نقض وفتل (سمعت الخبر وازريت اكذب مناديبه)

[سالم السعيدي]

هذه المحاوره جمعت بين شاعرنا الواعد عبدالله السعيدي الهذلي
وشاعر ثبيتي


ايلكم المحاوره


الثبيتي
سلامي سلام دوب قرت هناديبه=نشق الصفوف ونعلنه للعرب بادي


سمعت الخبر وازريت اكذب مناديبه=وهالحين معلن بالقناوات والرادي


عبدالله السعيدي

هلا مرحبا واللي معه علم يبديبه = يالاد الثبيتي يارياجيل الامجادي

منير المسمى ياخذ العلم ويجيبه = يـعلـم بـعلمه لـو مـاجـاه نـشـادي


الثبيتي

يدوم البقا باللي جميله تراحيبه=رجال الوفا والوزعه وتعرف القادي


مقدرك ودور عن العلم تجنيبه=لكنك على درب الهبابيط متحادي


عبدالله السعيدي

تـراني مـاحب النم والـذم والغيـبه = تراها كما الفيروس في سود الاكبادي

أنا ماتحادى قاطر الدرب وسريبه = تراى مالنا مصلوح في حذف الاجوادي


الثبيتي


من اول معك سيف صقيل تماريبه=مدام انثلم حطه ورا البيت من غادي


كرهنا الخوي مدام بانت عذاريبه=وانا مااقرب اهل الكير وثيابي جدادي



عبدالله السعيدي

ترى سيفنا فالقوم بـانت مضـاريبه = لا كنك ماتفهم تحسب الوضع عادي

عينت العميل اللي تكفت محاليبه = درو عــنه كــل هذيل ولاد عــبادي


الثبيتي

ولا يالسعيدي تخطي العلم وتصيبه= تصدق تكذب والهوا حر وبرادي


سهوم المنايا تطرح الورع والشيبه=وانا عندي المستنكره عندكم عادي


عبدالله السعيدي

عينت البعـير اللي تلـوت عراقيـبه = حدته المنايا حد والوقت حدادي

هذا ليه ماستنكرت هذي من الريبه = ماتنضف ولو اترش بالورد والكادي

الثبيتي

بعيد النظر مايقدر يعاين جنيبه=ولاضيق فاللي للعصا جنبه ربادي


ولا يالعواني مانبا نفتش العيبه=ولاتحضر اسنادك ولابحضر اسنادي

عبدالله السعيدي

مصيبه علامكم يحددانا مصيبه = ابا انشدك كيف الهيل في وجوف برادي

على الله توكل وذهن اللي تغنيبه = وهذي مزوح تروح من عهدالاجدادي


وسلامتكم جميع