مجالسية ( سفينة مجالس هذيل ) - ::{ مجالس قبيلة هذيل }:: موقع يهتم بتراث القبيلة ومفاخرها

12-23-2008, 12:41 AM

أخواني في مجالس قبيلة هذيل العريقة
السلام عليكم ورحمة الله وبركاته
أهديكم هذه القصيدة المتواضعة وهي على لون ( المجالسي)
والتي عبرت فيها عن مدى حبي لكم جميعاً
هذه هديتي لكم بمناسبة العام الجديد
تقبلوها مني ويعلم الله أنكم تستاهلون أكثر
والمعذرة عن التقصير فالشعر لايوفيكم حقكم
لكم مني كل الحب والتقدير واترككم مع المجالسية :

[poem=font="arial,5,#8b0000,bold,normal" bkcolor="" bkimage="" border="none,1," type=3 line=0 align=center use=ex num="0,"]
سلام ياهل المنتدى ياهل الطيب =
ياهل الكرم والجود واهل المواجيب=
ياعزوة ترقى في روس المراقيب=
ربعي هذيل اللي لها في العرب شان=
==============================
البارحة في النوم جتني هواجيس =
وشفت في نومي حلوم وكوابيس =
وإني مع رجال(ن) حرار وقرانيس=
من خيرة العربان ذربين الأيمان=
==============================
واشوف وإني في دجا ظلمة الليل =
خايف ومستوحش وتعبان بالحيل=
ماعاد لي في المشي والحط والشيل=
قصرت خطى رجلي وأنا أمسيت تعبان=
==============================
وأمسيت في شط البحور الغزيرة=
غريب وحدي وسط ذيك الجزيرة=
ماغير صوت البحر نسمع زفيرة=
لابه ونيس ولاحوالي جيران=
==============================
دعيت ربي قلت ياالله رحماك=
أرحم غريباً في دجا الليل يدعاك=
يالواحد اللي كل خلقك ترجاك=
تجلب لنا في غبة البحر صدقان=
==============================
ولادريت إلا بذيك السفينه=
تقبل عليه في هدوء وسكينه=
وقلت هذا الخير لي جايبينه=
يامرحبا جاك الفرج يابو حمدان=
==============================
ونادى علي من السفينة منادي=
قال لي يابوحمدان وين أنت غادي=
وقلت حاديني عن الناس حادي =
شهرين لي في غبة البحر غرقان=
==============================

قال لي تعال بسرعة(ن) لاتوانا=
جاك الفرج تعال واركب معانا=
عجّل ترى مانته بلاقي سوانا=
كل السفن راحت تدوّرلشطئآن=

==============================
قلت السعد فالك ياراعي الجمايل=
أنااشهد إنك من عيال الحمايل=
وإنك اصيل ومن رجالاً اصايل=
كسابة الأمداح حضراً وبدوان=
==============================
وساعة وصلته والله إني عرفته=
ياطيب ذاك الرجل من يوم شفته=
مديت كفي له وقمت وشكرته=
قال لي تريح وابشر بخير وإحسان=
==============================
قلت الله يبشرك بالخير والسعد=
ياراعي المعروف ياصادق الوعد=
معروفكم ماعاد يحصى وينعد=
الله يجازيكم برحمة وغفران=
==============================
تدرون من هو صاحبي ياهل الكور=
هذاك أبو بسام بالخير مذكور =
بالطيب والنخوة والإحسان مشهور=
سامي ولد غالي سلايل كحيلان=
==============================
فرحت به فرحة مثل يوم عيدي=
ياطيب هذاك الشجاع السعيدي=
ياالله طلبتك جعل عمره مديدي=
من يوم بان الخير في ساقته بان=
==============================
وقلت مين اللي معك يابن الأجواد=
قال لي معي قوم الفخر واهل الأمجاد=
هذيل معروفه عريبين الأجداد=
اللي لهم في قمة المجد بنيان=
==============================

هذيل قوم العز وأهل الكرامة =
درع الحجاز أهل الوفا والشهامه=
هم عسكر البارود قوم الزعامه=
يوم إن للبارود ثورة ودخان=
==============================
قلت الله الله ياهذيل العريبه=
عزك كبير وكل شخصاً دري به=
واللي خرج من عصمتك وش نبي به=
عز الله إنه فاقد العقل خسران=
==============================
خلّه يروح بعلته ويتردّى =
مادامت إنه عن حدودك تعدّى=
وعن عزك المعروف كابر وصدّى=
غلطان ياخارج عن هذيل غلطااان=
==============================
ولديت وليا أن السفينة بها ناس =
رجال من شتى القبايل والأجناس=
لكن عرفت اصحاب والعرق دساس=
ناساً لها في داخل القلب عنوان=
==============================
ربعاً لهم في داخل القلب مقدار=
رجال عرف وعلم ورجال شعّار=
منهم أبو ثامر لهم رمز وشعار =
سلطان في وقت اللوازيم سلطان=
==============================
ومنهم أبو خالد كريم السبالي =
الفارس المغوار زين الرجالي=
السالمي راعي العلوم الجزالي =
مثل القمر ساعة تعلّى بالأكوان=
==============================
وعادل فتى الهذلان راعي الجزاله=
يكره علوم المهزلة والخباله=
لو أمدحه ماني موفي خصاله=
لو كان أسوي لي ( 100 ) ألف ديوان=

==============================

وخالد عطيان الكريم السياسي=
هذا هذلي والفخذ معروف ياسي=
له سمعةََ تشبه للولو وماسي=
وأبوه ممدوح الخصايل عطيان=
==============================
وفواز شاعر ند ماعاد يعتاز=
شاعر وفي كل المهمات يمتاز=
وقت الله الله قلت فواز فواز=
حطه على يمناك في كل ميدان=
==============================
ومنهم الشاعر عماد العبيدي=
شاعر على الشعار دايم يزيدي=
يقدم على الجزلة وعزمه حديدي=
وراعي العلوم اللي جزيلات وسمان=
==============================
ومنهم ابن قاسي على الضد قاسي=
الخالدي مثل الجبال الرواسي=
عقل ورزانه فالمهمات راسي=
ربعي بني خالد عمى كل شيطان=
==============================
وإن جيت أباذكر سيرة أبو المثلم=
هذاك سيفاً للأعادي مولّم=
نخوض معه المعركة ونتعلّم=
عنده فنون الشعر اشكال والوان=
==============================
وابن سليّم راعي الجود رايد=
راعي العلوم الطيبه والعوايد=
خصمه يذل ولايقفّي بزايد=
حتارشه من خيرة القوم شجعان=
==============================
ومشعل كما مشعل على الدرب ضاوي=
مشعل هذيل اللي على الخير ناوي=
يحميه ربي من صدوف البلاوي=
شاعر حكيم ولاعرفته إلى الآااان=
==============================
وإن كان جيت أباأختصر في عجاله=
وأقول شاعر مكتمل في جماله=
يطري علي الشاعر أبو محاله=
شاعر وابن شاعر محنك وفنااان=
===============================
ويطري على بالي الشجاع المحارب=
الشاعر الراقي طويل الشوارب=
شاعر بني لحيان راعي التجارب=
لحيان ياللي ماتعرفون لحيااان=
===============================

وشاعر جديد وتونا شايفينه=
ماكننا إلا من زمن عارفينه=
شعره جزيل وكلنا سامعينه=
مدري من أية فخذ واسمه قميداان=
===============================

وحكيمنا الغالي على العين والراس=
أبو فهد أصله موثق على ساس =
هو شمعة الموقع وشمعة بني ياس=
إذا تكلم كل كلمه بميزان=
===============================
وابامتدح والمدح ماهوي بكافي=
المدح مايكفي لذيب الفيافي=
سلطان في كل الملمات وافي=
وأبوه مالك محتمي كل الأركان=
===============================
ولاني بناسي لطم عين الحريبي=
خالد ولد مخضر وفخذه ضبيبي=
من دعد يوم أن النهار الصعيبي=
يثنون راس الضد بالسيف شاماان=
===============================

وبسم الله الرحمن منكم ومني =
ابذكر السكني ولايمتحني=
أخاف يرسل لي من الجيش جني=
وانجن وآنا ماني بناقص جنان=
===============================
لكن سكني راعي علوماً ملاح=
حتى ولو في بعض الأحيان سفاح=
أنا اشهد أنه في دجى الليل مصباح=
مايمسي إلا بيت مافيه سكان=
===============================
وباقي الأعضاء عزيزين واصحاب=
ولاني بمحصيهم ولو عندي كتاب =
لكن قافي ياهل المعرفه شاب=
حيث إنهم واجد قبايل وعربااان=
===============================
لكن لهم في مهجة القلب منزال=
منازلاً والله عريضات وطوال =
بالصدق ماهي كلمة القيل والقال=
هذا كلام الصدق والصدق برهان=
===============================
هذي حكاية حلمي اللي جرالي=
في ليلة(ن) هي من خيار الليالي=
اللي اجمعتني مع كرام السبالي=
واصبحت متهني ورايق وفرحان=
===============================

واختامها صلوا على خير الأبرار=
شفيع الأمة يوم زوغات الأبصار=
نهار ماينفعك درهم ودينار =
إلا الذي قلبه معمّر بالإيمان=
===============================[/poem]

وسلامتكم ياالغالين

12-23-2008, 02:50 AM

سالم وغانم ياذيبان

وفيت وكفيت

واستمتعت بهذه الجزاله الرائعه يابو حمدان ..... يعطيك العافيه

12-23-2008, 05:01 AM

مشا الله تبارك الله

مدرسه يا بو حمدان ,,,

صح السانك ...لين ترضى وافي يابوحمدان

حقيقه اقف عاجز عن الكلام ...ما اقول الا ما شا الله تبارك الله,,

وتبي تعتزل يا بوحمدان؟

تراك مقروع,,

ستبقى استاذ الشعر ومدرسته يابو حمدان وستبقى لمجالس هذيل استاذ ومعلم

ابيض وجه يابو حمدان وان عاش راسي غير تاخذ بدله,,

دمت بووووود ,,,,

12-23-2008, 05:02 AM

وعليكم السلام ورحمة الله وبركاته

هلا والله مليون بالشاعر الغالي قدوتنا بالمجلس ...ونبراس الشعر .
لاهنت نص قوي مجالسي لشاعر متمكن ..

أخاف يزعل منك ناس كثير ماذكرتهم ..الله يسعدك ياشيخ .

معرفتك شرف ...وكلامك درر الله يعزك .

سالم السعيدي · 12-23-2008, 05:32 AM

ابو حمدان قصيده جزله من شاعر جزل

وبيض الله وجهك

12-23-2008, 09:02 AM

ما شاء الله تبارك الله

صح لسانك و علا شاااااااااااااانك

كبير يبو حمدان و الله كبير

و على قولة رائد الحتيرشي تراك مقرووووووووووووع من الإعتزال

ويطري علـى بالـي الشجـاع المحـارب
الشـاعـر الـراقــي طـويــل الـشــوارب
شاعـر بنـي لحـيـان راعــي التـجـارب
لـحـيـان يـالـلـي ماتـعـرفـون لـحـيـااان

أبيات من ذهب و سأحفظها في أغلى و أحب مكان لدي يبو حمدان فلك الشكر من كل قلبي يالغالي يالوافي .

شكرا لك و بيض الله وجهك و جزاك الله خير .

دمت بشعر و إبداع .

12-23-2008, 01:51 PM


	المشاركة الأصلية كتبت بواسطة بن عادي


	سالم وغانم ياذيبان وفيت وكفيت واستمتعت بهذه الجزاله الرائعه يابو حمدان ..... يعطيك العافيه

وانا سعدت بمرورك العطر عافاك الله وتسلم

12-23-2008, 01:53 PM


	المشاركة الأصلية كتبت بواسطة رايد الحتيرشي الهذلي


	مشا الله تبارك الله مدرسه يا بو حمدان ,,, صح السانك ...لين ترضى وافي يابوحمدان حقيقه اقف عاجز عن الكلام ...ما اقول الا ما شا الله تبارك الله,, وتبي تعتزل يا بوحمدان؟ تراك مقروع,, ستبقى استاذ الشعر ومدرسته يابو حمدان وستبقى لمجالس هذيل استاذ ومعلم ابيض وجه يابو حمدان وان عاش راسي غير تاخذ بدله,, دمت بووووود ,,,,

اشكرك أخوي الغالي وشاعرنا الهمام رايد الحتيرشي
وماعليكم زود طال عمرك ومنكم نتعلم وأنت كفو والله
مرورك اسعدني كثيرا

12-23-2008, 01:57 PM


	المشاركة الأصلية كتبت بواسطة مشعل الهذلي


	وعليكم السلام ورحمة الله وبركاته هلا والله مليون بالشاعر الغالي قدوتنا بالمجلس ...ونبراس الشعر . لاهنت نص قوي مجالسي لشاعر متمكن .. أخاف يزعل منك ناس كثير ماذكرتهم ..الله يسعدك ياشيخ . معرفتك شرف ...وكلامك درر الله يعزك .

أستاذي الغالي مشعل الهذلي
هلا والله وغلا نورت صفحتي بسنا نور وجهك
وأنت مدرسة نتعلم منها الجزالة والعلوم الغانمه
ولاأعتقد أن أحد سوف يزعل ويعلم الله أن جميع من في المنتدى
أحبة وأعزاء وقد قلت لهم في سياق المجالسي :

[poem=font="arial,5,#ff0000,bold,normal" bkcolor="" bkimage="" border="none,1," type=3 line=0 align=center use=ex num="0,"]
وباقي الأعضاء عزيزين واصحاب=
ولاني بمحصيهم ولو عندي كتاب =
لكن قافي ياهل المعرفه شاب=
حيث إنهم واجد قبايل وعربااان=
=======================
لكن لهم في مهجة القلب منزال=
منازلاً والله عريضات وطوال =
بالصدق ماهي كلمة القيل والقال=
هذا كلام الصدق والصدق برهان=[/poem]

تحياتي لك أخوي مشعل والف شكر على المرور والإطراء

12-23-2008, 01:59 PM


	المشاركة الأصلية كتبت بواسطة أنا من صليم


	ابو حمدان قصيده جزله من شاعر جزل وبيض الله وجهك

وجهك ابيض يابن العم والف شكر على المرور والإطراء

12-23-2008, 02:01 PM


	المشاركة الأصلية كتبت بواسطة المحااارب


	ما شاء الله تبارك الله صح لسانك و علا شاااااااااااااانك كبير يبو حمدان و الله كبير و على قولة رائد الحتيرشي تراك مقرووووووووووووع من الإعتزال ويطري علـى بالـي الشجـاع المحـارب الشـاعـر الـراقــي طـويــل الـشــوارب شاعـر بنـي لحـيـان راعــي التـجـارب لـحـيـان يـالـلـي ماتـعـرفـون لـحـيـااان أبيات من ذهب و سأحفظها في أغلى و أحب مكان لدي يبو حمدان فلك الشكر من كل قلبي يالغالي يالوافي . شكرا لك و بيض الله وجهك و جزاك الله خير . دمت بشعر و إبداع .

حياك الله أخوي المحارب
سعدت جداً بمرورك وإطراءك النابع من قلب طيب
ومعدن أصيل
فلك أنت الشكر على تشريفك صفحتي وشرف كبير لي
أن اراك هنا
الف الف شكر ولاعليك زود يابن العم

12-23-2008, 02:02 PM

تبى تتعب الي بعدك والله يابو حمدان ,ماشاء الله تبارك الله

بالرغم من طول الابيات الانها كانت سلسه جدا وفيها سبك لا يتقنه الا الكبار امثالك


	ستبقى استاذ الشعر ومدرسته يابو حمدان وستبقى لمجالس هذيل استاذ ومعلم

انا اشهد

والله يابو حمدان تستاااااااااااااااااهل الكسوه وقليل بعد في حقك

لك احترامي

12-23-2008, 02:08 PM


	المشاركة الأصلية كتبت بواسطة بن قاسي الهذلي


	تبى تتعب الي بعدك والله يابو حمدان ,ماشاء الله تبارك الله بالرغم من طول الابيات الانها كانت سلسه جدا وفيها سبك لا يتقنه الا الكبار امثالك انا اشهد والله يابو حمدان تستاااااااااااااااااهل الكسوه وقليل بعد في حقك لك احترامي

شرف كبير لي تواجد شخصية بمقامك يابن قاسي في متصفحي
وكلامك وسام شرف على صدري يشهد الله
ولاعليكم زود يابن العم وأنتم تستاهلون أكثر من ذلك ولو ألفت دواوين شعر ماوفيتكم حقكم
حفظكم الله لمحبكم أبو حمدان
والف الف شكر لك على المرور الذي يثلج الصدر والإطراء الذي لااستحق أكثره

12-23-2008, 02:09 PM

أشكر لك هذه المجالسية الرائعة ،
التي تتضوع مسكا فتيقا
ويعلم الله أن لكم في قلبي مكانا فسيحا
وتقديرا صريحا صحيحا أنتم أهل له وأكثر
وما ذلك لمصلحة من مصالح الدنيا فأنتم أعلى وأكبر،
ولكنكم تحملون بين جوانحكم نفسا أبية وأخلاقا نقية،
ومحبة لقبيلتكم وأبناء قبيلتكم ،
فلك خالص الثناء وصادق الدعاء ،،،

12-23-2008, 02:14 PM


	المشاركة الأصلية كتبت بواسطة الفارس حزين الطلعة


	أشكر لك هذه المجالسية الرائعة ، التي تتضوع مسكا فتيقا ويعلم الله أن لكم في قلبي مكانا فسيحا وتقديرا صريحا صحيحا أنتم أهل له وأكثر وما ذلك لمصلحة من مصالح الدنيا فأنتم أعلى وأكبر، ولكنكم تحملون بين جوانحكم نفسا أبية وأخلاقا نقية، ومحبة لقبيلتكم وأبناء قبيلتكم ، فلك خالص الثناء وصادق الدعاء ،،،

كلماتك في حد ذاتها قصيدة رائعة تحمل في طياتها كل فنون الإبداع
والتألق
ليس الشعر فقط هو كل كلام مقفى ومسجوع بل كل كلام يحمل معاني عظيمة وكلمات رنانة نابعة من أديب في مثل شخص الفارس أبو خالد تعتبر من أجود أنواع القصائد وأعذبها
اشكر لك من أعماق القلب هذا الشعور الطيب والف الف شكر على الكلام الجميل