محاوره مع شاعر الوطن

محاوره مع شاعر الوطن قبل المسعودي
اتمنا ان تنال استحسانكم


قبل المسعودي

سلام رديه لها من خاطري باب وجواب
ومن الثلاث البيض تاخذ بشتها وعقالها

شابت لحانا ياخضر من وقتنا والراس شاب
رحنا وجينا في كفاح ايامها واليالها

خضر البقيلي

يامرحبا رحباً يغلق يامسلم كل باب
واهل الوفا ماتنزل ابمنزل ماهو منزالها

الادمي ماياخذ الا الي كتب له في الكتاب
مادامت الدنيا لحد هذي الحياه وحالها

قبل المسعوي

لك البقا ياالشاعر الي عن لزومك ماتهاب
واهل المثل يقلون علم القوم في عقالها

ياناقل البندق ترا ميزان بندقك الصواب
وان سار شرهه شرهة البندق على نقالها

خضر البقيلي

ولا عليكم زود ياروساً تفكون الرقاب
ما للحمول الجايرات الا ضهور اجمالها

اهل العطايب جنبو بعد ارتفع سعر الزهاب
والبورده ماهي لعب يبغا لها يبغا لها

قبل المسعودي

ترا الصقور اصقور ماتدخل على عش الغراب
لو الغراب اقوا بصيره ماقدر يحتالها

بنت الهوا تخضبت بكفوفها زان الخضاب
تنحا لعاشقها وعاشقها بدا ينحا لها

خضر البقيلي

يلي تطالع في السما مانته بواصل للسحاب
ماكل من لد النضر في حاجتاً ياصل لها

بنت الهوا تبغا ولد توه يابو ماجد شباب
وام الكباير ماتحب اعيال غير اعيالها

قبل المسعودي

ذيب الغنم يسطا ويقطع سطوته ذيب الذياب
اليا التغفها في مصابحها وفي مقيالها

لو العرب تحسب حضور القوم وتحسب الغياب
مامدا الدلال الصفر يصقع صفرها فنجالها

خضر البقيلي

وش جبت ياذيب الجبل وش جبت ياذيب الشعاب
وانته بفالك والذياب الساريات ابفالها

يلي تلوي في الحبال يجيك حلال الصعاب
وكل عقده ياقبل يحلها حلالها

قبل المسعودي

الي يجيب العلم مابين العرب ودا وجاب
قالو هل الامثال من جا للعرب ودا لها

لو تجزي الكبد النضيفه عن طعام وعن شراب
اخير من قوتاً يجي بريال غير اريالها

خضر البقيلي

بكره تموت امن الضما يلي تطارد لك سراب
وان جيت ترضي عمها يزعل عليكم خالها

لا والله الا خاطري عنما تشوف العين طاب
والكيله الي ناقصه ترجع على كيالها

صح لسانك ياخضر وصح لسان شاعر الوطن

محاوره راقيه وشعراء عمالقه

تحياتي لكم

صح لسانك ياخضر وصح لسان الشاعر قبل المسعودي

محاورة قوية وشعراء كبار

الله .. الله

صحت الألسن وبيض الله وجيهكم


//

صحت الألسن يابو وافي