[grade="008000 FF6347 008000 4B0082 4169E1"]الإخوة والأخوات الأفاضل أعضاء "مجالس قبيلة هذيل"
السلام عليكم ورحمة الله وبركاته ،،، أما بعد :
يسرنا كثيرا أن نضع بين أيديكم نتيجة مسابقة:
"شاعر المنتدى" النسخة الثالثة ، وحسب ما وردنا من لجنة التحكيم فإن العديد من المشاركات كانت على قدر كبير من الجمال والإبداع ، لذا كانت المنافسة على أشدها ، وقد كان تصويت الجمهور مؤثرا أيضا في تحديد صاحب المركز الأول.
نتيجة مسابقة شاعر المنتدى " النسخة الثالثة" :
المركز الأول :
القصيدة رقم (9) للشاعر/ أحب ربعي :
الدرجة : ( 66 ) ، التصويت : ( 14 ) = 80
المركز الثاني :
القصيدة رقم (7) للشاعر/ مطرفي الجوف :
الدرجة : ( 69 ) ، التصويت : ( ـ ) = 69
المركز الثالث :
القصيدة رقم (12) للشاعر/ حمدي الهذلي :
الدرجة : ( 64 ) ، التصويت : ( 2 ) = 66[/grade]
======
======
القصيدة الفائزة بمسابقة شاعر المنتدى للنسخة الثالثة :
، والحاصلة على المركز الأول :
للشاعر المبدع / أحب ربعي ، ويحصل على وسام :
( شاعر المنتدى للنسخة الثالثة من المسابقة)
يقولون الهوى كاساً غريبة تمتلك طعمين=وانا لي صاحباً للحين يلعب ماسقانيها
وانا لوهو سقاني المر ابصبر واحتريه سنين=عساه يحن لايام الغلا ويجيب ثانيها
وهو يدري ضلوع صويحبه لو يثني السكين=تبى تفرح بسكين الهوى وتطيع ثانيها
وانا ماني من اللي يجزعه صرف الزمان الشين=وصدري مقبره لطعون مابانت لجانيها
هذاك اللي ليا شفته سرق حسنه غرور العين=واصير اعمى عن الدنيا وقاصيها ودانيها
له عيوناً قبل لاشوفها ماكنت اعرف الزين=ولاكنت اعرف سهوم الغلا وشهي معانيها
ليامن سلهمت بي تهت اببحر وين مدري وين=اببحر في بحورٍ ماترسيني موانيها
اجيه بعزتي شامخ وكاني السيف ابو حدين=واعود سيف حدينه مثلمها وحانيها
شفاهه حيرتني كيف تجمع وسطها ضدين=وكيف الثلح ويّا الجمر جامعها وبانيها
وله ثغراً مثل برق المطر يفرح به الضامين=حوى شهد الزهور اللي قطفها من مجانيها
وله خداً مثل بدر السما يبصر به السارين=تملا من عدود الزين وعيوني سبانيها
وله ضحكة بريئة مثل طفلة عمرها عامين=هدتها أمها لعبة وقالت من هدانيها
وله نظرة جريئة تسرق السلوه من السالين=تسافر بي في رحلة بالذهب تشرى ثوانيها
جديله لانسكب متنه مثل ليله بعد عشرين=قمرها غاب عنها والظلام احتل آمانيها
وعوده لانثنى غار الخزاما واخجل اليسمين=غصوناً ماتثنت عقب شوفه من مثانيها
هذاك اللي ليا منّه حكى يسكت له الحلوين=ألا ياليتني كلمه على باله حكانيها
هذاك اللي رموني فيه عذالي من الصوبين=وانا لي نفس عن هقواتها محدٍ يوانيها
هذيلي لا بغى حاجة شراها كاش ولا دين=يمينه طايله والقوم ماطالت يمانيها
لكن الخوف خوف الصد لايرحل غداة البين=ويطعن روحي الخضرا بصده في محانيها
ويسقينى سموم البعد لا وحده ولا ثنتين=وانا استنّي رحيق الوصل يرحل ماسقانيها[/poem]
===========
القصيدة الحاصلة على المركز الثاني للشاعر /مطرفي الجوف :
ماكنت اظن يمل مني وانا اغليه=== المترف اللي كنت اظنه عشيقي
مع ازمة الاسعار بالطيب شاريه===والناس باعت كل حب ٍ عريقي
ماغاب لحظه عن خيالي وطاريه=== مثل السحاب اللي يبشر فريقي
اليا ضماني شوق بيديني اسقيه===واليا ضميته فرج بكل ضيقي
يمطر بحبه في مقيضي ويحييه===وتربع الاشواق واسلك طريقي
وليا عزفت الشعر شعري يغنيه===لو كان لحني في سموه دقيقي
واليوم يافواز ماني بلاقيه=== واصبحت في بحر المفارق غريقي
اراعي سهيل اليماني واحاكيه=== ياسهيل عينك فوق خلي تويقي
ان شفت محبوبي ثرى البعد طاويه===ولاجاه في حبه ظروف ٍ تعيقي
قله ترى (مالك) ولاهو بناسيه===دام ان دلو البير حبله وثيقي
وان قاله الله لاآصله يوم واجيه===واعلن على روس الملا مايليقي
وان كان نسته الليالي بماضيه=== واقفت ركاب الحب واقفى رفيقي
ماني مشره في وصاله ولا ابيه===خلوه يصحى من شقاه ويفيقي
القلب لو يبكيه ماكني اوحيه===يطيق ولا ياعسى مايطيقي
ولو يضحي كل رجل بمباديه===باقي على مبداي ماجف ريقي
اللي مع الايام قفت خطاويه === لاني بمعشوقه ولاهو عشيقي[/poem]
===========
القصيدة الحاصلة على المركز الثالث للشاعر / حمدي الهذلي :
[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
يا صاحبي صرت لي مابين صدق وكذب = عجزت لا افهمك علمني عن اللي تبيه
ألف مبروك لشعرائنا ، أبدعتم كثيرا ، وأمتعتمونا بالجزالة وجودة السبك ..
وحظا أوفر لبقية الشعراء الكرام في الجولات القادمة.
وفي الختام نقدم خالص شكرنا وتقديرنا للأساتذة أعضاء لجنة
التحكيم ، ولكل من ساهم في نجاح هذه المسابقة من شعراء وأعضاء.
والسلام عليكم ورحمة الله وبركاته ،،،
آخر تعديل حامد السالمي يوم 05-04-2009 في 10:02 AM.
ألف مبروك لشاعر بني ياس المبدع (أحب ربعي) وبيض الله وجهك
الف مبروك للشاعر المبدع (مطرفي الجوف) وبيض الله وجهك
ألف مبروك للشاعر المبدع (حمدي الهذلي) وبيض الله وجهك.
كنتم في غاية التميز ، وقدمت لمحبي الشعر الأصيل ما راق لهم.
وفقكم الله وسدد خطاكم.
ألف ألف مبروووووووووووووك
للشاعر( أحب ربعي )
فوزه بالمركز الأول
والشاعر مطرفي الجوف
حصوله على المركز الثاني
والشاعر حمدي الهذلي
حصوله على المركز الثالث
ونشكر جميع القائمين على هذه المسابقة
لإظهار هذه المواهب