قصيدة جميلة لعبدالواحد الزهراني

ليـلـة وداع التاسـعـة والثلاثـيـن
طبل ومزاميـر ونواقيـس واجـراس
عمر(ن) نهب بيسار مااعطـاك بيميـن
لايحـرم الضامـي ولايملـي الكـاس
سجيـن ويـن آنـا وحريتـي ويـن
وآشوف وضع الناس وآقـول لابـاس
الناس فـي الدنيـا مجـرد مساجيـن
الدهر عيّنهـم علـى بعـض حـراس
كم يفسـد الزيتـون مايصلـح التيـن
وكم شجرة(ن) يصنع من اغضانها فاس
صبح الثلاثاء ينتهـي عـرس الاثنيـن
ياكم وكـم روس(ن) بالاقـدام تنـداس
تأخذ رحاة الوقت مـن حيـن لاحيـن
وقفة دقيقـة تلتقـط فيهـا الانفـاس
تعبـث ملائكـة الرضـا بالشياطـيـن
وتقضي الطمانينة على كـل وسـواس
وآقوم اسوي لي مـن الشعـر بيتيـن
وافرد لها من فهرس الـروح قرطـاس
آضمّـد بحرفـي جـروح المحـازيـن
واقفل قلق وافتح بها بـاب هوجـاس
تغنيك عن بعض السيـوف السكاكيـن
وتغنيك عن بعض السكاكين الأمـواس
الا فلـو فجّـرت شـعـري براكـيـن
ما اترك جبل واحد يوقّف على سـاس
اوقف بعض الاحيان مكتـوف الايديـن
واغبط واهنّـي كـل متبلّـد احسـاس
واسمع من اصحابي على الرأس والعين
واخطر بقاع العالـم العيـن والـراس
ياكم فقيـر(ن) فـي رصيـده ملاييـن
وآنا غني وآنا علـى وشـك الافـلاس
زيـف الحقايـق واختـلاف الموازيـن
خلاني اغضب واضرب اخماس باسداس
آنـا ادري ان الله خلقنـي مـن الطيـن
لكن بعـض الطيـن ياقـوت والمـاس
لـو كنـت لاقـي للحقايـق براهيـن
كان اخترعت لراحـة البـال مقيـاس
واللي موصلنـي لـذا الحـال ثنتيـن
كذبي على نفسي وصدقي مـع النـاس

الله الله الله عليك يا نواف انتقاء جميل لقصيده رائعه

يعطيك العافيه يا ولد العم

وصح الله لسان الشاعر

الله يعافيك ويخليك

السلام عليكم ورحمة الله وبركاته


الناس فـي الدنيـا مجـرد مساجيـن
الدهر عيّنهـم علـى بعـض حـراس

بأمانة الشاعر الكبير عبد الواحد الزهراني شاعر متمكن جدا ...ويعجبني أسلوبه وتطرقه للمواضيع العامة والسياسية بأسلوب راقي دون تجريح ...


شكرا لك أخي الغالي كبكبي قديم

إختيار موفق ورائع وجميل وقصيدة تحمل في طياتها
حكم وحقائق نعايشها
صح الله لسان الشاعر وشكراً لك أخي الكريم على النقل

.. يعطيك العافيه يا قديم .

.. قصيده رااااااااااائعه.