هذا مادار بيني وبين عماد في الديوانية!!

السلام عليكم ورحمة الله وبركاته:
دارت بيني وبين شاعرنا الكبير وشاعر المليار / عماد العبيدي
مساجلة شعرية في ديوانية الشيخ أبو حمدان وحتى نعطي لقسم الشعر الشعبي حقه ونظراً لأن الديوانية أسست أصلا من أجل
دعم جميع أقسام المنتدى فلذلك أحببت أن أنقل لكم المساجلة التي دارت بيني وبين شاعرنا المبدع عماد العبيدي :


يقول عماد العبيدي :

[poem=font="arial,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
قولوا لبـو حمـدان لـن كـان زريـان=ماعندنـا لــه غـيـر (مـعـدال ســده)
يعـد وأنـآ أسـد ،،مـن بــال نشـطـان = يقــول مايـرضـيـة واحـنــا نــمــده
الطيب يا أهل الطيب ماجزاه نكران=والطيب...(أبو حمـدان) مـده وعـده
مـاقـلـتــهــا والله زورٍ وبــهـــتـــان=ولالـــي فـمـاقـال المخـالـيـق لــــده
البيـت مايبنـي علـى غـيـر سيـسـان=يـاســاس مـابـاحـت ليـالـيـة ســــده
أنــا أشـهـد أنــك شيخـنـا ياكـحـلان=مـع كــل طـالـة لــك مغـيـرٍ وهــده
راعي وفا،،من غيـر زودٍ ونقصـان=وجـــدر الـوفــا مابـيـنـنـا مـانـهــده
أقولـهـا فــي كــل مـاقـف ومـيــدان=الطيب لا أهـل الطيـب ماهـو مكـده
يـادعـد يـادعـد الكريـمـة بـعــد زان=لـي ماقـفٍ ...مـانـي مــدور مــرده
أنتم هل الطـالات فـي كـل الأزمـان=يامحتـمـيـن الـعــز جـــزرة ومـــده
تاريخكم يشدوا بـه الوقـت (ديـوان)=وأفعـالـكـم مـــن بـاسـكـم مسـتـمـده
شم الأنوف اللـي لهـم رفعـة الشـان=إلـيـا أعـتـزا كـلــن بـخـالـه وجـــده
أهل السيـوف مرجحـة كـل ميـزان=ماتختـلـف... فــي لـيـن وإلا فـشـدة
المـجـد لــه مـنـزال بـيـن وعـنـوان=فـي حـد دعـد ولانـزل غـيـر حــده
قبيـلـةٍ مـــن فعـلـهـا الـعــز ريـــان=والـجـود منـهـا مـاتـضـده مـاضــده
هـذي شهـادة حـق والـحـق بـرهـان=وبـاب الوفـا مانـي مـن اللـي يــرده
للـطـيـب دار ولـلاجـاويـد عـنــوان=وللـعـز درب ولـلـكـرم كـــل مـــده
وقولوا لبو حمدان لـن كـان زريـان=والله مــافـ\ القـلـب غـيــر الـمــوده[/poem]


وهذا ردي عليه أقول :

[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="0,"]
حي الجواب الي كما النور لي بان = حيه وحيا اللي بدابه وعده
رحبت به رحب المسايل بالأمزان = بعد السنا والدهر جاها مرده
ساعة لفاني صرت يالربع طربان = عفت المراح وعفت نوم المخده
قمت أشحذ الهاجوس والفكر ولهان = وهجوس شعري حاضرة مستعده
الصاحب اللي ثوّر الفكر بركان = وحرّك معاليق الضماير بشدّه
عماد رجلاً حرمن نسل شيهان = نسل العبيدي متعبين الأشده
أهل الشجاعة مخزية كل شيطان = رجالهم في اقصى المعالي مهده
تاريخها واضح وبين للأعيان = ماينكره غير الضعيف المصده
أهل السيوف معلقة حر الأكوان = عدوها ذاق الردى والمكده
وإن ثارت الفتنة وفي الجو دخان = عدوهم في الحزم مدعوس خده
وأهل الكرم والجود من نسل عدنان = طيّب نباهم في السنين المشده
واهل الوفا والطيب ذربين الأيمان = عون الرفيق وضد من هو يضده
وياهاجسي واصل طريقك بسفطان = واقطع بها ياهاجسي بحر جده
واليا وصلت القاهرة ياسميحان = وصل جوابي للسنافي ووده
عماد يانجم (ن) تعلى بالأكوان = في المعرفة والطيب مافيه قده
مديت معدال الوفا وأنت فرحان = واللي تمده يالسنافي نمده
راعي الوفا يلقى وفا عند الأخوان= واللي يجيب الوافيه مانصده
ومن سد فاللازم مكرم ولاهان = واجب علينا في اللوازم نسده
واختامها والله ماني بزعلان = وش لون نزعل من صديق(ن) نوده[/poem]


وعلمي وسلامتكم

يا سلام يا سلام

والله والنعم فيكم يا فطاحلة الشعر

وصحت ألسنتكم

وعليكم السلام ورحمة الله وبركاته

الله ........الله ..........الله

كبار ياعصابة راسي .......والله لايجيب الزعل إن شاء الله

الله الله
صحت السنتكم يافطاحلة الشعر,,


لاهنتو جميع وعماد مغير يتصنع اي شي عشان يكتب يعجبني ,,هههههه






قولوا لبو حمـدان لـن كـان زريـان
ماعندنـا لـه غـيـر (مـعـدال ســده)
يعد وأنـآ أسـد ،،مـن بـال نشطـان
يـقـول مايـرضـيـة واحـنــا نـمــده

,,,,,,,
مديـت معـدال الوفـا وأنــت فـرحـان
والـلــي تــمــده يالـسـنـافـي نــمــده
راعي الوفا يلقى وفـا عنـد الأخـوان
والـلـي يـجـيـب الـوافـيـه مـانـصـده

,,,,,,

لاهنتوو الله جميع,,

دمتم بووود ,,,

الإثنين رائعين
البدع والرد في غاية الجمال

وهذا التواصل مطلوب
الله يجمعكم على الخير دائماً

.

وعليكم السلام ورحمة الله وبركاته


صحيتوا جميع يابو حمدان

وكلكم عينان في رأس

ونعم فيكم وفي قبايلكم اللي هي قبايلنا بلا شك

والله يبارك فيكم جميع

صح لسان ابو معتوق


وصح لسانك يابو حمدان


كلام يثلج الصدور

الله يبيض وجيهكم

والله ونعم بالشاعرين ، ياعصابة راسي ، مبدعين والله.

صحت الألسن

شعار كبار ومبدعين

والله لا يجيب زعل

طيب هالحين فيه محكمة والا اش السالفة

والنعم بالشاعرين صحت السنتكم


ابدعتم

الله الله الله


صح لسانك يا ابو معتوق



وصح لسانك يا ابو حمدان



كفو والله


شعار كبار يشهد الله


اعجبتني القصيدتين وروح الموده اللي فيها



بيض الله وجيهكم

أبو حمدان صح لسانك

وصح لسان عماد

سجلو أعجابي

دمتك على الصداقه والوفاء

يادعـد يـادعـد الكريـمـة بـعـد زان
لـي ماقـفٍ ...مـانـي مــدور مــرده
أنتم هل الطـالات فـي كـل الأزمـان
يامحتمـيـن الـعــز جـــزرة ومـــده


عمـاد رجـلاً حـرمـن نـسـل شيـهـان
نـسـل العـبـيـدي متعـبـيـن الأشـــده
أهـل الشجاعـة مخزيـة كـل شيـطـان
رجالهـم فـي اقصـى المعـالـي مـهـده


ياسلامي على الأبداع

عزالله ونعم بكم ياعيال عمي

السلام عليكم ورحمة الله وبركاته


ماعليكم زود جميعاا،،الله يبيض وجيهكم

وصح لسانك يابو حمدان وبيض الله وجهك وافي،،،كالعادة

وأنا يعلم الله ما أرسلتها لك إلا من باب معزتك ،،وادري مثلك مايزعل على واحد من ابنائه،،،دائما نجتمع على الصفاء كأبناء عمومة.


تحية طيبة

اللــه اللــه ...

جــزالــه وغزاره في الشعـر ...

صح لســآنكـ عمـــآد

ابو حمــدان البال طربان منك صح لســآنكـ ...