

04-06-2009, 11:22 PM


	المشاركة الأصلية كتبت بواسطة أبو حمدان


	محاور قوية جداً وسوار الذهب أثبت جدارته فعلا ويعجبني بهدوءه مشكور يابن عادي على النقل المميز

العفو يابو حمدان

شرفني مرورك ياذوق

وسوار الذهب شاعر كبير

لدرجة ان الكثير من الشعار

يحاولون الأنتحاء عن مقابلته

04-08-2009, 01:39 AM


	المشاركة الأصلية كتبت بواسطة أبو المثلّم


	سلطان فيه خلاف وش هذا الخلاف القافله سرت وصـار خلافهـا ، أنت ثلاث شهور تذكر ماتشـاف لا تقـرب الكعبـه ولا تطافهـا والله محاورة رائعة جدا المعنى ؟!!! سياسي ؟ يمكن بس سلطان والله بيوته ماهي سهلة أبد لاهنت والله يا بن عادي ما تجيب الا السمين ألف شكر يالغالي

شرفني مرورك يابو المثلم

انته تقول يمكن سياسي

وانا اقول المعنى فالشعر

(اي كل واحد منهم يمدح نفسه من حيث الشاعريه)

هذي وجهة نظر متواضعه واحترم وبشده مااشرت اليه

واتمنى مشاركة جميع الأعضاء والأخوه الشعار

لمعرفة او تقريب المعنى

04-12-2009, 07:54 PM


	المشاركة الأصلية كتبت بواسطة عز الرفيق


	عبد الله الميزاني هذا الشاعر عجيب اسطورة شعر في نظري بن عادي كل الشكر على هذا النقل المميز بارك الله فيك

العفو ياعز الرفيق

واسوار الذهب

اسطوره بكل تأكيد

العفو ويهمني مشاركة بقية الأعضاء

شرفني مرورك ياذوق

04-27-2009, 03:52 AM

بيض الله وجهك يابن عادي

04-27-2009, 03:56 AM

[align=center]أشكرك بن عادي علي النقل المميز

تقبل مروري وتقديري

دمت بود

.[/align]

04-28-2009, 12:57 AM


	المشاركة الأصلية كتبت بواسطة ابو محمد الخالدي


	بيض الله وجهك يابن عادي

وجهك ابيض يابو محمد

شرفني مرورك ياذوق

04-29-2009, 03:33 AM


	المشاركة الأصلية كتبت بواسطة بث تجريبي


	[align=center]أشكرك بن عادي علي النقل المميز تقبل مروري وتقديري دمت بود .[/align]

العفو ياذيبان

شرفني مرورك يالغلا

تقبل جل احترامي