( دمعـــــة العــــود )

السلام عليكم ورحمة الله وبركاته

قصيدة جاءت بعد أزمه نفسيه عارمه من هول ما رأيت من جفا الأبناء لأبائهم ..
في المستشفيات وغيرها .. حال يبكي الصخر .. أسأل الله أن يرزقنا و إياكم البر والشكر
على أن من علينا بنعمة لا يدركها إلى من يفقدها ..


[poem=font="ms sans serif,5,#144273,bold,normal" bkcolor="" bkimage="" border="none,1," type=1 line=1 align=center use=ex num="0,"]

يا ناشدي عن علم ما قد طرا لي=يا كود في شخص ٍ طباعه دنيه
العود يذرف دمعته بالتوالي=ما يدري إن الدمع هيض عليه
طريح بفراشه ولا أحدٍ موالي=كنه غريب الدار في معمعيه
و كنه يقول تكفون نادوا عيالي=أخاف لا تهجم علي المنيه
نادوا حمد و أخوه نادوا الغوالي=ودي أضم كفوفهم في يديه
علامهم ما قدروا ضعف حالي=شهور راحت ولا ظنا لدّ فيه
و أنا الذي يا ما سهرت الليالي=أرعى و أربي بين روحه وجيه
يا ما حرمت النفس شي ٍ حلالي=أكد و أشقى لأجل عين ٍ شقيه
ما هي منانة قلبي أبيض يلالي=مير أتفكر في العلوم الرديه
شكواي للي له مردي و مآلي=يهدي عيالي للدروب السويه
لا عاد تنشد يا صعيب السؤالي=هيضتني و أنا جروحي نديه
ترا العقاقه ذنب ما به مجالي=والبر عند اللي دروبه وفيه[/poem]