محاوره بين بلير وبوش

هذه المحاوره جرت بين رئيس وزراء بريطانيا / بلير ... ورئيس الاداره الامريكيه / بوش

حيث جاء بلير الى امريكا لحضور المؤتمر الثنائي مع بوش قبل ايام وعندما دخل على بوش

في صالة الاجتماع بدأ بهذه المحاوره وقام بوش بالرد عليه فورا ،،،،

البادي بلــــــير :



الله لايجزاك بالخير يابوش "=" ورطتنا في حرب صدام ورطه
عزمتني وتقول بترول وقروش "=" بس الحقيقه روحتي معك غلطه





قال بوش : خلــــوها :



يابلير رد العلم عن بوش بن بوش "=" الله خلقنا للمقاريد سلطه
وابوي عنده للرياجيل دنبوش "=" كم واحد ٍ شلنا فلوسه ونفطه





بلـــــــــــــــــير :



ابوك والنعمين مير أنت مربوش "=" تموت بالبترول وتحب شفطه
صحيح عندك مال وسلاح وجيوش "=" مير اتوقع لك تدهور وسقطه





بــــــــــــوش :



يابلير كانك خفت يوم احتمى الهوش "=" حرام ماتأخذ من النفط نقطه
قبلك ترى شيراك قد راح مكروش "=" شوفه يصرح كل يوم بمحطه





بلــــــــير :



وراك ماتعطي لشيراك عرموش "=" تراه مشغلنا بشيله وحطه
وليا انتهى موضوعنا نرسل طروش "=" ونجمّـع المبلغ من الربع قطه





بــــــــــوش :



شيراك هذا عنده الفكر مغشوش "=" فرط علي في مجلس الأمن فرطه
يدزه الألمان والصين ويطوش "=" ويجهز الفيتو لتحقيق شرطه





بلــــير :



يابوش أنا مرهق وخايف ومدهوش "=" وانته تقول الحرب خدعه وخطه
اسراي واسراك امتلا منهم الحوش "=" عز الله أنه صابني منك جلطه





بــــــــوش :



ماقلت لك كم فيه اذاعات ودشوش "=" لاتكشف المعنى وأنا اقول غلطه
وان قالوا أنا علوج واصاحبنا جحوش "=" ماهمنا الصحّـاف واللي يخطه

ابو حميد الهذلي تسلم
يسعدني ان اكون اول من شاهد
مشكوووووووووووووووووووووو ر

شيء عجيب أول مرة أعلم أنهم شعراء محاورة.


الله يعطيك العافية ،،،

يعطيك العافية أخوي أبو حميد
اتمنى لك التوفيق

امير هذيل والفارس حزين الطلعه وعناد المطرفي يسعدني مروركم

الله يعطيك العافيه

علي المحاوره

صح لسانهم

عزالله حركة المحاوره هذي