ولافيه موت بلا سبب واقر يا قاري ،، محمد المسعودي ومستور العصيمي - ::{ مجالس قبيلة هذيل }:: موقع يهتم بتراث القبيلة ومفاخرها

01-28-2009, 09:24 PM

السلام عليكم ورحمة الله وبركاته

جمعت هذه المحاورة الشاعرين العملاقين محمد المسعودي ومستور العصيمي وقد تميزت كعادة محاوراتهما بالقوة والروعة وفيها يدعو الشاعر مستور العصيمي زميله محمد المسعودي لينضم (( للحزب))؛؛
؛؛
مستور العصيمي:
سلامـي عليكـم عـد مايكتـب الكـتّـاب
تحيه على سبل العرب واقـر ياقـاري
وانا لي صحيب لو تحزم برمح ذياب
قرب منه مكتوبه قرب واقـر ياقـاري

محمد المسعودي:
هلا مرحبا ترحيب مني عدد وحسـاب
ورى القوم يا كثر الطلب واقر ياقاري
تغيب النجوم وبـادي المرقبـه ماغـاب
ولافيه موت بلا سبب واقـر يـا قـاري

مستور:
والا يــا محـمـد خلـنـا كـلـنـا مـــع بـــاب
ونلقـى صناديـق الذهـب واقـر يـا قــاري
نحد السيـوف البيـض ماجالهـا مضـراب
وسرحان في راس الحدب واسر ياساري

محمد:
انا مع رجال الطيب ماابغثر المشراب
يقولـه لسـانٍ ماكـذب واقــر يـاقـاري
احد ناقل الخنجر واحد ناقل المشعاب
على القدر نـار تلتهـب واقـر ياقـاري

مستور:
تواعد بعلم السـوء والله شديـد عقـاب
وخليتنـا نــار وحـطـب واقــر يـاقـاري
ليا لمضت يا صاحبي جرحهـا ماطـاب
محد يضحك الا من عجب واقر ياقاري

محمد:
تقولـه وفـي دربـك تلـوى ســواة الــداب
يبالك حساب ومحتسـب واسـر ياسـاري
سنيـن مضـت قطعـت البيـت والآطـنـاب
وسرتوا عرب ضد العرب واسر ياساري

مستور:
وزيــر المـعـارف عــارف منـهـج الـطـلاب
ولا يلحـق الجاهـل عتـب واسـر يـاسـاري
والا ياولد خمس وعشر ليش راسك شاب
ترى الشيب من كثر النشب واسر ياساري

محمد:
تغلّـب علـى هـذا الدهـر والدهـر غــلاب
سحبكم زمانك وانسحب واسر ياساري
والا ياكثر مااشوف في مادح الآصحاب
يجنب ولو جاته شبـب واسـر ياسـاري

؛؛
منسوخ من / منتديات عذب القصيد الأدبية
؛؛
دمتم بود

01-28-2009, 10:03 PM


	محمد: انا مع رجال الطيب ماابغثر المشراب يقولـه لسـانٍ ماكـذب واقــر يـاقـاري احد ناقل الخنجر واحد ناقل المشعاب على القدر نـار تلتهـب واقـر ياقـاري

صح لسان دكتور المعنى شاعرنا الكبير محمد المسعودي

محاورة في غاية الروعة بين شاعران عملاقان محمد المسعودي الهذلي ومستور العصيمي 00

{ وهنا لعلي أجدها فرصة لأشيد بالمبدع والمتألق السامي : سامي السويهري الذي يدير بحنكة وتألق منتديات عذب القصيد الأدبية 000

شكراً لك يابو محسن على إطلالتك معنا في منتداك ومنتدى الجميع منتدى قبايل هذيل وهذا ليس بمستغرب عليك 00

01-29-2009, 10:13 AM

يا سلاام ياسلام

تسلم يالسامي

امتعتنا بهذه المحاورة الرائعه

01-29-2009, 11:00 AM

مستور:
وزيــر المـعـارف عــارف منـهـج الـطـلاب
ولا يلحـق الجاهـل عتـب واسـر يـاسـاري

محمد:
تغلّـب علـى هـذا الدهـر والدهـر غــلاب
سحبكم زمانك وانسحب واسر ياساري

محاورة رائعة شكرا سامي

01-29-2009, 04:23 PM

والا ياكثر مااشوف في مادح الآصحاب *** يجنب ولو جاته شبـب واسـر ياسـاري

الله الله محاورة قوية فتل ونقض ولكن دكتور المعنى للعصيمي بالمرصاد .

تحيااااتي .

01-29-2009, 04:48 PM

صح لسان دكتوووور المعنى

والف شكر اخي على النقل الرائع

01-30-2009, 07:07 PM

لكم جميعاً كل الحب والتقدير

؛؛
؛؛
دمتم بود