رد اهل الشمال على قصيدة الشاعر رائد الحتيرشي

	يامـرسـل ٍ مــن عنـدنـاقـوم عـجــلان برسـالـة ً فيـهـا مــن الـحـب عـنـوان عنوانهـا ألاخـلاص لـو تقفـي ازمـان ماني بناسي كيف ابنسـى الاصاحيـب اللـي لـهـم فاالقـلـب مـنـزل وتـذكـار اهـل الوفـاء والطـيـب شبـابـة الـنـار عز الخوي وللخوي ترخـص اعمـار واهل الوفاء والطيب نجزاء لها طيب ممـشـاك فــج الـنـور مافـيـه تـأخـيـر وادعس على بنصه وتقفى المشاويـر خطك مع الساحل وفي حروة عصير وانتـه بـدار اهـل الكـرم والمواجيـب اربــع مــدن قـدمـك ولاهــي بـعـيـده ينبـع مـع املـج وامسـك الخـط سـيـده والوجـه قدمـك مـع ضبـاء لا تحـيـده حتـى تجـي فـي طلعـة ام المناصيـب منـهـا تـسـيـد لـيــن تـاتــي للتفـتـيـش واليا انشدوك تقول حنـا هـل الجيـش والخيل واهل الشعر يا جعلـك تعيـش اهـل اللغـه منـا نشـأ فــارس واديــب ومن عندهم تدخـل علـى ديـرة البـرد دار الشمـال اللـي بهـا ريحـة الــورد تلقـى بهـا نــاسٍ مصـاديـر مــع ورد يا زينها مـن دار تجمـع علـى الطيـب وهناك تنشد عن هلا الجيـش والخيـل واهــل العـلـوم الغانـمـه والمعـامـيـل هـم عسكـر البـارود يـا عـزوة هذيـل العـزوه اللـي فـي هقـاويـك متخـيـب وتلقـى لهـم جلسـه ومركـاز معمـور مركازهـم بـا العـز والطيـب مذكـور ما يلحقه فا الوقت شـك ٍ ولا قصـور فيـه الكـرم والطيـب كثـر التراحـيـب سلـم عليهـم وقـول مرسـول مرسـال خلـك فصيـح اللسـان مـع كـل رجـال واصحى تجيب علوم ما تنشـط البـال خلـك كمـا مـا كنـت انـا عندهـم ذيـب سلـم علـى لا حـق وشقـران وسعـود وفايز ومهـدي مـع عويـد هـل الجـود وابو مريزق مع فهد جنـب وعضـود وصالح وابو فيصل وكل الاصاحيـب ثــم ٍ تقـهـو وريـــح الـبــال وارتـــاح سولف عليهـم لا تجـي رجـل شحـاح واليا انشـدوك تقـول ذا الشـوق ذبـاح رايد يقوله صـدق مخطـاه و مصيـب

يا مرحبا باللي لفانا على خير
عجلان بلرسلة ولا فيه تأخـير
برسالة فيها من الود تعـــبير
=============== مرسول ضيف وجاء في حلة معازيب

حلة تكرم كل منهو يجــــــــــيها
تعرف وش اللي لها وش عليها
وتقدر اللي في البعد مانيســــيها
=============== ان جالها ولا يوصي المناديب

ارتاح يالمرسول قد طاح واجبك
دار الشمال اليا تونيت تعجبك
اغسل يمينك ثم دسم شواربك
================ و ليا نويت تعود هاك المكاتيب

اخذ النصيحة ولا تعود في دربك
اسمع كلامي وحط علمي في جنبك
مر المدينة وصلي فرضك لربك
================= وسلم على محمد وصحبة بترتيب

وأحرم من الميقات بثياب انظاف
واليا وصلت البيت تسعى وتطاف
وحل الحرام ولا يجي منك اخلاف
================== واشرب رؤى من بئر خير المشاريب

ثم سم بسم الله وابليس مــــلعون
وارجع لرايد ودق بابه على هون
تلقاه في حروى أمانه ومامــــؤن
================= يرقب رسوله بالرساله وش يجيب

اقلط في بيته وعطه العلم كلـــه
تلقاه ولم لك من الكيف دلـــــــة
انا اعرفه راعي الكرم في محله
================= راعي كرم معروف من غير تجريب

اليا بدا في علم سده وكفــــــــى
واليا نقص مكيال زاده ووفــــى
وأن جاته الزلات بالنفس عفى
================ يرقى بنفسه في علو المراقيب

قله سلام من الشمال اكتمل لك
و سلامهم ياصلك في محـــلك
فردا و طبقا كلهم عـــــزوة لك
=============== لا تحسب وتكثر عليك التحاسب

مهدي ترا عنهم يرد التحية
له الكرم والجود والشاذلية
هذيل ربعي نارهم دوم حية
=============== تبدي في حزات اللوازم و لاتغيب

وختامها مرسولكم جاب قـــولك
وهذا رسالتنا تصل مع رســولك
واليا وصلت حنا تحرى وصولك
================= شاهد عليها عالم السر والغيب