ما أقول عاد أحلى جميع المعازيم؟؟ لكن عليها جسم ماهوب صاحي

السلام عليكم ورحمة الله وبركاته..........كل عام وأنتم بخير جميع

هذه القصيده شاركت بها في حفل تكريم فارس الصحراء



[poem=font="Arial,5,,normal,normal" bkcolor="" bkimage="" border="solid,1," type=1 line=0 align=center use=ex num="0,"]
سلام تسليم الخيال المراديم= لاصافحت كف الثرا والبراحي

لها ثلاث سنين ماعلها الديم= واسترسلت من عقب هوج الرياحي

على عفار مرتع للمجاهيم= ماصدقت علم المطر لين طاحي

سلام تسليم مهوب أي تسليم= مكملينه من جميع النواحي

ينساق سوق اللي تذب الخواريم= لاخايلت برق على الدار لاحي

ماردها شبك على دعمته سيم= ريح الندى فالأرض والصدر فاحي

قصيدتي عنقا خشوف من الريم= نجدية ماذيرت بالسلاحي

طربانة تختال فالحفل وتهيم= تلعب على تصفيقهم والصياحي

ماأقول عاد أحلى جميع المعازيم=لكن عليها جسم ماهوب صاحي

محشومة تهدى لناس محاشيم =للفارس اللي لبسوه الوشاحي

في حفل تكريمه للأمجاد تكريم= يكمل بها التاريخ قصة نجاحي

قصة هذيل أصل العرب والمقاديم= قبل أبرهه ينوي الحرم بإجتياحي

نارد على عدنان قبل براهييييم=ورد الضوامي للعدود القراحي

واليوم وقت الأمن سلم وتسليم= عقال ناس وطامنين صحاحي

يطمع بنا اللي مامعه زود تعليم=الجاهل اللي يحسب السد باحي

مايدري إنه من ورا زرقة الغيم= شمس تجلت مع طلوع الصباحي

والمرجله ماهيب مس المرازيم=ولاهيب تنكيس العقل والسباحي

المرجله فالدين والعمر تقويم= وزرق المنايا مثل زرق الرماحي

والصبر مايوخذ بطق الملاطيم= عباة حلم تضفي الإرتياحي

سماه من نزل تبارك وحاميم= صبر جميل.....الله يداو الجراحي

والناس فيها خير من دون تعميم=لكن حصاة رزاح عيت تزاحي

الله يكافينا البلا ياالمغانيم= في عصر بوش الإبن والإنفتاحي

هجمه على الإسلام حمله وتنظيم= جت سالفة مناحي من اللي تلاحي
هذا يتكلم باسم من يرفع الضيم=وهذا باسم تيار وهذا إصلاحي

قولو إنا نزود قوه وتصميم= والقافله تسير رغم النباحي

ومادام به نايف علي الملازيم=مايفرح وعينه تذوق المراحي

فالمحكمه ولا ديوان المظاليم=للشرع سيف وللعقيده كفاحي

وحنا كذا راع السفر واللي مقيم= حي على الصلاه على الفلاحي[/poem]

ابداع يابن حجي

الله يعطيك العافيه

كل بيت احلى من الثاني

ومن زمان ننتظر ابداع المبدعين شرواك

وكل عام وابناء هذيل بألف عام

السلام عليكم ورحمة الله وبركاته

صح لسانك يابندر وماشاء الله تبارك الله استرسال جميل ونفس طويل .


قصيدة جميلة وأبيات كثيرة تستاهل التوقف .

لفت نظري بيت...واليـوم وقـت الأمـن سـلـم وتسلـيـم=
عـقـال نــاس وطامنـيـن صـحـاحـي

هي وجهة نظر اخي بندر...قولك طامنين من الطمان..وليست من الأطمئنان...والطمان كلمة غير لائقه بمدح ربعك وخصوصا أن بعدها كلمة صحاحي والصحاح مسمى للأرض..والطامن الشي المختفي أو الهابط...وكأنك تقول مختفين فالأرض...


صح لسانك يابندر مرة أخرى ولاهنت.


تحية طيبة

صح لسانك وعلا شانك
سمعت القصيدة منك في حفل فارس الصحراء
قصيدة حملت في طياتها العديد من الصور الجميلة

صح لسانك
قصيده رائعة ماتجي إلا من شاعر مثلك ..

الأخ العزيز........... ابن عادي

شرواك الطيب طال عمرك وشهادتك وسام ولا خلا ولا عدم

الأخ أبو معتوق ........................................

مرورك غيم وأنت شاعر جميل والنقاش مع اللي مثلك بزيد ما ينقص.....

لكن بالنسبه للكلمتين اللي أوردتها فالعتب على اللهجه ولاتتحمل أنت أي مسؤوليه فكلمة الصحاح هي بكسر الصاد أوسكونها وليس بفتحها لأنها إذا فتحت تصبح مفرد صحصح وهي مثل ما تفضلت طمان الأرض لكن حنا نقول رجال صحيح يعني طيب القلب مثلك وطامنين يعني متواضعين وهي مستدركه بالبيت اللي بعدها مباشره ..على كل حال هي كلمتين دارجه عندناوالله لايهينك.....

أخوي ابو حمدان....................... صح بدنك

تقول القصيده حملت في طياتها العديد من الصور الجميله..
وانا أقول إشادتك حملت في طياتها الكثير من الفخر لي

الأخ المطرفي الهذلي.............

هذا من ذوقك وطيب أصلك............. لاهنت

بيض الله وجهك يابندر يشهد الله أنك فحل في النظم لاتحرمنا من جديدك واللي في الأرشيف مانعافه فهو درر .

تحيااااااااااتي .

قصيده روعه تستحق الشكر عليها شاعر مافيك حيله ............ووووووووتقبل مرووووري

صح لسانك يا بندر

قصيدة ممتازة

كل عام وأنت بخير

صور شعريه رائعه

صح لسانك اخي بندر الحجي

وعليكم السلام ورحمه الله وبركاته ...

مشكور على هذه القصيده الجميـله ...

لآهنت أخي الغالي ..

أتمنى من كل قلبي أن تتحفنا بمشاركاتكـ القادمه وأن يكون مجلس هذيل
هو منبركـ الحقيقي وديوانكـ في حفظ قصائدكـ وإنتشارهـآ إلى كل هذلي من الظلم أن يكون شاعر بحجمكـ ويكون له من المشاركات في بيته الثاني مجلس هذيل 14 مشاركـه ..

راقت لي قصيدتكـ كثيرآآآآ ..

تحيــــــــــــــآآآآتي ...

الأخ العزيز..... مطرفي الدلم

وجهك ابيض يالغالي وكلماتك درر .