لمتذوقي فن المحاورة

محاورة بين الشاعرين محمد الهذلي(الشيهان) وعبدالرحمن الزيداني

الشيهان
يامرحبا والسوالف من بعيد وقريب
.................................. نبا هذيل اليمن والشام يوحونها

والصاحب إلي يجي مره ومره يغيب
..................................مدري وصل هقوته ولا قصر دونها

عبدا لرحمن
دام البقا كل ما ناديت واحد يجيب
................................والعادة الطيبة نمشي بقانونها

شاعر وفي كل ليلة تخترع لك صحيب
...............................غلطة وعدت علينا لا تعيدونها

الشيهان
الذيب يقنب وجر عواه جوف الشعيب
.............................والبدو سمعت عواه ولدت عيونها

قال المثل من يودي يابن عمي يجيب

................................والي قرها عرف ياذيب مضمونها

عبدا لرحمن
ما هي غريبة لو نسمع فالجبل صوت ذيب

...............................يازين صوت الذياب إلي يقولونها

يالله دخيلك من الفتنه وقطع النصيب

................................الناس معروف صاحيها ومجنونها

الشيهان
يالي تقول إن صوت الذيب ما هو غريب

..............................عن الذياب انشد رجالا يعرفونها

لو إن كل الجروح إلها علاج وطبيب

.............................ما كان يبقى جروح الناس يشكونها

عبدا لرحمن
منته محصل بعدها سمن ولا حليب

..............................الله ما ابعد علوم انتم تمنونها

انته فقلب زعل ولا فراسك دبيب
.............................ما تحرق الجمرة إلا راس غليونها

الشيهان
ما فالحقيقة ليا من جات شك وريب
............................ياهل اللحون الجديدة لاتغنونها

حاربتني والبلا ما كنت أعدك حريب
..........................بدت لي علومكم يالي تدسونها

عبدا لرحمن
انكان تبغونها حشمه ومذهب غريب
........................اليا بنيت البناية لا تهدونها

أنا اعرف إن الغضب باين فوجه الغضيب
........................وأم الكباير دواها علة عيونها

الشيهان
إن عودت للمذاهب يمكن انك تشيب
...................... تشيب ابك العلوم إلي تسونها

ياعنك ما كل من سنه ضحك لك حبيب
......................يمكن تعاديك ناسٍ تضحك سنونها

عبد الرحمن
أنا اعرف إن اليهود إلي عليها الصليب

.......................تحسب إن الغنيمة راس شارونها

نويت تعمل خير والله رقيب

........................ وكل قاله هل المعروف يوفونها

،،،،،،،،،،،،،،،،،،،،،،،،،
أمل ان تحوز على رضى متذوقي المحاورة

انا اشهد انكم من اقوى شعراء هــــــــــــــذيل ونطلب يالشيهان

المحاورات الجديده وشكراااا

محاورة قوية وشعار مافيكم حيله

اخوي هذيل عسكر البارود بيض الله وجهك وابشر بالسعد

اخوي ابو حمدان اشكرك على مرورك وتعليقك