التصويت لمسابقة شعراء المجالس " النسخة الثالثة "

السلام عليكم ورحمة الله وبركاته.
أسعد الله أوقاتكم أعضاء مجالس قبيلة هذيل الكرام،

كم يسر إخوانكم في إدارة مجالس قبيلة هذيل أن يتقدموا بالشكر الجزيل لشعراء مجالسنا الأفاضل ، الذين تقدموا للمسابقة الشعرية " النسخة الثالثة " ، ونشيد بما قدموه من مشاركات أدبية ،
ونسأل الله أن يجزاهم خير الجزاء ،
ونود إحاطة الجميع بأنه قد تم الإنتهاء من المرحلة الأولى من
مراحل هذه المسابقة المثيرة ، والمنافسة الشعرية الشريفة.

كما يسرنا أن نتقدم بالشكر إلى لجنة التحكيم على ما يبذلوه من جهود مشكورة، ونشكر كل من ساهم في ظهور هذه المسابقة
إلى حيز الوجود ، وظهورها بالمظهر اللائق بقبيلة الشعر.

والآن يا أعضاء مجالس هذيل سندخل إلى مرحلة التصويت واختيار إحدى القصائد المرفقة ، وفقا لذائقتكم الأدبية ، وما ترونه أحق بالتصويت منها ، ولكم نسبة من درجات المسابقة وهي (25%) ، تضاف إلى نسبة (75%) الخاصة بلجنة التحكيم ، وستكون مدة التصويت اعتبارا من هذه الليلة ولمدة خمسة أيام ينتهي يوم السبت
29/4/1430هـ ، الساعة الثامنة مساءً ، ثم تعطى ثلاثة أيام للجنة التحكيم لرصد الدرجات والمداولة النهائية ، وتقديم النتيجة النهائية
يوم 3/5/1430هـ ، وسيعلن مع صاحب المركز الأول (شاعر مجالس هذيل " النسخة الثالثة ")
صاحبي المركز الثاني والثالث.

طريقة التصويت : توجد في هذا الموضوع (12) قصيدة، كل قصيدة لها رقم تسلسلي في أعلاها ، كل ما عليك هو اختيار رقم القصيدة ، وكتابته في الاستفتاء الذي سيكون من (12) رقم ، وكل رقم يطابق لرقم القصيدة المختارة للترشيح من قبلكم.
ولكل عضو تصويت واحد لرقم واحد فقط ، ولا يحق لمن تقدم في المسابقة من الشعراء أن يدلي بصوته لقصيدته أو لأي قصيدة أخرى.

آملين من الجميع قراءة القصائد والتصويت والتفاعل مع هذه المسابقة.
والسلام عليكم ورحمة الله وبركاته ،،،

القصيدة رقم ( 1 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
في تمام الواحـده بعـد الصـلاه=بعد ماصليت في أرض الحرم
فاالطريق اللي مخصص للمشـاه=درب ضيق بالاوادم مزدحـم
مع جموع الناس افكر فالحيـاه=مادريـت الا ورامينـي سهـم
قلت يمكن واحد ٍ غيـري يبـاه=لاجل انا رجال ماشي محتـرم
يوم جيت امشي وانا اسمع في نداه=قلت انا المقصود قال انته نعم
ارتعشت وجا على وجهي غشاه=ارتعاشة خوف ما احرك قـدم
رحت اسوي مثل واحد ما عـلاه=وش تبابي قال لو تسمح هلم
حسب امره جيت وادور رضـاه=الحقيقه جيت يمـه منهـزم
بس بحسن عطف مد لـي يـداه=قال لي وشفيك اشوفك منكشم
رحت افكر فيه واغلط قلت هـاه=قال مثلك في حياته منحرم
ثم قفى وانتظـرت انظـر خطـاه=ما رأت عيني سواته منتظم
العيـون عيـون ريم ٍ فالـفـلاه=والخدود ورود والسيف الخشم
والجسم ريـان والمـولا عطاه=واضح انه عايش ٍ وسط النعم
لو اعبر لو اوصف عـن حـلاه=يعجز التعبير ويجف القلم [/poem]

القصيدة رقم ( 2 )



[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
مشتاق ظامي وأنت لي بل الأرياق =وش عاد حالي بعد شوفك يغالي

تروي عروق القلب شوفتك... وأشتاق =طمًاع يمكن لكن الشوق حالي

حبًك تضخم داخل القلب ماضاق =وأصبح معي بأول صباحي وتالي

طيفك يجيني شوق وأغيب وأنساق =وأسمع كلامك يوم وقتي صفالي

وأفيق في عيني ظلام ٍ من فراق =يالين طيفك بعد لحظه قبالي

حالي كذا والشوق محرقني إحراق =ماغير طيفك في بقايا خيالي

إن كان قلتي وشبه القلب منعاق =أقول عينك والثغر والدلالي

عينك بها قلبي من الحسن خفاق =صابت سهوم العين....قلبي شكالي

والثغر وسط القلب والعين براق =رقته فيها سحر لكن حلالي

يازين خلٍ مرهف الحس ذواق =لامن تبسم غاب همي وزالي

يسرح خيالي فيك والقلب تواق =وأسًهٍر خيالي شوق باحلى ليالي

ربي عطاكي الزين مع طيب الأخلاق =كل البشر تشهد ومابه جدالي

ودًي مسير ثاني الرجل والساق =لأم الدلع والزين رمز الجمالي

وأشوف زينك تالي البعد مشراق =ويزول هم القلب يرتاح بالي [/poem]

القصيدة رقم ( 3 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
كتب اشـعـاري على هــئـيـة رمـاح = والـدفـاتــر جســم يـتـقـبـل طـعـون
والحـــبر دم ٍ على الاوراق طـــاح = بالبيوت اللي علـى فـكـري تــمـون
وانتهض هاجوس شعـري ثم صــاح = قال انـا عالـعـهـد وافــي مااخـــون
خـلنـي فــوق المـــتن مـثل الــسـلاح = وابشر بـطلقات شعر ٍ له فـنـون
من بعــدها جيت غــــازي بــرتـياح = قـلب مـهـره ناظـرتـنـي بالعــيــون
مـهرة ٍ لامن حكت تبري الجــراح = حكيها نــابع مـن الـصدر الحنـــون
وانزعــت عن وجهــها ذاك الوشـاح = وصابني ياناس شـي من الجــنــون
مـن خـدود ٍ كـانها نــور الصـبـاح = ومن جفون ٍ ناعسه فيها سـكـون
ومن خشم واقف على الوجه استراح = سيف يفصل راس من فوق المتون
والثــــــــناياءكــــــا نـــها بــــراق لاح = والشفايف جــات برواز ٍ بـلــون
مـانـــي امكــــمل ومـتعــدي المــبــاح = كـامـلـه والكـــــــامل الله بـالـزيـون
اعلـــنت في داخل القــلـــب اجتــــياح = قلب شاعر واختراقات الحـــصون
جاتك اشــعاري علـى هئية رمـــــــاح = والــدفــاتر جســم يــتقـبــل طعـون
والحـــبـر دم ٍ عـلى الاوراق طـــاح = بالبيوت اللي على فكــري تــمــون[/poem]

القصيدة رقم ( 4 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
يابنت نقش الموس ماهو كما الريش=فيصـل بكفـه فـوق صــدره نقشـكـي
أنا ادري اني صرت ضمن المرابيش=مربوش حب ٍ ليـت وانـه ربشكـي
ونصيـر ربشـت حـب لاذي ولا ذيـش=البوم حبن خـوش يعـرض خوشكـي
لوكان بحر الحب يـروي المعاطيـش=أروا عطشنـا مـنـه واروا عطشـكـي
بيـن المحـب وكلمـة الـحـب تنبـيـش=امـــا نـبـشـت الـحــب والا نبـشـكـي
غبتي وغبنـا والمفـارق علـى ويـش=بالله فيـصـل كــم شـهـر ماوحشـكـي
ان كـان طفشانـه مـن الحـب مابيـش=لاتقربـيـن الـحـب سـاعـة طفـشـكـي
واليا مزاجك غير غيـر البشـر ليـش=والا مـن العـشـاق رمـشـن رمشـكـي
وان كان شفنا منك فالحـب تشويـش=ماابيك في حبـي ولا ابغـى وششكـي
طبـع البـدو وام الكفـوف المراقيـش=تعشـق بـدو بحـزام بـنـدق وفشـكـي
احسبـك بنـت البـدو ركابـت الجيـش=يـوم اتضـح منسبـك واليـاه طشـكـي
أبغى ابدويـة أصـل أخـت الدغاميـش=لا تبلشـيـنـي فــيــك ولا أبتـلـشـكـي
قررت عشقـي بـدو لـو قـد ماأعيـش=إمـا بـدو والا عـلـى الـنـاس بشـكـي [/poem]

القصيدة رقم ( 5 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
يطول السهر و الفكر بالحلم مغزول = يفصل لي أثواب ٍ ما أدور بدلها
و أجمع سحابة شوق و تظل بهطول = و أزرع بأرض العشق نفسي و أملها
و أجوب بفرح أرض ٍ بها القلب متبول = و اداعب خزاماها و اداعب نفلها
و ألف قصايد حب للحب و اقول = وإذا قلتها يقولون زايد غزلها
لأن الغلا زايد يجي الشعر معسول = و نفسي لا قالت شعر تُشفى عللها
على خدها تنبت بساتين و حقول = تعطر بلاد ٍ من جبال و سهلها
و وجه ٍ يضيء و لو ورا ليل مسدول = ولا به ظلام ٍ في دروب ٍ تصلها
و رموش ٍ رمت في القلب بالعرض و الطول = (سهوم المحبة) و احتواني ظللها
نغم في خطاها صابت الكل بذهول = و يوقف لها الماشي و تمشي بمهلها
و لوّ إنها نادت يجي كل مكبول = و يجي عاقل و مجنون كلن يقل ( هاااااا)
نحيلة جسم بالعز و الطهر مكفول = تقل نصفها ضايع و ربي كملها
أنيقة رشيقة وافية منطق و قول = ظريفة خفيفة دم زايد خجلها
إليها الجمال يصول و يجول و يؤول = و يا ربي الك الحمد إني بطلها
أنا احبها و شمع العمر صار مشعول = و شمع الهوى محد ٍ شعلها قبلها
بحر عينها و انا سفينة و محمول = و تاخذني امن الجال للجال و ألهى
سعادة شقاوة ضحك و الحزن مقتول = كأني معاها طفل في وسط ملهى[/poem]

القصيدة رقم ( 6 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
أواااه يا جرحٍ له سنين ما طـــــاب=ينزف ولا حصل طبيب يـــــــــداويه
راح الطبيب ولا عرفنا له أســـباب=سبعة سنين وأنا اتحرا لطـــــــاريه
هو يحسبني بأفقده حيل لا غــــــاب=أنا فقدت الحيل من زود ما أغـــــليه
ذكرى الطفولة ســالفة ورد وكتاب=نزف القصيد اللي كتب له مشاريــه
عطر اللقا اللي بقا بمســـكة الباب=دمع الرجوله و شال انثى يواســيه
ضمة خفوقي لخافقه لين مــا ذاب=سوالفه عن عطــــف أمه وماضـــيه
غير البشر ماهو بخاين ولعــــــاب=غير البشر بحضرة سموه ومعـــاليه
الله يا ذكره معي ريحه أطـــــــياب=ومهما عرفت من ابشر ما يساويــه
يامن يعرف له ديارِ أو أقـــــــراب=يبلغه إني له اليوم شـــــــــــــاريــه
سبعة سنين عشتـــــها هم وغياب=ولا به أثر لأجل اتقــــــــــفا خطاويه
يالراحل اللي منزلك بــين الأهداب=رد لي الخبر وإلا خفــــوقي بذكيــــه
وش فايدة قلبي ليا طول غياب=يمكن ليا من مات ذكري يعزيه[/poem]

القصيدة رقم ( 7 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]

ماكنت اظن يمل مني وانا اغليه=== المترف اللي كنت اظنه عشيقي
مع ازمة الاسعار بالطيب شاريه===والناس باعت كل حب ٍ عريقي
ماغاب لحظه عن خيالي وطاريه=== مثل السحاب اللي يبشر فريقي
اليا ضماني شوق بيديني اسقيه===واليا ضميته فرج بكل ضيقي
يمطر بحبه في مقيضي ويحييه===وتربع الاشواق واسلك طريقي
وليا عزفت الشعر شعري يغنيه===لو كان لحني في سموه دقيقي
واليوم يافواز ماني بلاقيه=== واصبحت في بحر المفارق غريقي
اراعي سهيل اليماني واحاكيه=== ياسهيل عينك فوق خلي تويقي
ان شفت محبوبي ثرى البعد طاويه===ولاجاه في حبه ظروف ٍ تعيقي
قله ترى (...) ولاهو بناسيه===دام ان دلو البير حبله وثيقي
وان قاله الله لاآصله يوم واجيه===واعلن على روس الملا مايليقي
وان كان نسته الليالي بماضيه=== واقفت ركاب الحب واقفى رفيقي
ماني مشره في وصاله ولا ابيه===خلوه يصحى من شقاه ويفيقي
القلب لو يبكيه ماكني اوحيه===يطيق ولا ياعسى مايطيقي
ولو يضحي كل رجل بمباديه===باقي على مبداي ماجف ريقي
اللي مع الايام قفت خطاويه === لاني بمعشوقه ولاهو عشيقي[/poem]

القصيدة رقم ( 8 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
لو تِلِفْ الكون كل الكون ما تلقى بديـلي=لو تدوِّر مـن يحبَّك مثل حبِّي ما تلاقي
لا تحاول يا حبيبي مثل هـــذا مســـتحيلي=مســـتحيل انَّك تلاقي مثل حبِّي حب راقي
صح أحبَّك وانت تهـواني وفي حبِّي قتيلي=بس ما تنفـع محـبَّه يا حبيب بلا تلاقي
والتلاقي شـرط قد ســنَّه لنا قيس وجميـلي=وضَافْ عنتر واشــترط أيضاً مع اللقيا عناقي
يا حبيبي عن شــــروط الحب حَذْرَا لا تحيلي=كان تبغانا نعيـش الْعُـمْر في حُـبْ ووفاقي
لا تـهاب ولا تخاف ولا تقــول يا ويل ويلي=مـن دخـل بحر الهـوى لازم يـلاقي ما يلاقي
يا حبيبي شِــــيل حِمْلك شِـــــيل لو إنَّه ثقيلي=دام حبينـا بـعضــنـا بالرضــا والإتـفـاقي
كُل ما شـفتك قبالي ضاع بُصْْرِي مَعْ دليلي=وانْ مِسِكْت إيديك مِنْها أذوب من غير احتراقي
لا ذكرتك في منامي أنهض ودمعي يســـيلي=من رضاك أرضى ولا منَّكْ زِعِلْت الصدرْ ضاقي
لو بغيت أوْصِفْك للعُشَّـــاق أخاف يطول ليلي=والنهار يشـعشـع بنوره وانا فالوصـف باقي
منت من تونس ولا المغرب ولا انت من الخليلي=ولا انت من لبنان لا والله ولا أنت من العراقي
يا حبيبي إنت من مكه ومــن بيتٍ أصــيلي=ماش مثلك فالعــرب حاشــا ولا مثلك ألاقي
إنت قلبي وانت روحي وانت ما مثلك مثيلي=وانته أحلى من العســل يا فاتني حلو المذاقي
آه لو أخْطَفْك يا خِلِّي عشــان اشفي غليلي=صح في قولي غرابه بس من كُثر اشتياقي[/poem]

القصيدة رقم ( 9 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]

يقولون الهوى كاساً غريبة تمتلك طعمين=وانا لي صاحباً للحين يلعب ماسقانيها
وانا لوهو سقاني المر ابصبر واحتريه سنين=عساه يحن لايام الغلا ويجيب ثانيها
وهو يدري ضلوع صويحبه لو يثني السكين=تبى تفرح بسكين الهوى وتطيع ثانيها
وانا ماني من اللي يجزعه صرف الزمان الشين=وصدري مقبره لطعون مابانت لجانيها
هذاك اللي ليا شفته سرق حسنه غرور العين=واصير اعمى عن الدنيا وقاصيها ودانيها
له عيوناً قبل لاشوفها ماكنت اعرف الزين=ولاكنت اعرف سهوم الغلا وشهي معانيها
ليامن سلهمت بي تهت اببحر وين مدري وين=اببحر في بحورٍ ماترسيني موانيها
اجيه بعزتي شامخ وكاني السيف ابو حدين=واعود سيف حدينه مثلمها وحانيها
شفاهه حيرتني كيف تجمع وسطها ضدين=وكيف الثلح ويّا الجمر جامعها وبانيها
وله ثغراً مثل برق المطر يفرح به الضامين=حوى شهد الزهور اللي قطفها من مجانيها
وله خداً مثل بدر السما يبصر به السارين=تملا من عدود الزين وعيوني سبانيها
وله ضحكة بريئة مثل طفلة عمرها عامين=هدتها أمها لعبة وقالت من هدانيها
وله نظرة جريئة تسرق السلوه من السالين=تسافر بي في رحلة بالذهب تشرى ثوانيها
جديله لانسكب متنه مثل ليله بعد عشرين=قمرها غاب عنها والظلام احتل آمانيها
وعوده لانثنى غار الخزاما واخجل اليسمين=غصوناً ماتثنت عقب شوفه من مثانيها
هذاك اللي ليا منّه حكى يسكت له الحلوين=ألا ياليتني كلمه على باله حكانيها
هذاك اللي رموني فيه عذالي من الصوبين=وانا لي نفس عن هقواتها محدٍ يوانيها
هذيلي لا بغى حاجة شراها كاش ولا دين=يمينه طايله والقوم ماطالت يمانيها
لكن الخوف خوف الصد لايرحل غداة البين=ويطعن روحي الخضرا بصده في محانيها
ويسقينى سموم البعد لا وحده ولا ثنتين=وانا استنّي رحيق الوصل يرحل ماسقانيها[/poem]

القصيدة رقم ( 10 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
ياوجودي مرت ايامي وعدت بي ليال = مانسيتك لو نست ربعي مواجيب الدخيل
وياوجود اللي حفظ دمعه وتالي العمـر سـال=وجد من عاف الزمان وصار به عابـر سبيـل
عاف حتي الذكريات اللي مضت والهجرطال=لاطرد حلـم السـراب ولا رواه السلسبيـل
كان ونك يالغلا تدري بحظي كيـف مـال=لا تعاتبني ليـا مـن ظمنـي درب الرحيـل
والعذر ماعاد ينفعني ولااحب الجدال = يالهنوف الداعجات عيونها ضاع الدليل
اذكري كم كنت احبك واذكري عهد الوصال=واذكرك كم كانت الدمعه علي خدك تسيـل
واذكريني ياحياتـي دام بـه شمـس وظـلال=اسأاالك بالله لا تنسين يالطـرررف الكحيـل
واذكرك يوم الـوداع المـر ياكـل الـدلال=يوم حانت لحظة الفرقـا وانـا قلبـي عليـل
يوم قفيتي وانا وصلك معده راس مال = لابقي لاراس مال ولا بقي بعدك حصيل
مرت ايامي وطيفـك حـي فينـي لايـزال=والسؤال اصبح جوابه رهن في يدين البخيـل
يوم قفت من خذت قلبي وطالت بي ليال = مالنا ياقلب غير اسلاه والصبر الجميل
شفتي كيف ان المحبه طيف من نسج الخياااال=بعد ماكنا حبايب كل ها العمـر الطوويـل[/poem]

القصيدة رقم ( 11 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
يامبرمجين النت ومترجمينه=آبا أتحدث بالمشاعر وأترجم
في منتدى هذيل ياكاتبينه=معكم ترى توي غشيم اتعلم
من وقتكم لحظات لوهي ثمينه=خلوني اشرح قصتي واتكلم
قصة غرام اللي طونه سنينه=عليه وقته عقب الأفراح خيم
تشوف في وجهي من الهم عينه=أسباب من عرفه وبعده لنا هم
اثر على قلب عسا الله يعينه=قلب حنون ومن فراقه تحطم
علي وليف حال بيني وبينه=حدين وثالث لنا دونهم زم
يابعدهم والبعد هم وغبينه= والمشكله بالنت ماهي بتفهم
ماتفهم إلابتصال الكبينه=عبر اتصال الهاتف اللى امعمم
كلم وصوته فيه نبره حزينه=تقول فيه رياض لحن وقسم
لبيه ياصوتن وصل فاقدينه=امر على وكل ماتطلبه سم
بس انت ياللي لك حياتي رهينه=هات العلوم الخافيه لا تلعثم
يامن ملك عقلي وقلبي بزينه=غيرك ترى عيني من البيض تحرم
ابحرت في حبك بليا سفينه=لين ارتفع من فوقي الموج الأظلم
باقصى خفوقي والظلوع الحصينه=حتى جرى بعروق يجري بها الدم
قالت تعال الصبرويني وينه=طال الرجا والشمل وشلون يلتم
قلت ابشري في كل ما تطلبينه=جيته ورحب في قدومي واسلم
وخذت لي ساعه يدي في يمينه=ماغير انا وياه والرب يعلم
سولف عن اللي في ضميره بحينه=وعطيته اخبارن بصدري تزاحم
ساعة وفا بين الضنين وضنينه=مقداره يسوى من العمر ماتم
عمر السعاده والهنا حاسبينه=يا ماشكي منها قبل وضعنا كم
الواقع اللي كلنا كارهينه=يوم الفراق اللي كما المر علقم
قلت الوداع ودكم حافظينه=صعب الظروف وقاسى الوقت يحكم
وقفيت ينظر لي ويرفع يدينه=نظرة وداع فعلها بالحشا سم
انهار والدمعه بخده وعينه=وانا علي حده مشيت اتعزم[/poem]

القصيدة رقم ( 12 )


[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
يا صاحبي صرت لي مابين صدق وكذب = عجزت لا افهمك علمني عن اللي تبيه

تبعت زولك وقلت ان النصيب انكتب= شفتك بعيني قمر قلت اصحبه واهتديه

اثرك سراب بطريقي من سماي انسكب= وانا وراه اسبق الخطوه وله وارتجيه

ان جيت يمه سبقني وان وقفت اقترب= واحترت هل اتبعه او في مكاني احتريه

احيان اشوف المسافه بين رمش وهدب = واحيان تتعبني الخطوه بدربك وتيه

لمحت نورك ولكن مالبث واحتجب= عبرتْ نهر الوفا لكن أنا ذبت فيه

يوم المحبه بميزان الغلا والعتب = والربح صدق المشاعر والتعامل نزيه

عاتبتُ لين ان نبعك يالملامه نضب = واغليتُ لين الغلا وقتي عجز يحتويه

واليوم لنّ العلاقه بين نار وحطب = يعني تبادل مصالح بين هذا وذيه

كاس الغرام انكسر مابين ثلج ولهب = جيت اجمعه وانتثر دمعي حسافه عليه

عزاه للحب اذا اصبح بين جِدّ ولعِب = واحد بقلبه وواحد بالكذب يدّعيه

صحيح ماكل شي يلمع يسمى ذهب= ولا كل واحد كلامه بالفِعِل يحتميه

ليت البدايه لها مثل النهايه سبب= كان ارفض اقصر دروبك قبل لا أبتديه

وليت النهايات تاتي دوم حسب الطلب = كان انهي اطول دروبي قبل لا أنتهيه

ومابين فجر(ن) صدوق وليل همسه كذب = صعب التلاقي والاصعب كيف فكرت فـيه[/poem]

بالتوفيق للشعراء وللشاعرات..

تم التصويت

يابنت نقش الموس ماهو كما الريش
فيصـل بكفـه فــوق صــدره نقشـكـي

ههههه وانا اشهد ...



غبتي وغبنـا والمفـارق علـى ويـش
بالله فيـصـل كــم شـهـر ماوحـشـكـي

يالطيف يالطيف.....




معارض لن يصوت <هههه يمزح تم