بنيت من حبك عماره......

قصيده من انتاج وتوزيع اخوكم هذلي والفخر لي

اتمنى ان تنال اعجابكم


[poem=font="Arial,4,,bold,normal" bkcolor="" bkimage="" border="none,1," type=2 line=1 align=center use=ex num="0,"]

بنيت من حبك عماره بدورين=وامسيت ساكن فوق سطح العماره
واسكنتها عشره فقارا مساكين=لقيتهم يبكون في وسط حاره
ياكبر فضلك فوق ناس كثيرين=ربك رزقهم يوم كانو فقارى
حبك شهدله ياحبيبي ملايين=يقلون حب مو كذيا خساره
حبك جرى كالدم وسط الشرايين=يابخت قلب صار حبك دياره
وامسيت وحدك داخل القلب والعين=تقول ظابط مير ماسك خفاره
حاصل على رتبة عميد المزايين=ومرشح لمنصب وكيل الوزاره
وزارة اهل الزين زين ورى زين=حلا غلا طيب وجمال وإثاره
امسى كثير الناس منك مجانين=شكل الحلا غيرت حتى مساره
ناس تجي من هين وتروح من هين=لا وارتفع عند الكثير الحراره
اباسألك درب الحلا صار من وين=مو بس انا حيران غيري حيارى
ياسيد الحب وأمير المحبين=يامالك اسلوب الحلا والنضاره
انت الذي يازين في ظرف يومين=شنيت فوق القلب عشرين غاره
قلبي قسمته يابيض الوجه نصين=شوفه ترى ناوي يرد اعتباره
المشكله قلبي نسى قصة الدين=اللي عليه من هذيك الزياره[/poem]