الشايب جايب لكم نكت !!

هذي نكت جبتها لكم أعجبتني
قلت اضحكم فيها مثل ماأضحكتني أنا أرجو أن تنال إعجابكم
>>>>> استخف الشايب صار ينكت لكن عدوها عاد :

واحد عنده مشكلة في حرف الشين //كل ما يقول كلمة فيها حرف الشين يقعد حوالي ربع ساعة// مرة نوى يروح يبا يشتري شاورما // لكنه قعد يفكر وش يسوي // لانة لو راح المطعم ، ربع ساعة ما تسده حتى يقول شاورما و راعي المحل رايح يطفش منه// فكر في حل ، اول ما يركب التكسي يحاول يقول شـــاورما الين ما يوصل للمطعم بيكون عند نهايتها زبطت معه الهرجة //راح وهو يقول ششششششششششششششششششششششششش ششششششششششش // وصل المطعم واول ما فتح باب التاكسي //جاه الجرسون يقول له :أيس يبغى إنته ؟؟//
صاحبنا ما صدق قالها : واحد شاورما
لكن الجرسون ماسمع كويس قال :مافيه يسمع كويس أيس يبغى ؟ انا ما يسمع انت شو قول //من العصبية قال له : يلعن ابوك عطيني واحد فلافل .



سيدة أخذت زوجها للدكتور //فحصه الدكتور وقال لها : يا مدام زوجك حالته خطيرة يمكن يموت بعد 3 شهور الا اذا عملت اللي اقول لك عليه //فقالت له : بسرعة قول علشان يعيش!!//
فقال لها : لازم كل يوم الصباح تقعديه الساعة 6 وتاكليه فطور صحي والغدا والعشا نفس الشي ولا تزعجيه وحاولي كل يوم تطلعيه يشم هوا لمدة 6 ساعات واسمعي كلامه ..اهم شي الطباخ//
و بعد ماطلعوا من المستشفى سألها الزوج: ها وش قال الدكتور ؟؟!!//
فقالت له : بتموت بعد 3 شهور!!



(هذه قصة قصيرة )جحا ذات يوم كان يتسوق //فجاء رجل من الخلف وضربه كفا على خده// فالتفت إليه جحا وأراد أن يتعارك معه // ولكن الرجل اعتذر بشدة قائلا: إني آسف يا سيدي فقد ظننتك فلانا // فلم يقبل جحا هذا العذر وأصر على محاكمته // ولما علا الصياح بينهما اقترح الناس أن يذهبا إلى القاضي ليحكم بينهما ، فذهبا إلى القاضي ، وصادف أن ذلك القاضي يكون قريبا للجاني // ولما سمع القاضي القصة غمز لقريبه بعينه ( يعني لا تقلق فسأخلصك من هذه الورطة ) ثم أصدر القاضي حكمه بأن يدفع الرجل لجحا مبلغ 20 دينارا عقوبة على ضربه // فقال الرجل : ولكن يا سيدي القاضي ليس معي شيئا الآن //فقال القاضي وهو يغمز له أذهب واحضرها حالا وسينتظرك جحا عندي حتى تحضرها ، فذهب الرجل وجلس جحا في مجلس القاضي ينتظر غريمه يحضر المال // ولكن طال الإنتظار ومرت الساعات ولم يحضر الرجل //ففهم جحا الخدعة خصوصا أنه كان يبحث عن تفسيرا لإحدى الغمزات التي وجهها القاضي لغريمه//فماذا فعل جحا؟//قام وتوجه إلى القاضي وصفعه على خده صفعة طارت منها عمامته وقال له : إذا أحضر غريمي الـ20 دينارا فخذها لك حلالا طيبا ، وانصرف جحا .



هذي النكته عاد غير وهي قصة في نفس الوقت لكنها قصة بريطانية بلهجة بدوية وشخصياتها أسم الله عليهم اساميهم نصها بدوية ونصها بريطانية ، لكن على فكرة تروا محماس اللي في القصة ماهو محماس القهوجي حق ديوانية أبو حمدان مجرد تشابه أسماء :


كان فيه عجيز بريطانية واسمها أم جون تسكن في لندن وعندها قطيوه اسمها شقحاء
طبعاً هالقطيوه تسوى عيونها الثنتين المهم في يوم من الايام طول الله عمركم وترقى شقحاء
على الشجرة واظن الشجرة عوشزه المهم مالكم بالطويلة ويقدر الله عليها
وتنشب فوق الشجرة وتجي العجيز تبي تفزع ولا قدرت.. منا.. منا.. يابنت حاولي ..مااااااااش
الحالة مالها دواء ..وتقوم العجيز تبتسي وتقعد تشخر وتنخر وتقوم وتزعج العالم وتتصل
على الدفاع المدني وعلى الهلال الاحمر وتقعد تدقدق على المطافي تبي احد يفزع لشقحا اللي
متعلقة فوق الشجرة المهم يالوجيه الغانمة مادرت الا هالدفاع المدني يركضون يمشون مليون
وتقوم العجيز تأشرلهم بشيلتها عشان يدلون البيت والله ويجون اللحى الغانمة واولهم محماس
بن سميث ويجي عند الشجرة ويقعد ينطنط يبي يشوف شقحاء ويجونك شليويح بن سبنسر
وصنهات بن جورج ويجيبون معهم السلم ويحطونه على الشجرة ويجيك المهايطي محماس
ويسمي بسم الله ويطمر على السلم وييختل شقحاء من وراها ويلقطها لقطة الصقر للارينب
المهم وينزلها وتقوم العجيز وتطمر تحب خشمه من الوناسة قالت بعدي ياسنايدي
انا اشهد مايجيبها الارجالها بيض الله وجهك يابوسميث المهم وتنشب فيهم العجيز والله ان تقلطون
وتاخذون كرامتكم قالوا لها كثر الله خيرتس يام جون وحنا والله عجلين ورانا شغيلاتن بنقضيها
قالت والله ماتعدون الا انتم ماخذين فنجال والله ويقلطون الريجيل وياخذون على فنيجيل المهم
يوم عينو من الله خير كرموا وطلعوا وسلمو على ام جون ويركبون موترهم وينقز
شليويح سواقهم ويجيك محماس على الباب الايمن ويطمرصنهات في ظهر الموتر..ويقوم
محماس يشر للعجوز نافخن صدره ويدق سلف شليويح ويحرك الموتر ويدعس وفي دعسته
دعس القطيوه الي فزعولها اثرها نايمة تحت الكفر.
.قامت العجيز عاد تردد البيت اللي يقول:

"ياليتنا من حجنا سالمين"



وتقبلوا تحياتي

هههههههههههههههههههههه اما قصة جحا مع القاضي والله انها شي
مشكور ياخوي ابو حمدان على هذا النقل وتقبل مروري

ههههههههههههههه

ههههههههههههههه

هههههههههههههه

يازين إستخفاف الشياب ...هههههههههههه

الله يعطيك العافية ياأبو حمدان .....بس والله الأوله رووووووووووعه

زين ماتوطى في بطن الهندي

ههههههههه

يعطيك العافية يا ابو حمدان

يا ابو حمدان ليش مصر على انك شايب ترى اللي ما يعرفك يحسبك مجد شايب

إلا شباب ولكن بحكمة شايب

تحياتي

هههههههههههههههه

ههههههههههههههههه

هههههههههههههههههه


مشكور بو حمدان

مشكور ياقحم

السلام عليكم ورحمة الله وبركاته

لاهنت ياشيخ الشباب لاهنت ..

ضحكتني من قلب ..
خاصة :
الفلافل .


الله يسعدك ياشيخنا .

ههههههههههههههههههههههههه ههههههه

أما صفعت جحا غير ههههههههههههههههههههه

يا راجل طير العمامه من على راس القاضي ههههههههههههههههههههه


هذي حركات حجا من زمان << يقول إنه يعرفه هههههههههههههههههههه


تسلم يا شيخ الشباب تسلم يالغالي


الله يسعدك <<<

جحا وبسسسسسسسس

ههههههههههههه

كفو والله


مشكور يا جدي ههههههه

اما الفلافل حاجه ثانيه
ومشكور يبو حمدان

ههههههههه

يعطيك العافية يا ابو حمدان