رسالة الى كل صديق

اولا اشكر الاخ عماد العبيدي الذي دلني على كيفية المشاركه في الصفحه الرئيسيه الف شكر
العين تعسف دمعها دون خيال
والهرج يعجز عن كلام اللباقة
هات الدلال وبهر القلب فنجال
واشرب معي ياصاح هيل الصداقه
كان الغياب اللي كسر خوتك طال
وش حيلة اللي غاب عنه اشتياقه
تعال وانظر كيف دونت تمثال
من جرحي اللي قابلن للاعاقه
كم من صديق يزعله قيل اوقال
وكم من رفيق جاهلن للرفاقه
وكم من عزيز صف مع صف الانذال
وكم من سهم صوبي جهز لانطلاقه
ماارتحت مع عم ولاارتحت مع خال
ولا ارتحت مع قلب رفضت اعتناقه
الا انت ياسيد المغاوير الابطال
حتى بمرك شفت حلو الصداقه
لو المحبه تشرى بجاه اومال
رصدت لك مليون طاقه وطاقه
انت الورود الزاكيه ريحها جال
لا والله الا انت ياصاح باقه
ان قلت لك قول تعاكسه الافعال
اعرف ترى قلبي قبلت احتراقه
خذها عهد مني ولو ها الزمن طال
ماانسى رفيق معتني بالرفاقه
هذي اول مشاركه لي اتمن ان تعجبكم وانتظر الردود الحلوه

صح لسانك وبيض الله وجهك

قصيدة جميلة

من شاعر جميل

صح لسانك الله يعطيك العافية،
ننتظر جديدك أيها الشاعر الواعد.

صح لسانك

صح لسانك اخوي

والشكر لمشرفنا الغالي عماد على هذا الاستقطاب الرائع للشعراء الهذليين

ومرحبا بك

السلام عليكم ورحمة الله وبركاته

صح لسانك ..
اخوي الشاعر عايش بكيفي .
والشكر موصول لمشرفنا الغالي عماد .

هات الدلال وبهر القلب فنجال
واشرب معي ياصاح هيل الصداقه

السلام عليكم ورحمة الله وبركاته

مرحبا بك اخي عايــش بيكفي: أسعدتنا بحضــورك وبهالمشاركة الجميلة.

صح لســانك لين ترضى...وأنا تحت أمــرك بأي شي تبيه ماوجدت هنا إلا لخدمة كل شاعر ......

مرة أخرى صح لســانك وننتظر أبداعك القــادم.

تحيـة طيبــة