لله درك ياالسويكت

انا يوم اشرف وازعج الصوت واغني
علي الملام ان كان غنيت طربانـي
لاوالله اهوجس في وليفن لي واحني
حنين الخلوج اللي اتهبـد امسيانـي
اتل العباير من ورى الحدب واونـي
واقلب زمانن فات واقلـب احزانـي
على صاحبن قفى وهو ضايقن منـي
وانا مت شفقن له وهو مات شفقاني
ذبحني بحبـي لـه وبعـده يكفنـي
وتدفني اشواقي وانا اشوف باعياني
من اول وهو عندي غرامه مجننـي
وش اقول يوم اني لاجيته ولاجانـي
الا يانسيم الصبح خبـره وش كنـي
و قله تراني لا امسو الناس سهراني
و قله ترى الايـام ماتبعـده عنـي
و قله تراني يـوم اخليـه ندمانـي
اربي على ظنه واربه علـى ظنـي
واربه يسامحني الا جيت له عانـي

الشاعر , خالد بن مبارك السويكت