مــثــل الــنـخــل واقــــف

مــثــل الــنــخل واقــف

أبسألك من هوله العيد قلّي = أبسألك هل في عيوني فرح عيد

أبسألك وش شفت في زول ظلّي = لاتلتفت في مظهري ناظر بعيد

صحيح مهتمه ولاني من اللّي = يبدو كأنه كامل الفرح وسعيد

ما يفضح صمود الخفا ما يدلّي = نفسٍ تألم حزن وجروح تنهيد

لو يمتلكني ينخل الحزن كلّي = ما ينثني شموخي ولو جود القيد

مثل النخل واقف وعالي محلّي = ومثل الجبال الشامخات الصواميد

ياصاحبي كل الحكي ما يحلّي = طعم المراره لو على سمعي تزيد

وحيد بالدنيا ولالي مهلّي = غير الجروح وحرف شعرٍ نواضيد

لا العيد عيدي ولا الفرح ليّ مسلّي = لو صارت الايام عيدٍ ورى عيد

يالله عسى فرح الهنا مايملّي =عمرك ويصبح لك على كيف ماتريد

وعساك من عيدٍ لعيدٍ يطلّي = وكل عام عيدك بالفرح دون تنكيد

شعر / الملتاعة

الأخت الملتاعة
صح لسانك
قصيدة جميلة جداً معنى ومبنى

	مثل النخل واقف وعالي محلّي = ومثل الجبال الشامخات الصواميد ياصاحبي كل الحكي ما يحلّي = طعم المراره لو على سمعي تزيد

الملتاعه
قصيده روووووووووعه

تحكي الشموخ والعزة مهما كان الحال

دمتِ ودامت شعريتك

تقبلي مروري

أبسألك من هوله العيد قلّي = أبسألك هل في عيوني فرح عيد


أبسألك وش شفت في زول ظلّي = لاتلتفت في مظهري ناظر بعيد


صحيح مهتمه ولاني من اللّي = يبدو كأنه كامل الفرح وسعيد


ما يفضح صمود الخفا ما يدلّي = نفسٍ تألم حزن وجروح تنهيد

اخت ملتاعه صح لسانك على هذه الرائعه

صح لسانك اختي الطيبه الملتاعه

قصيده كبيره لشاعره كبيره

بإنتظار إبداعاتك

تحياتي

هلا وغلا اختي الملتاعه
شاعريه عذبه
ننتضر الجديد

الملتاعه

حياك الله

اسم اعلامي و شاعره معروفه

هذا اذا كنت انت الملتاعه المعروفه

فحياك الله
,
,

أبسألك من هوله العيد قلّي = أبسألك هل في عيوني فرح عيد

بدأت بتساؤل

و أتت بأكثر من اجابه

قصيده جميله

و شاعريه تستحق المتابعه


شكرا لك اختي و عساك على القوه

السلام عليكم ورحمة الله وبركاته

صح لسانك يالملتاعة

قصيدة تستحق الإشادة

وفقك الله

ما شاء الله تبارك الله عليك ِ

نص شامخ

صح الله لسانك و كلكـ