تبكيك يا فيصل جموووع وطوابير = ويبكيك بيت الشعر يابن الرياحي

[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
من بعد ما جانا الخبر تالي اعصير
وقفت مذهل بين غافـل وصاحـي
ماني مصدق مات شيـخ المناعيـر
فيصل سليل امخضبيـن الرماحـي
لكن حكمة رازق الـداب والطيـر
حالة وراحت بـه وأيـآآ مراحـي
مرواح ما بعده مجيين على خيـر
للاخـره دار التقـآ والصلاحـي
ويالله يـا والـي جميـع التدابيـر
جنبه عن نـارك وخلـه يزاحـي
ورزقه دار اللي على نهجك ايسير
الجنه اللي منهـا العطـر فاحـي
ويالله عسا غر المـزون المزابيـر
ترزم وتمطر فوق قبـر الرياحـي
وتنبت على جاله ورود ونواويـر
ويخضرذ قبره من جميع النواحـي
الشاعر اللي قاد جمـع الشواعيـر
انا اشهد انه من طيـور الفلاحـي
شاعر واديب ولا هرج هرجته غير
فيها دماثة خلق وايضـا مزاحـي
لكن وقت الموت ما فيـه تاخيـر
ومالي يكود ادعي ياجعله يباحـي
مرحوم يا فيصل بعيـد المشاويـر
والناس لجلك بين باكـي وناحـي
تبكيك يا فيصل جمـوع وطوابيـر
وبيت الشعر يبكيك يابن الرياحـي
انت الوحيد اللي ورد جمة البيـر
حتى عرف طعم الزلال القراحـي
وارويت عطشان الكبوود المقاهير
وعلمتها معنى الشعـر والكفاحـي
وختامه قولـووا معـي يالمناعيـر
عساه فالفردوووس دار الصلاحي[/poem]



رحمك الله ياامير الشعر والشعراء ياعز البقوم