وضحى الهذيلية(اقتباس)

هـــــذه قصيـــــــده ممـــــا قاله الشـــــاعــــر (عبدالعزيز بن ناصر الهذيلي من أهالي مدينة الدلم) فــــــي الـــــرثـــاء
قصيــــده / ألــــف لهـــا قصـــــه علــى لســــــان وضحــــى الهـــذليـــه وقـد كـــانـت تحــب ابــن عمهـــا حمـــود وحــال بيـــــن زواجــــها منــــه مقتلـــه .
ياطير ياللي بالرواسي له أوكار *** ياناقلا ريشه بصفقة عضوده
اللــي الى منـــه نــــوى نية طار *** يــاضاري بالبعد ماشي يكوده
اسلم وسلم لي على الشيخ عمار *** وقل له يدور عن الاضحى قعوده
أتلى العهد يرفع لك الصوت بالثار *** ويقول وينك ياخليفة جدوده
تالي النهار عصير في مفرع الغار *** دمه يشوح في علاوي حيوده
والصبح يلعب في نخاريره الفار *** والطير والسرحان مزق خدوده
تجزأ من الله ياسند قصر الأقصار *** بمزرج يشرب من القلب عوده
تجزأ من الله ياسند غيظ وامرار *** ونلار على كبدك تلضي وقوده
قتلت نفس من بريين الابرار *** وحملت حمل معظمات لهوده
ياليت يومي قبل يومه بمقدار *** وياليتني قبله بغبة لحوده
راعي الهوى والحب لو كان صبار *** الى بداء المرقاب باحت سدوده
أجر الونات وانحط بالاعبار *** واسهر الين الصبح بين عموده
دمعي على الخدين ويلاه نثار *** ومن العنا والولف عيني عنوده
وان هودت عيني بسجات الاسحار*** قامت مناديب الضماير تروده
مرحوم ياللي ماوطا اللوم والعار *** ولا عس جيرانه بحزة رقوده
حلوا الجناب الى لفى الدار خطاب *** فعايله عند الفريق محموده
يشهد له الله ثم وافين الاخيار *** حوض الردا ماشرعت به وروده
وصلاة ربي عد ماهلت امطار *** على نبي الله وصفوة جنوده

مشكور اخي المسعودي على النقل بارك الله فيك

مشكور اخوي ( المسعودي ) على القصيده الرائعه

وماهي مستغربه على الشاعر عبد العزيز الهذيلي الله يرحمه

واللي اعرفه ان له قصائد رائعه اذا تعرف احد من ابنائه ياليت تنقل لنا قصايده ومشكور

تقبل مروري وتحياتي

.. يعطيك العافيه يا ولد العم .

.. على النقل المميز .

بارك الله فيك أخي على النقل المميز

و رحم الله الشاعر عبدالعزيز بن ناصر الهذيلي

و نتمنى عليك و على كل من يعرف عن هذا العلم و قصيدة

أن يأتينا بكل ما يعرفه


شكرا لك

مشكوور على القصيده..

قصيده جزله للشاعر عبدالعزيز الهذيلي..