انا شايفك مابين ميل وعداله ،، شاعر هذيل مع العضيله

السلام عليكم ورحمة الله وبركاته
انقل لكم ومن الموقع الرسمي للشاعر محمد المسعودي ((عذب القصيد))
محاورة جمعت العملاقين محمد المسعودي وزيد العضيله

زيد العضيله:



سلامي سلامٍ ماتجيه المشاريه
بعيدٍ عن المشروه في كل حاله
انـا فاقـدٍ رجـال مانـي بناسـيـه
عسى الله يعوضنا برجل بدالـه



محمد المسعودي:



هلا مرحبا والطيب بالطيب نشريه
وانـا قـاري العنـوان قبـل الرسالـه
اظنك تبـا تحمـا وتسـري مساريـه
انـا شايـفـك مابـيـن مـيـل وعـدالـه



زيد:



انا قبل اشوف الذيب له صوت موحيه
ولا هــو غـريـب الـذيـب مثـلـه عيـالـه
على الهون هاك الدرب مانـي براعيـه
ولا اخـذت فـوق النـاس صـك ووكـالـه



محمد:



هدفنا يابن سلمي بعيـده مراميـه
ولا هو يميـن الرجـال ولا شمالـه
عسى فيك ظني ماتخيب هقاويـه
انا قلت لك من عصر مالك وماله



زيد:



انا قلت لـك علـمٍ وباسمـه مسميـه
لكـن انـت بـارودٍ سـريـع اشتعـالـه
وجودي على اللي كل ماحل طاريه
تـوجـدّت لـلـي تــدرق فــي ظـلالــه



محمد:



هذا زيد بـن سلمـي كثيـره دعاويـه
عطيتـه جـواب يغلّـقـه فــي سـوالـه
توجد من الظاهر وداخلك وش فيه؟
اظـنــك تـسـتـر قـالــة ســــد قــالــه



زيد:



هذا زيد قـال العلـم وان قـال يحميـه
ولا تنـكـره وانـتــه حـلالــك حـلالــه
لسان الصدوق يقول لك عن خوافيه
يـاكـم ليـلـة بالخـيـر دعــوه دعـالــه



محمد:



طويل الجبل يازيد صعبه مراقيه
يبا يتعب الطرقي وتتعب رحالـه
انـــــــــــــا لا اقـــــــــــــدر ......
لكنـي لقيتـه مـع مقـاط وحبـالـه



زيد:



عسى عين تفرح فيه تبطي ماتبكيـه
وهـذي شهـاده مـن لسـان العضـالـه
انا كيف اشيل السيف من عند واليه
وانـا كنـت احسـب انـه وحيـد لحالـه



محمد:



مصير الفتى لو طولّت به لياليه
يودع وتبقـى غترتـه مـع عقالـه
تراني ماابا بيني وبينك مشاريه
لكن الرجل يازيد صعب احتلالـه



زيد:



ياراع الكلام اللي تقولـه وتثنيـه
يثبـت نهـار العيـد شوفـة هلالـه
تبانـا نزيـد الـجـرح ولا نـداويـه
مدام الرشا ياهذيل فوق المحاله

الله الله ياشاااااعر هذيل (ولا يهون حاااااااااامد )

انا اشهد انك دااهيه

وبيض الله وجهك يااوجه السعد

ماهو داهية بس إلا شيخ الشعراء وأقواهم .

تحياتي .

لاتحرمنا من محاورات شاعر هذيل .

تحياتي .

وعليكم السلام ورحمة الله وبركاته

محمد المسعودي شاعر كبير ومن أعلام الشعر رغم متابعتي لبعض مشاركاته ..

وزيد العضيلة شاعر جزل بعد ..

لكن هناك أخطاء إملائية أخي الغالي وجه السعد في المحاورة ..
أبرزها ..قول محمد
ولا هو يميـن الرجـال ولا شمالـه ..
أعتقد الأصل الرجل ...وليس الرجال ..


كل عام وانت طيب وبخير ..

لاهنت ياوجه السعد .

صح لسانك يا ابو عبدالله عز الله انك امير الشعراء

وجه السعد بيض الله وجهك يالذيب

يعطيك العافية