من تصويري ( شئ غريب يظهر اثناء التقاط الصوره ) - ::{ مجالس قبيلة هذيل }:: موقع يهتم بتراث القبيلة ومفاخرها

02-15-2008, 10:22 PM

[size=4]السلام عليكم

اخوكم يتعلم الاحتراف في التصوير

ويختار زوايا صعبه ومختلفه بعرض الخروج بصوره مميزه

المهم مالكم بطوالها

ليلة البارحه ( حول المغرب ) وانا اتدفى على النار طرى علي اصور الشعله من زاويه سفليه

المهم نزلت الجوال وصورت الشعله

وخرجت بصوره لا بأس بها

ولكن شد انتباهي هذا الشئ الذي يظهر في وسط الشعله

ماهو ياترى؟ وكيف ظهر في الصوره على شكل رجل؟

اترككم مع الصوره والحكم لكم

02-15-2008, 10:24 PM

لا يكون شيطان .. << ما دخل مخه غير هالكلام .. :)
*****
لكن عرش الشيطان على الماء .. مدري .. ؟؟
****
المهم .. مشكور يا أبو بسام..

02-15-2008, 10:26 PM

بس شوف يا ابن العم .. اكتب اسمك عليها لا تتنشر باسماء ناس ثانيه ..

02-15-2008, 10:29 PM

أعتقد إنها صورة جني يتروش
حرام عليك صورته وهو أجرد
يتروش في النار لأن الجو كان البارح برد
ولاحصل إلا نارك يادافع البلا .

لك مستقبل كبير في التصوير أقو لو تحفظ حقوق التصوير
ترى مثل هذه الصورة يمكن تجيب ملايين >>>> ابغى أوهقه .
تسلم يابو بسام مصور مبدع بارك الله فيك .

02-15-2008, 10:41 PM

أعتقد يا أبو بسام

والله أعلم

إنك ممد رجولك وصورة أصباع رجلك الكبير

هذا أقرب تفسير

02-15-2008, 10:51 PM

انا أقلك وش اللي في الصوره ................بشرط

قولي هل كان معك سبحه طويله جدآ وجنبك بخور اندونيسي؟

02-15-2008, 10:55 PM

تم التعديل يابو بسام

دور الدنجيره يابو بسام وصورها لنا ترى يقولون انها موجوده في السيل

والله يعطيك العافيه

واعتذر تو دخلت النت

02-15-2008, 10:59 PM


	المشاركة الأصلية كتبت بواسطة العميد


	لا يكون شيطان .. << ما دخل مخه غير هالكلام .. :) *** لكن عرش الشيطان على الماء .. مدري .. ؟؟ ** المهم .. مشكور يا أبو بسام..

مدري يالعميد

بس والله حيرتني الصوره

على الرغم اني ماشفتها الا بعد مده من التصوير

والا كان احس النار اشوف وش فيها؟


	المشاركة الأصلية كتبت بواسطة العميد


	بس شوف يا ابن العم .. اكتب اسمك عليها لا تتنشر باسماء ناس ثانيه ..

ما قصر ابو غلا

بيض الله وجهه

ومشكور يالعميد على تواجدك

02-15-2008, 11:05 PM


	المشاركة الأصلية كتبت بواسطة أبو حمدان


	أعتقد إنها صورة جني يتروش حرام عليك صورته وهو أجرد يتروش في النار لأن الجو كان البارح برد ولاحصل إلا نارك يادافع البلا . لك مستقبل كبير في التصوير أقو لو تحفظ حقوق التصوير ترى مثل هذه الصورة يمكن تجيب ملايين >>>> ابغى أوهقه . تسلم يابو بسام مصور مبدع بارك الله فيك .

اي ملايين؟ واي خرابيط؟

يالله العافيه يابو حمدان

بس اتركوا الطقطقه وفسروا لي الموجود

صراحه انا محتار جدا من هذا الشئ اللي بالصوره

اتوقع انه شئ بسم الله علانا بسم الله على ورعاننا

ههههههههههههههه

02-15-2008, 11:11 PM


	المشاركة الأصلية كتبت بواسطة هشام الهذلي


	أعتقد يا أبو بسام والله أعلم إنك ممد رجولك وصورة أصباع رجلك الكبير هذا أقرب تفسير

هيه شوفوا هذا الدب وين مدحدر؟

هشام الله يصلحك

وش جاب اصبع رجلي فالنار؟

الله يستر علاك بس

تبي تسوي مثل عز الرفيق بس ماتعرف

ههههههههههه

<<< مقهور من الرد

02-15-2008, 11:13 PM


	المشاركة الأصلية كتبت بواسطة الطلحي تركي


	انا أقلك وش اللي في الصوره ................بشرط قولي هل كان معك سبحه طويله جدآ وجنبك بخور اندونيسي؟

قسم ما معي الا جوالي

والبخور كان فالمجلس ما كان عند النار

ههههههههههههه

02-15-2008, 11:15 PM


	المشاركة الأصلية كتبت بواسطة خالد الياسي


	تم التعديل يابو بسام دور الدنجيره يابو بسام وصورها لنا ترى يقولون انها موجوده في السيل والله يعطيك العافيه واعتذر تو دخلت النت

الف شكر يالغالي

والله اني ابلش في التعديل على الصور

والدنجيره او الدجيره فيه موضوع محبوك عنها قريبا في استراحة المجالس

استعدوا

والف شكر لتواجدك وتعبك معنا

02-15-2008, 11:21 PM

بسم الله الرحمن الرحيم
.

لا يكووون شوشو صاااااااااااااخ

02-15-2008, 11:23 PM

ككككككككككككككككككككككككك كك

انا اقللك وشنهو

قرب قليل

اييييييييييوه

.......................

قرب صنتك

ابضغط

بالابهام والوسطى

بشكل متواصل مرة تلو مرة تلو مرة ................. وهكذا

لين ترقد ( تنويم مغناطيسي )

ذحين اطلع اللي في مخك كلللله

هذا ياطويل العمر واحد مطلع روحك في المنتدى ( غابنك )

انتبه لنفسك وانا أخوك ، تراه يبي يطلعلك في كل وقت

حتى تشوفه في أحلام اليقظه
ههههههههههههههههههههههههه هههه

(بسم الله عليك من كل شر)

..................

02-15-2008, 11:28 PM

والله مدري عنك

وش الهرجة ؟؟؟