شاعر الحكمة / عبدالله بن علي الطلحي / لاتخبي غلاي إن كنت تغليني

لاتخبي غـلاي إن كنـت تغلينـي
منك حبس المشاعر ظلـم بالغالـي
كلما شفـت عينـك يناظـر عينـي
قلت يـاذا العـذاب اللـي تهيّالـي
شفت فيها شقـاي وجـددت فينـي
حيرتي والسؤال اللي علـى بالـي
لامتـى وانـت تبعدنـي وتدنينـي
ليه اشوفك بعيـد وزولـك قبالـي
لامتى الحاجز اللي بينـك وبينـي
كلما مر يـوم يزيـد فـي العالـي
شايف الشوق فـي عينـك ينادينـي
كل نظره تقـول إن السعـد فالـي
وانت دونك جدار الصمت حادينـي
صمتك اللي سبب همي وغربالـي
كـم تمنيـت يـوم إنـك تلاقينـي
تشتكي لي وتسألني عـن احوالـي
إنتظرتك تطيـع الشـوق وتجينـي
إنتظـرت إنتظـرت أيـام وليالـي
عمري اللي تعدى واجمـل سنينـي
فـات والعالـم الله ويـش يبقالـي
خايف إنك تجي في يوم ناصيني
ماتجد شي منـي يرسـم ظلالـي
لاإنمحت من على الدنيـا عناوينـي
ولابقالـي مـع الحييـن منزالـي
وقتها غصب مـن دنيـاك تلغينـي
تحذف إسمي وتحذف رقم جوالـي
كان قصدك بعد ماامـوت تبكينـي
ليش تنثر دموعك في الخلا الخالي
دمعـةٍ فـي غيابـي ماتواسيـنـي
ولاتبـدل هـذاك المـر بالحالـي
لو تخلي بيـوت الشعـر ترثينـي
لين تصنع مـن الأشعـار تمثالـي
ماسكبت السعـاده فـي شرايينـي
ولاانت واصل لروحي والجسد بالي
طيع شوري وحـط يديـك بيدينـي
ليش تاقف لحالـك وآقـف لحالـي
دام يمديـك يالغـالـي ويمديـنـي
حطم الحاجز اللـي حطـم آمالـي

عبدالله الطلحي

شاعر راااااااائع

أعتقد إنه مبدع في كل الأنماط الشعرية

وأعتقد أنه تلقيبه بشاعر الحكمة قد يضع له إطار في وقت يستطيع التحليق والإبداع خارجه

والدليل هذه القصيدة العاطفية الرائعة التي انتقى لها لغة خاصة سهلة ومعبرة

شكرا مستشار هذيل

شكرا لك أخي الفاضل مستشار هذيل على هذه المشاركة
لشاعر هذلي أصيل غني عن التعريف، له في الشعر باع طويل،
وقد تراقصت كلماته رقة وعذوبه شأنه شأن الشعراء الهذليين إذا انتقلوا
إلى الشعر الغزلي ووصف المشاعر التي تعتلج بالفؤاد العميد ...

وأسمح لي بنقلها لمجلس الشعر النبطي (المحاولات والمنقولات).

قصيدة راااااااااااااااااااائعه

وما اقول ألا



على النقل

فالحقيقه اني احب قرأةالنصوص العاطفيه التي تميل الي الحزن فشكرا لمستشار هذيل وياليت تمطر المنتدى بقصائد اخرى لشاعر عبدالله الطلحي الذي ينتقي الجميل والجميل السلس من الكلام ويضعه في ايطار رائع جدا تقبل مروري