محاوره جديده

اخواني الافاظل هذي محاوره جرت بيتي وبين الشاعر سالم العجمي من دولة الكويت الشقيقه عسى ان تروق لكم

سالم العجمي

"
سلام وعبيدالله ابـن المجرشـي فكـره كبيـر
حتي وسع بعض الحـلام اللـي تعكـر مرقـده
حصلت في بيت القصيد القصد وانكانـك خبيـر
مدري نقدك الوقـت ولا انـت الخبيـر وتنقـده
"
عــبــيـــدالله الـمـجــيــرشــي
"
يامرحبا ترحيب بالوافين مـن عقـل وضميـر
وليا انتخاني رجل في الميقاف يابشـر باسعـده
من حصل المقصود ماينشـد صغيـر ولا كبيـر
ونا نقدت الوقـت حيـث الوقـت حلمـي بـدده
" سالم العجمــــــــــــــــــــ ـــــــــــــــــــــي
"
ونقـول لله البقـا ياللـي تشـيـر وتستشـيـر
والمـا يساقـي فالسواقـي مازرعتـه تحصـده
عصر الفضا حل.. وقضى .. عصرالمدوه للبعير
متوكده..للـي يحـل الحبـل.. واللـي يعـقـده
"
عــبــيـــدالله الـمـجــيــرشــي
"
انا اشهد انـك يالليالـي غيـر والايـام غيـر
لكن اقول اللي يحس الخـوف ضحـى باولـده
انته ذهين العقل وابنـادم علـى نفسـه بصيـر
ماتطلب الفـي الطويـل الا النفـوس المجهـده
"
سالم العجمــــــــــــــــــــ ـــــــــــــــــــــي
"
دار الفلك وانته معه يالمجرشـي مـا تستديـر
ماني بقايل مجرشـي طايـح فوسـط المصيـده
هجسي تهيض وانت مابين الورود من الصديـر
وانا كثيـر الارصـده وانتـه كثيـر الارصـده
"
عــبــيـــدالله الـمـجــيــرشــي
"
حنا كما شـم الجبـال ازرى يغيرهـا الهجيـر
حبـل القوافـل فـي يدينـا والذلـول امقـيـده
انتم عرب واحنا عرب مانلبس الثوب القصيـر
كم واحدا عنده رصيد العلـم ماهـو فـي يـده
سالم العجمــــــــــــــــــــ ـــــــــــــــــــــي
"
اليـا لفـاك العيـد بنلبسـك بالثـوب الحريـر
حتـي تعـيـد والنشـامـا فالـبـلاد معـيـده
ياطير ابو جنحان رفه جنـاح ونسميـك طيـر
والوقت سـاد ولنـت ياعبيـدالله اللـي سيـده
"
عــبــيـــدالله الـمـجــيــرشــي
"
لاوالله الا طحت ياطير السعد في جـوف بيـر
من بعد مالله ساعـده شفـت الطيـور تساعـده
حنا في روس اموالنا احـرار مامعنـا خشيـر
حيث الشراكه لو تجي فـي كـل شيـا تفسـده
"
سالم العجمــــــــــــــــــــ ـــــــــــــــــــــــي
"
ترا الاماني ضيعت صـدام مـع تونـي بليـر
لكن عينـك للسمـا وتشـوف برقـه ورعـده
مدري لو ان المال يذهب والغني يصبـح فقيـر
مـار اطلـب الله ياعبيـدالله وسجـد وحـمـده
"
عــبــيـــدالله الـمـجــيــرشــي
تسمع باذان الصم والاتشوف بعيـون الضريـر
ماكل من سمـى سنـام المجـد يقـدر يصعـده
انا ادري ان القصر تحفة عصر مقطوع النظيـر
مبني على جدران لكـن الخلـل فـي القاعـده